ຕຳລາຮຽນຕ່າງໆ: ການສືບທອດ

ການສືບທອດ

ການສືບທອດ

ຄຸນລັກສະນະເດັ່ນປະການໜຶ່ງຂອງການຂຽນໂປຣແກຣມເຊີງອອບເຈັກຄື ຄວາມສາມາດທີ່ຈະນຳເອົາໂປຣແກຣມທີ່ອອກແບບໄວ້ແລ້ວມາໃຊ້ໃໝ່ໄດ້ ເຊິ່ງສຳຫລັບໂປຣແກຣມເຊີງກະບວນການຈຳທຳໄດ້ໂດຍການກຳນົດຄຳສັ່ງທີ່ຕ້ອງໃຊ້ດຸໄວ້ໃນໂປຣແກຣມຍ່ອຍ (ຟັງຊັນ ຫລື Procedure) ເຊິ່ງຈະມີຄວາມຊັບຊ້ອນໃນການອອກແບບເພື່ອໃຫ້ໄດ້ໂປຣແກຣມຍ່ອຍທີ່ເໝາະສົມເຮັດໃຫ້ການນຳໂປຣແກຣມມາໃຊ້ໃໝ່ຂອງໂປຣແກຣມເຊີງກະບວນການຄ່ອນຂ້າງຈະເປັນໄດ້ຍາກກວ່າ ແລະເມືອໂປຣແກຣມມີຄວາມຊັບຊ້ອນຂຶ້ນການນຳໂປຣແກຣມມາໃຊ້ໃໝ່ກໍ່ເປັນໄປໄດ້ຍາກຂຶ້ນ ເນື່ອງຈາກເຮົາບໍ່ສາມາດອອກແບບໂປຣແກຣມຄວບຄຸມປັນຫາທັງໝົດໄວ້ລ່ວງໜ້າໄດ້

ວິທີການນຳໂປຣແກຣມມາໃຊ້ໃໝ່ຂອງໂປຣແກຣມເຊີງອອບເຈັກ ຈະໃຊ້ຫລັກການຂອງການສືບທອດ ເຊິ່ງເປັນການນິຍາມຄາດໃໝ່ຈາກຮູບແບບຂອງຄາດທີ່ມີຢູ່ແລ້ວ ໂດຍຄາດໃໝ່ຈະນຳຄຸນລັກສະນະແລະເມທອດຂອງຄາດເກົ່າມາໃຊ້ໄດ້ ໂດຍທົ່ວໄປຄາດຕ່າງໆ ທີ່ມີຢູ່ຈະມີໂຄງສ້າງທີ່ມີຄວາມສຳພັນກັນຕາມລຳດັບຊັ້ນ ເຮົາສາມາດທີ່ຈະອອກແບບໂປຣແກຣມເຊີງອອບເຈັກເພື່ອສ້າງຄາດທີ່ເປັນຄາດແບບທົ່ງໄປ (Generalized Class) ເຊິງຈະມີຄຸນລັກສະນະແລະເມທອດເພື່ອໃຫ້ຄາດອື່ນໆ ທີ່ເປັນຄາດສະເພາະ (Specific Class) ສືບທອດໄດ້ ຄາດທີ່ເປັນຄາດແບບທົ່ວໄປຈະເອີ້ນວ່າເປັນ superclass ຫລື parent classສ່ວນຄາດທີ່ເປັນຄາດສະເພາະທີ່ສືບທອດມາຈະເອີ້ນວ່າເປັນ subclass ຫລື child class

ຮູບທີ 4.8 ສະແດງຕົວຢ່າງຂອງຄາດທີ່ໃຊ້ຫລັກການຂອງການສືບທອດ ຕົວຢ່າງນີ້ຈະມີຄາດ Student ເປັນຄາດແບບທົ່ວໄປແລະມີຄາດ GradStudent ,PartTimeStudent ແລະ FullTimeStuedent ສືບທອດຈາກຄາດ Student ແລະຄາດ PhDStudent ຈະສືບທອດຈາກຄາດ GradStudent ອີກຊັ້ນໜຶ່ງ ການສືບທອດຈະມີຜົນນໃຫ້ຄຸນລັກສະນະ ແລະເມທອດຂອງ Superclass ສືບທອດໄປຍັງ Subclass ຕົວຢ່າງເຊັ່ນ ຖ້າຄາດ Student ໃນຮູບທີ 4.8 ມີຄຸນລັກສະນະ id, name, gpa ແລະ MIN_GPA ແລະມີເມທອດ setId (), setName (), setGpa () ແລະ showDetails () ຄາດ GradStudent, PartTimeStudent ແລະ FullTimeStudent ກໍ່ຈະສືບທອດຄຸນລັກສະນະແລະເມທອດເຫລົ່ານັ້ນມາດ້ວຍນອກຈາກນີ້ຄາດ PhDStudent ທີ່ສືບທອດຈາກຄາດ GradStudent ກໍ່ຈະໄດ້ຮັບຄຸນລັກສະນະແລະເມທອດທີ່ສືບທອດມາຈາກຄາດ Student ທີ່ເປັນ superclass ຂອງຄາດ GradStudent ດ້ວຍ

ຂໍ້ດີຂອງການສືບທອດຄື ຄວາມສາມາດໃນການທີ່ຈະນຳໂປຣແກຣມເກົ່າມາພັດທະນາເພີ່ມເຕີມໃໝ່ໄດ້ງ່າຍຂຶ້ນ ແລະຍັງຊ່ວຍເຮັດໃຫ້ໂປຣແກຣມແຕ່ລະໂປຣແກຣມມີຂະໜາດນ້ອຍ ເຊິ່ງເຮັດໃຫ້ງ່າຍຕໍ່ການເຂົ້າໃຈແລການປັບປຸງແກ້ໄຂໂປຣແກຣມທຳໄດ້ງ່າຍຂຶ້ນ ໂດຍໃນພາສາຈາວາຈະໃຊ້ຄີເວີດ ເພື່ອລະບຸການສືບທອດ ໂປຣແກຣມທີ 4.4 ສະແດງຕົວຢ່າງຂອງຄາດທີ່ໃຊ້ຫລັກການໃນການສືບທອດຕາມໃດອະແກຣມຂອງຄາດໃນຮູບທີ 4.8

ຮູບທີ 4.8 ຕົວຢ່າງຂອງຄາດທີ່ໃຊ້ຫລັກການຂອງການສືບທອດ

ໂປຣແກຣມທີ 4.4 ຕົວຢ່າງການໃຊ້ງານຫລັກການໃນການສືບທອດ

public class PartTimeStudent extends Student { }

------------------------------------------------------

public class FullTimeStudent extends Student { }

------------------------------------------------------

public class GradStudent extends Student {

private String thesisTitle;

private String supervisor;

public void setThesisTitle(String t) {

thesisTitle = t;

}

public void setSupervisor(String s) {

supervisor = s;

}

------------------------------------------------------

public class PhDStudent extends GradStudent {

public boolean passQualify;

public boolean isPassQualify() {

return passQualify;

}

4.3.3 ການມີໄດ້ຫລາຍຮູບແບບ

ຫລັການຂອງການມີໄດ້ຫລາຍຮູບແບບຄື ຄຸນສົມບັດຂອງໂປຣແກຣມເຊີງອອບເຈັກທີ່ສາມາດຕອບສະໜອງຕໍ່ຂ່າວສານ (ເມທອດ) ດຽວກັນດ້ວຍວິທີການທີ່ຕ່າງກັນ ແລະສາມາດກຳນົດອອບເຈັກໄດ້ຫລາຍຮູບແບບ ຫລັກການຂອງການມີໄດ້ຫລາຍຮູູບແບບເປັນຫລັກການທີ່ສືບທອດເນື່ອງຈາກຫັລການຂອງການສືບທອດຕົວຢ່າງເຊັ່ນ ຮູບທີ 4.9 ມີຄາດ Ball ເຊິ່ງເປັນ superclass ຂອງຄາດ SoccerBall ແລະ TennisBall

ຮູບທີ 4.9 ຕົວຢ່າງຂອງຄາດ Ball

ຄາດ Ball ອາດມີເມທອດ throwBall () ເພື່ອກຳນົດພຶດຕິກຳການໂຍນລູກບານເຊິງ subclass ທີ່ຊື່ SoccerBall ແລະ TennisBall ອາດກຳນົດວິທີການໂຍນລູກບານແຕ່ລະຊະນິດທີ່ແຕກຕ່າງກັນກ່າວຄືຂຽນຄຳສັ່ງໃນເມທອດ throwBall () ສືບທອດມາດ້ວຍຊຸດຄຳສັ່ງທີ່ຕ່າງກັນດັ່ງສະແດງໃນຮູບທີ 4.5 ຫລັກການຂອງການມີບໍ່ໄດ້ຫລາຍຮູບແບບຍັງລວມໄປເຖິງຄວາມສາມາດທີ່ຈະອ້າງອີງອອບເຈັກທີ່ສືບທອດມາໄດ້ຫລາຍຮູບແບບ ຕົວຢ່າງເຊັ່ນຄາດ SoccerBall ທີ່ສືບທອດມາຈາກຄາດ Ball ສາມາດທີ່ຈະອ້າງອີງອອບເຈັກຂອງຄາດ SoccerBall ໄດ້ທັງໃນຮູບແບບຂອງ SoccerBall ຫລື Ball ໄດ້ຕົວຢ່າງເຊັ່ນຄຳສັ່ງ

SoccerBall b2 = new SoccerBall();

Ball b3 = new SoccerBall();

ເຊິ່ງຂໍ້ດີຂອງການໃຊ້ຫລັກການຂອງການມີໄດ້ຫລາຍຮູບແບບຄື ເຮັດໃຫ້ໂປຣແກຣມສາມາດປັບປ່ຽນຫລືເພີ່ມເຕີມໄດ້ງ່າຍຂຶ້ນ

ໂປຣແກຣມທີ 4.5 ຕົວຢ່າງການໃຊ້ຫລັກການຂອງການມີໄດ້ຫລາຍຮູບແບບ

Text Box: public class Ball {
public void throwBall() { }
}
--------------------------------------------------------------
public class SoccerBall extends Ball {
public void throwBall() {
System.out.println(“Throwing soccerball”);
}
}
--------------------------------------------------------------
public class TennisBall extends Ball {
public void throwBall() {
System.out.println(“Throwing tennisball”);
}
}
--------------------------------------------------------------
public class TestBall {
public static void main(String args[]) {
Ball b1 = new Ball();
SoccerBall b2 = new SoccerBall();
Ball b3 = new SoccerBall();
}
}

4.4 ການຂຽນໂປຣແກຣມເຊີງອອບເຈັກເພື່ອສ້າງຄາດແບບ abstract ແລະອິນເຕີ

ເຟດ

ໂປຣແກຣມເຊີງອອບເຈັກນອກເໜືອຈາກການນິຍາມຄາດແລ້ວ ໃນບາງກໍລະນີເຮົາອາດຈຳເປັນທີ່ຈະຕ້ອງນິຍາມເມທອດຕ່າງໆ ພາຍໃນຄາດຂຶ້ນມາກ່ອນໄດ້ ໂດຍຍັງບໍ່ຕ້ອງລະບຸຄຳສັ່ງຫລືວິທີການຂອງຄາດນັ້ນ ເຊັ່ນ ເຮົາອາດຕ້ອງການກຳນົດຄາດຊື່ Vehicle (ຍານພາຫານະ) ເຊິ່ງອາດມີເມທອດທີ່ຊື່ move () ຢູ່ທັງນີ້ອາດມີຄາດອື່ນໆ ທີ່ຈະສືບທອດຈາກ Vehicle ເຊັ່ນ Car ຫລື Motorbike ເຊິ່ງຈະມີວິທີການຫລືຄຳສັ່ງໃນການ move () ທີ່ແຕກຕ່າງກັນພາສາຈາວາໄດ້ກຳນົດຄາດລັກສະນະນີໄວ້ສອງແບບຄື ຄາດແບບ abstract ແລະອິນເຕີເຟດ

4.4.1 ຄາດແບບ abstract

ຄາດທີ່ມີ modifier ເປັນ abstract ຈະໝາຍຄວາມວ່າຄາດນັ້ນຍັງເປັນຄາດທີ່ບໍ່ສົມບູນ ໂດຍມີເມທອດແບບ abstract ເຊິ່ງເປັນເມທອດທີ່ຍັງບໍ່ສົມບູນຢ່າງນ້ອຍໜຶ່ງເມທອດຢູ່ໃນຄາດ ເມທອດແບບ abstract ຈະມີຮູບແບບການ

ປະກາດດັ່ງນີ້

[modifier] abstract return_type methodName([arguments]);

ທັງນີ້ເມທອດແບບ abstract ເປັນເມທອດທີ່ຍັງບໍ່ສົມບູນ ເນື່ອງຈາກບໍ່ມີບ໋ອກຄຳສັ່ງ ({ })ຢູ່ພາຍໃນເມທອດໂປຣແກຣມ 4.6 ສະແດງຕົວຢ່າງຂອງຄາດ Student ທີ່ເປັນຄາດແບບ abstract ຄາດນີ້ຈະມີເມທອດ showDetails () ເຊິ່ງເປັນເມທອດແບບ abstract ຢູ່ພາຍໃນຄາດ

ໂປຣແກຣມທີ 4.6 ຕົວຢ່າງຄາດແບບ abstract

Text Box: public abstract class Student {
protected String id;
protected String name;
protected double gpa;
public void setId(String ID) {
id = ID;
}
public void setName(String n) {
name = n;
}
public void setGpa(double GPA) {
gpa = GPA;
}
public abstract void showDetails();
}

ຄາດແບບ abstract ກຳນົດຂຶ້ນມາເພື່ອໃຫ້ຄາດອື່ນສືບທອດ ໂດຍຄາດທີ່ມາສືບທອດຈະຕ້ອງກຳນົດບ໋ອກຄຳສັ່ງໃນເມທອດທີ່ຍັງບໍ່ສົມບູນ ທັງນີ້ເຮົາສາມາດຈະສ້າງອອບເຈັກຂອງຄາດແບບ abstract ໄດ້ໂປຣແກຣມທີ 4.7 ສະແດງຕົວຢ່າງຂອງຄາດ FullTimeStudent ທີ່ສືບທອດມາຈາກຄາດ Student ຄາດນີ້ຈະຕ້ອງການກຳນົດບ໋ອກຄຳສັ່ງໃນເມທອດ showDetails () ເພື່ອເຮັດໃຫ້ເປັນເມທອດທີ່ສົມບູນ ເຊິ່ງຈະເຮັດໃຫ້ຄາດ FullTimeStudent ເປັນຄາດທີ່ສາມາດໃຊ້ໃນການສ້າງອອບເຈັກໄດ້ ອັນໜຶ່ງເຖິງວ່າເຮົາບໍ່ສາມາດສ້າງອອບເຈັກຂອງຄາດ Student ໄດ້ແຕ່ເຮົາສາມາດປະກາດອອບເຈັກຂອງຄາດ Student ແລະສ້າງອອບເຈັກຂອງຄາດ FullTimeStudentໄດ້ຕາມຫລັກການຂອງການມີໄດ້ຫລາຍຮູບແບບດັ່ງນີ້

Student s1 = new FullTimeStudent();

ໂປຣແກຣມທີ 4.7 ຕົວຢ່າງຄາດທີ່ສືບທອດມາຈາກຄາດແບບ abstract

$Text Box: public class FullTimeStudent extends Student { private int credit; private final int MAX_YEAR = 4; public FullTimeStudent(int c) { credit = c; } public void showDetails() { System.out.println("ID: "+id); System.out.println("Name: "+name); System.out.println("GPA: "+gpa); System.out.println("Credit: "+credit); } }$

4.4.2 ອິນເຕີເຟດ

ອີນເຕີເຟດ (interface) ມີລັກສະນະຄ່າຍກັບຄາດແບບ abstract ແຕ່ຈະປະກອບດ້ວຍເມທອດທີ່ຍັງບໍ່ສົມບູນເທົ່ານັ້ນ ໂດຍມີຮູບແບບ

[modifier] interface InterfaceName {

[methods();]

}

ໂດຍທີ່

InterfaceName ຄືຊື່ຂອງອິນເຕີເຟດ
Methods () ເປັນເມທອດທີ່ຍັງບໍ່ສົມບູນເຊັ່ນດຽວກັບເມທອດແບບ abstract ແຕ່ບໍ່ຕ້ອງໃຊ້ຄີເວີດ abstract

ໂປຣແກຣມທີ່ 4.8 ສະແດງຕົວຢ່າງຂອງກໍລະນີກຳນົດອິນເຕີເຟດ Student ອິນເຕີເຟດນີ້ຈະມີເມທອດ 4 ເມທອດທີ່ຍັງບໍ່ມີບ໋ອກຄຳສັ່ງຄືເມທອດ setId (), setName, setGpa ແລະ showDetails ()

ໂປຣແກຣມທີ 4.8 ຕົວຢ່າງອິນເຕີເຟດ

public interface Student {

public void setId(String ID);

public void setName(String n);

public void setGpa(double GPA);

public void showDetails();

}

ອິນເຕີເຟດກຳນົດຂຶ້ນມາເພື່ອໃຫ້ຄາດອື່ນນຳໄປໃຊ້ງານໂດຍໃຊ້ຄີເວີດ implements ໂດຍມີຮູບແບບດັ່ງນີ້

[modifier] class ClassName implements InterfaceName {

[methods();]

}

ໂປຣແກຣມທີ 4.9 ໄດ້ສະແດງຜົນຢ່າງຂອງຄາດ PartTimeStudent ທີ່ implements ອິນເຕີເຟດ Student ຄາດທີ່ implements ອິນເຕີເຟດຈະຕ້ອງຂຽນບ໋ອກຄຳສັ່ງໃນເມທອດທຸກເມທອດທີ່ກຳນົດໄວ້ໃນອິນເຕີເຟດ ເພື່ອເຮັດໃຫ້ເມທອດເຫລົ່ານີ້ສົມບູນ ແລະສາມາດສ້າງອອບເຈັກຂອງຄາດສະນັ້ນໄດ້

ອິນເຕີເຟດຈະຄືກັບຄາດແບບ abstract ກົງທີ່ເຮົາຈະບໍ່ສາມາດສ້າງ ອອບເຈັກຂອງອິນເຕີເຟດໄດ້ປະໂຫຍດຂອງອິນເຕີເຟດກໍ່ຄືການກຳນົດຮູບແບບຂອງເມທອດຕ່າງໆ ທີ່ຄາດອື່ນໆ ຈະຕ້ອງ implements ໄວ້ລ່ວງໜ້າ ເຊິ່ງສາມາດອາໃສຫລັກການຂອງການມີໄດ້ຫລາຍຮູບແບບມາເອີ້ນໃຊ້ເມທອດເຫລົ່ານັ້ນໄດ້ຈາກຄາດທີ implements ອິນເຕີເຟດເຊັ່ນ ຄຳສັ່ງ

Student s1 = new PartTimeStudent(6);

s1.setId(“1111”);

s1.setName(“Thana”);

s1.setGpa(3.00);

s1.showDetails();

ອິນເຕີເຟດຍັງຊ່ວຍໃນການສືບທອດແບບຫລາຍຄາດໄດ້ (Multiple Inheritance) ເນື່ອງຈາພາສາຈາວາກຳນົດໃຫ້ຄາດໃດໆ ສາມາດສືບທອດຄາດອື່ນໄດ້ພຽງຄາດດຽວເທົ່າກັນ ແຕ່ຈະສາມາດ implements ອິນເຕີເຟດໄດ້ຫລາຍອິນເຕີເຟດ ເຊັ່ນ

public class MyApplet extends Applet implements

MouseListener,ActionListener {

...

}

ເປັນໂປຣແກຣມຈາວາແອບເພດທີ່ສືບທອດມາຈາກຄາດ Applet ແຕ່ຂະນະດຽວກັນເປັນຄາດທີ່ implements ອິນເຕີເຟດ MouseListener ແລະ ActionListener ເປັນຕົ້ນ

ໂປຣແກຣມທີ 4.9 ຕົວຢ່າງຄາດ implements ອິນເຕີເຟດ

$Text Box: public class PartTimeStudent implements Student { private String id; private String name; private double gpa; private int credit; private final int MAX_YEAR = 8; public PartTimeStudent(int c) { credit = c; } public void setId(String ID) { id = ID; } public void setName(String n) { name = n; } public void setGpa(double GPA) { gpa = GPA; } public void showDetails() { System.out.println(“ID: “+id); System.out.println(“Name: “+name); System.out.println(“GPA: “+gpa); System.out.println(“Credit: “+credit); } }$

4.5 ແພັກເກດ

ແພັກເກດຈະເປັນທີ່ລວບລວມຄາດແລະອິນເຕີເຟດຕ່າງໆ ທີ່ມີໜ້າທີ່ການທຳງານຄ່າຍກັນໄວໃນທີ່ດຽວກັນ ໂດຍທົ່ວໄປໂປຣແກຣມພາສາຈາວາຈະປະກອບໄປດ້ວຍຄາດຫລາຍຄາດທີ່ປະກາດຢູ່ໃນໂປຣແກຣມໄຟຕ່າງໆ ໄຟໂປຣແກຣມພາສາຈາວາແຕ່ລະໄຟອາດມີຄາດທີ່ປະກາດໄວ້ຫລາຍຄາດໄດ້ ແຕ່ຈະມີຄາດທີ່ມີ access modifier ເປັນ public ໄດ້ພຽງຄາດດຽວ ເຊິ່ງວິທີການປະຕິບັດທີ່ນິຍົມໃຊ້ຄືການກຳນົດໃຫ້ໃນແຕ່ລະໂປຣແກຣມໄຟມີຄາດພຽງຄາດດຽວ ໂດຍມີຊື່ໄຟເປັນຊື່ດຽວກັບຊື່ຄາດ

ການຈັດລະບົບໄຟແລະຄາດຈຶ່ງຈຳເປັນຢ່າງຍິ່ງສຳຫລັບການພັດທະນາໂປຣແກຣມຂະໜາດໃຫຍ່ເຮົາສາມາດທີ່ຈະແບ່ງໂປຣແກຣມໃຫ້ເປັນແພັກເກດຕ່າງໆ ໂດຍຈັດກຸ່ມຂອງຄາດທີ່ທຳງານຄ່າຍກັນໄວ້ໃນແພັກເກດດຽວກັນ ແພັກເກດແຕ່ລະແພັກເກດຈະໃຊ້ໃນການເກັບຄາດຫລືແພັກເກດຍ່ອຍໄດ້

ເຊິ່ງໂປຣແກຣມຈາວາຈະສ້າວໄດ້ເລັກທໍລີ ທີ່ມີຊື່ດຽວກັບແພັກເກດ ໃນການເກັບຄາດຫລືແພັກເກດຍ່ອຍເຫລົ່ານັ້ນ ຮູບທີ່ 4.10 ສະແດງຕົວຢ່າງໂຄງສ້າງໄດເລັກທໍລີຂອງໂປຣແກຣມທີ່ມີຄາດແລະແພັກເກດຫລາຍໆ ຕົວໂປຣແກຣມຈະຢູ່ໃນແພັກເກດ ເຊິ່ງຈະປະກອບດ້ວຍແພັກເກດຍ່ອຍ 3 ແພັກເກດຄື domain, GUI ແລະ reports ໂດຍໂປຣແກຣມ Student.class, Teacher.class ແລະ Subject.class ຈະຢູ່ໃນແພັກເກດຍ່ອຍ domain ສ່ວນໂປຣແກຣມ Report.class ຈະຢູ່ໃນແພັກເກດຍ່ອຍ reports

ຮູບທີ 4.10 ຕົວຢ່າງແພັກເກດ

4.5.1 ການປະກາດແລະໃຊ້ແພັກເກດ

ໂຄງສ້າໂປຣແກຣມໄຟຂອງພາສາຈາວາຈະປະກອບດ້ວຍຄຳສັ່ງດັ່ງນີ້

[<package_declaration>]

[<import_declaration>]

[<class_declaration>]

ໂດຍທີ່

package_declaration ເປັນການລະບຸວ່າໂປຣແກຣມໄຟຢູ່ໃນແພັກເກດໃດ
Import_declaration ເປັນຄຳສັ່ງໃນການເອີ້ນໃຊ້ແພັກເກດອື່ນໆ
class_declaration ເປັນຄຳສັ່ງໃນການປະກາດຄາດ

ຄຳສັ່ງໃນການລະບຸແພັກເກດຈະມີຮູບແບບດັ່ງນີ້

package <package_name>[<sub_package_name>]

ຕົວຢ່າງເຊັ່ນ

package faculty.domain;

ຫລື

package faculty;

ໂປຣແກຣມໄຟໜຶ່ງໄຟຈະມີຄຳສັ່ງ package ໄດ້ພຽງຄຳສັ່ງດຽວ ໂດຍຈະຕ້ອງເປັນຄຳສັ່ງທຳອິດຂອງໂປຣແກຣມໃນກໍລະນີບໍ່ມີຄຳສັ່ງ package ໂປຣແກຣມໄຟນັ້ນຈະຖືກກຳນົດໄວ້ໃນແພັກເກດ default

ການເອີ້ນໃຊ້ແພັກເກດອື່ນໆ ຈະທຳໄດ້ໂດຍການໃຊ້ຄຳສັ່ງ import ເຊິ່ງມີຮູບແບບຂອງຄຳສັ່ງດັ່ງນີ້

import <package_name>[.<sub_package_name>].<Class_name>

ຫລື

import <package_name>[.<sub_package_name>].*;

ຕົວຢ່າງເຊັ່ນ

import faculty.reports.Report;

ຫລື

import java.awt.*;

ຄຳສັ່ງ import ຈະຕ້ອງກຳນົດໄວ້ກ່ອນຄຳສັ່ງການປະກາດຄາດ ເຊິ່ງໂປຣແກຣມໄຟພາສາຈາວາແຕ່ລະໂປຣແກຣມສາມາດມີຄຳສັ່ງ import ໄດ້ຫລາຍຄຳສັ່ງ

4.6 Unified Modeling Language

Unified Modeling Language (UML) ເປັນພາສາທີ່ໃຊ້ຮູບກຣາບຟິກເພື່ອຈຳລອງລະບົບຊອບແວ UML ຖືກພັດທະນາຂຶ້ນເພື່ອຈຳລອງໂປຣແກຣມເຊີງອອບເຈັກໃນຕົ້ນທົດສະວັດ 1990 ເຊິ່ງໃນປັດຈຸບັນ UML ໄດ້ກາຍເປັນມາດຕະຖານທີ່ໃຊ້ໃນການຈຳລອງລະບົບຊອບແວຕາມຂໍ້ກຳນົດຂອງ OMG (Object Management Group) ໜັງສືເລັ່ມນີ້ຈະໃຊ້ສັນຍາລັກຂອງ UML ໃນການຈຳລອງລະບົບໂປຣແກຣມຕ່າງໆ ແຕ່ເນື່ອງຈາກ UML ເປັນພາສາຈາວາທີ່ມີຂໍ້ກຳນົດຕ່າງໆ ຫລາຍດັ່ງນັ້ນເນື້ອຫາໃນບົດນີ້ຈະກ່າວເຖິງສະເພາະສ່ວນຕ່າງໆ ທີ່ຈຳເປັນຕໍ່ຄວາມເຂົ້າໃຈທີ່ຈະໃຊ້ໃນໜັງສືເລັ່ມນີ້ເທົ່ານັ້ນ

4.6.1 ໄດອະແກຣມຂອງຄາດ

ໄດອະແກຣມຂອງຄາດ (Class Diagram) ເປັນສັນຍາລັກທີ່ໃຊ້ສະແດງຄາດໃນ UML ໂດຍໄດອະແກຣມຂອງຄາດຈະປະກອບດ້ວຍສ່ວນຕ່າງໆ ສາມສ່ວນຄື ຊື່ຂອງຄາດ ຄຸນລັກສະນະພາຍໃນຄາດ ແລະເມທອດພາຍໃນຄາດດັ່ງສະແດງໃນຮູບທີ 4.11 ໄດອະແກຣມຂອງຄາດຈະລະບຸຂໍ້ມູນຕ່າງໆ ສຳຫລັບຄຸນລັກສະນະພາຍໃນຄາດຄື ຊື່ຂອງຄຸນລັກສະນະ ຊະນິດຂໍ້ມູນສະຖານະການເຂົ້າເຖິງ (access model) ແລະຄ່າເລີ່ມຕົ້ນ ສ່ວນເມທອດພາຍໃນຄາດຈະລະບຸເຖິງສະຖານະການເຂົ້າເຖິງ ຊື່ຂອງເມທອດ ຊະນິດຂໍ້ມູນຂອງ argument ແລະຊະນິດຂໍ້ມູນຂອງຄ່າທີ່ສົ່ງກັບ ສຳຫລັບສະຖານະການເຂົ້າເຖິງ UML ໄດ້ກຳນົດສັນຍາລັກຕ່າງໆ ໄວ້ດັ່ງນີ້

+ ສຳຫລັບ public

+ ສຳຫລັບ private

ຮູບທີ 4.11 ຕົວຢ່າງ UML ຂອງຄາດ Student

ໄດອະແກຣມຂອງຄາດສາມາດທີ່ຈະສະແດງຄວາມສຳພັນຂອງຄາດ ທີ່ມີການສືບທອດກັນ ໂດຍການໃຊ້ລູກສອນເປັນສັນຍາລັກດັ່ງສະແດງໃນຮູບທີ 4.8 ນອກຈາກນີ້ໄດອະແກຣມຂອງຄາດ ຍັງສາມາດທີ່ຈະສະແດງຄວາມສຳພັນຫລືສະແດງຄຸນສົມບັດອື່ນໆ ເຊັ່ນ ສະແດງວ່າເປັນຄາດແບບ interface ໄດ້ອີກດ້ວຍ

6.6.2 ໄດອະແກຣມຂອງອອບເຈັກ

UML ສາມາດທີຈະສະແດງໃຫ້ເຫັນໄດ້ວ່າອອບເຈັກທີ່ສ້າງຂຶ້ນມາເປັນອອບເຈັກຂອງຄາດໃດ ແລະມີຄ່າຂອງຄຸນລັກສະນະຕ່າງໆ ຢ່າງໃດ ໂດຍໃຊ້ໄດອະແກຣມຂອງອອບເຈັກ (Object Diagram) ທີ່ປະກອບໄປດ້ວຍສ່ວນຕ່າງໆ ສອງສ່ວນຄື ສ່ວນທີ່ລະບຸຊື່ຂອງອອບເຈັກ ແລະສ່ວນທີ່ລະບຸຄ່າຂອງຄຸນລັກສະນະພາຍໃນອອບເຈັກ ດັ່ງຕົວຢ່າງໃນຮູບແບບທີ 4.12 ເຊິ່ງເປັນການສະແດງອອບເຈັກ s1nແລະ s2 ຂອງຄາດ Student ຈາກຮູບນະເຫັນໄດ້ວ່າສັນຍາລັກລູກສອນທີ່ເປັນເສັ້ນປະຈະເປັນການລະບຸວ່າອອບເຈັກ s1 ເປັນອອບເຈັກຂອງຄາດ Student

ຮູບທີ 4.12 ໄດອະແກຣມຂອງອອບເຈັກ s1 ແລະ s2 ຂອງຄາດ Student

ຕຳລາຮຽນຕ່າງໆ

หน้าเว็บ

ການສືບທອດ

ไม่มีความคิดเห็น:

แสดงความคิดเห็น