ຕຳລາຮຽນຕ່າງໆ: ການສ້າງສ່ວນຕໍ່ປະສານກຣາບຟິກກັບຜູ້ໃຊ້

ການສ້າງສ່ວນຕໍ່ປະສານກຣາບຟິກກັບຜູ້ໃຊ້

ການສ້າງສ່ວນຕໍ່ປະສານກຣາບຟິກກັບຜູ້ໃຊ້

ເນື້ອຫາໃນບົດນີ້ເປັນການແນະນຳການຂຽນໂປຣແກຣມຈາວາປະຍຸກທີ່ມີສ່ວນຕໍ່ປະສານກຣາບຟິກກັບຜູ້ໃຊ້ ໂດຍຈະເປັນການແນະນຳຄາດແລະອິນເຕີເຟດທີ່ສຳຄັນໃນແພັກເກດ javax.swing ອະທິບາຍຄາດປະເພດ Containerແລະຄາດທີ່ເປັນສ່ວນປະກອບກຣາບຟິກອື່ນໆ ແນະນຳການຈັດວາງສ່ວນປະກອບກຣາຟິກໂດຍໃຊ້ອອບເຈັກປະເພດ LayoutManager ແລະອະທິບາຍການສ້າງເມນູ

5.1 Java Foundation Class

ເນື້ອຫາທີ່ຜ່ານມາເນັ້ນການພັດທະນາໂປຣແກຣມທີ່ມີສ່ວນຕໍ່ປະສານຂໍ້ຄວາມກັບຜູ້ໃຊ້ (tex-mode) ແຕ່ລະບົບປະຕິບັດການສ່ວນໃຫຍ່ຈະມີສ່ວນຕໍ່ປະສານກຣາບຟິກກັບຜູ້ໃຊ້ (Graphic User Interface ເອີ້ນວ່າ GUI) ທັງນີ້ເນື່ອງຈາກໃຊ້ງານງ່າຍກວ່າ ດັ່ງນັ້ນການພັດທະນາໂປຣແກຣມໃນປັດຈຸບັນຄວນທີ່ຈະມີສ່ວນຕໍ່ປະສານກຣາບຟິກກັບຜູ້ໃຊ້ເຊິ່ງໂປຣແກຣມລັກສະນະນີ້ເອີ້ນວ່າໂປຣແກຣມ GUI

ການພັດທະນາໂປຣແກຣມ GUI ຜູ້ພັດທະນາໂປຣແກຣມຕ້ອງມີຄວາມເຂົ້າໃຈຊຸດຄຳສັ່ງແລະອົງປະກອບທາງດ້ານກຣາບຟິກຂອງລະບົບປະຕິບັດການທີ່ຕ້ອງການພັດທະນາ ພາສາຄອມພິວເຕີສ່ວນໃຫຍ່ຈະໃຊ້ຊຸດຄຳສັ່ງສະເພາະໃນແຕ່ລະລະບົບປະຕິບັດການ ດັ່ງນັ້ນຜູ້ພັດທະນາໂປຣແກຣມຈະຕ້ອງຮຽນຮູ້ຊຸດຄຳສັ່ງໃນແຕ່ລະລະບົບປະຕິບັດການແລະໂປຣແກຣມ GUI ທີ່ພັດທະນາຂຶ້ນມາຈະຂຶ້ນຢູ່ກັບແຟດຟອມ (Platform Dependent) ແຕ່ພາສາຈາວາຈະສະໜັບສະໜູນການພັດທະນາໂປຣແກຣມ GUI ທີ່ສາມາດໃຊ້ງານໄດ້ຫລາຍແຟດຟອມ ໂດຍຈະໃຊ້ຊຸດຄຳສັ່ງດຽວກັນ ເຊັ່ນ ເຮົາສາມາດທີ່ຈະນຳໂປຣແກຣມ ທີ່ພັດທະນາບົນລະບົບປະຕິບັດການ Linux ມາໃຊ້ບົນລະບົບປະຕິບັດການອື່ນໆ ທີ່ມີສ່ວນຕໍ່ປະສານກຣາບຟິກກັບຜູ້ໃຊ້ໄດ້

ຊຸດຄຳສັ່ງຂອງໂປຣແກຣມພາສາຈາວາທີ່ໃຊ້ໃນການພັດທະນາໂປຣແກຣມ GUI ຈະຢູ່ໃນຊຸດຂອງແພັກເກດ Foundation Class (JFC) ດັ່ງສະແດງໃນຮູບທີ 5.1 ເຊິ່ງປະກອບດ້ວຍແພັກເກດຕ່າງໆ ດັ່ງນີ້

ຮູບທີ 5.1 ສ່ວນປະກອບທີ່ສຳຄັນຂອງ JFC

Window Toolkit (AWT) ເປັນແພັກເກດທີ່ໃຊ້ໃນການພັດທະນາໂປຣແກຣມ ຂັ້ນພື້ນຖານ ເຊິ່ງຈະໃຫ້ໂປຣແກຣມ ທີ່GUI ເປັນ look and feel ທີ່ຂຶ້ນຢູ່ກັບແຟດຟອມ ພາສາຈາວາໄດ້ກຳນົດແພັກເກດ AWT ຂຶ້ນມາຕັ້ງແຕ່ເວີຊັນທຳອິດ (JDK 1.0) ໂດຍກຳນົດໄວ້ໃນແພັກເກດ java.awt
Swing ເປັນແພັກເກດທີ່ມີສ່ວນປະກອບກຣາບຟິກທີ່ມີຄຸນລັກສະນະແລະຮູບແບບທີ່ດີວ່າສ່ວນປະກອບກຣາບຟິກຂອງແພັກເກດ AWT ເຊິ່ງຈະເໝາະກັບການພັດທະນາໂປຣແກຣມ GUI ທີ່ນຳໄປໃຊ້ງານຈິງ ພາສາຈາວາໄດ້ກຳນົດແພັກເກດ Swing ຂຶ້ນໃນຈາວາເວີຊັນ 2(Java2) ໂດຍກຳນົດໃນແພັກເກດຊື່ javax.swing ໂດຍທົ່ວໄປໂປຣແກຣມທີ່ໃຊ້ຊຸດຄຳສັ່ງໃນແພັກເກດ Swing ຈະທຳງາຊ້າກວ່າໂປຣແກຣມ GUI ທີ່ໃຊ້ແພັກເກດ AWT ແຕ່ຈະມີຮູບແບບທີ່ສວຍງາມກວ່າ
Java 2D ເປັນຊຸຄຳສັ່ງກຣາບຟິກທີ່ມີຄາດທີ່ຊ່ວຍໃນການພັດທະນາໂປຣແກຣມກຣາບ ຟິກສອງມິຕິແລະຄາດທີ່ໃຊ້ໃນການຈັດການກັບຮູບພາບ
Accessibility ເປັນຊຸດຄຳສັ່ງທີ່ມີຄາດໃນການພັດທະນາໂປຣແກຣມທີ່ມີອິນພຸດຫລືເອົ້າພຸດໃນລັກສະນະພິເສດ ເຊັ່ນ screen reader, screen magnifier ແລະ audio text reader
Drag and Drop ເປັນຊຸດຄຳສັ່ງຂອງເຕັກໂນໂລຊີທີ່ຊ່ວຍໃນການແລກປ່ຽນຂໍ້ມູນລະຫວ່າງໂປຣແກຣມທີ່ພັດທະນາໂດຍພາສາຈາວາກັບໂປຣແກຣມພາສາອື່ນໆ

5.1.1 ແພັກເກດ AWT

ພາສາຈາວາໃນເວີຊັນທຳອິດໆ ຈະໃຊ້ແພັກເກດ AWT ໃນການພັດທະນາໂປຣແກຣມ ກ່ອນທີ່ຈະພັດທະນາ ໂດຍໃຊ້ແພັກເກດ Swing ທັງນີ້ຄາດແລະອິນເຕີແຟດຂອງ Swing ຫລາຍໆ ຕົວສືບທອດມາຈາກຄາດຂອງແພັກເກດ AWT ເນື້ອຫາໃນບົດນີ້ຈະແນະນຳໃຫ້ຮູ້ຄາດແລະອິນເຕີແຟດຕ່າງໆ ທີ່ສຳຄັນໃນແພັກເກດ AWT ເຊິ່ງມີດັ່ງນີ້

Coponent ເປັນຄາດທີ່ເປັນ superclass ຂອງຄາດປະເພດສ່ວນປະກອບກຣາບຟິກທຸກຄາດໃນແພັກເກດ AWT
Container ເປັນຄາດທີ່ໃຊ້ໃນການໃສ່ສ່ວນປະກອບກຣາບຟິກ
LayoutManager ເປັນອິນເຕີແຟດທີ່ໃຊ້ໃນການຈັດຕຳແໜ່ງແລະຂະໜາດສ່ວນປະກອບກຣາບຟິກ

· Graphics ເປັນຄາດແບບ abstract ທີ່ໃຊ້ໃນການແຕ້ມຮູບກຣາບຟິກ ເຊັ່ນ ແຕ້ມເສັ້ນ ແຕ້ມສີ່ຫລ່ຽມ ຫລືຂຽນຂໍ້ຄວາມ ເປັນຕົ້ນ

Color ເປັນຄາດທີ່ໃຊ້ໃນການຈັດການສີຂອງສ່ວນປະກອບກຣາບຟິກ
Font ເປັນຄາດທີ່ໃຊ້ໃນການຈັດການຟອນຂອງສ່ວນປະກອບກຣາບຟິກ
AWTEvent ເປັນຄາດທີ່ກ່ຽວຂ້ອງກັບເຫດການ (Event) ທາງກຣາບຟິກ

ການຂຽນໂປຣແກຣມ GUI ນັ້ນຈະເປັນການສ້າງອອບເຈັກຕ່າງໆ ທີ່ເປັນອອບເຈັກຂອງຄາດທີ່ເປັນສ່ວນປະກອບກຣາບຟິກ ເຊິ່ງຄາດເຫລົ່ານີ້ສືບທອດມາຈາກຄາດທີ່ຊື່ Component ດັ່ງສະແດງໃນຮູບທີ 5.2 ເຊິ່ງຄາດທີ່ເປັນ subclass ຂອງຄາດ Component ຈະແບ່ງເປັນສອງກຸ່ມຄື

1. ຄາດທີ່ເປັນຄາດປະເພດ Container ເປັນຄາດທີ່ໃຊ້ໃນການໃສ່ສ່ວນປະກອບກຣາບຟິກຕ່າງໆ

2. ຄາດທີ່ເປັນສ່ວນປະກອບກຣາບຟິກອື່ນໆ ເຊັ່ນ Button, Choice ແລະ List ເປັນຕົ້ນ

ຮູບທີ 5.2 ຄາດຕ່າງໆ ທີ່ສືບທອດມາຈາກຄາດທີ່ຊື່ Component

5.1.2 ແພັກເກດ Swing

Swing ເປັນແພັກເກດສຳຫລັບພັດທະນາໂປຣແກຣມ GUI ເຊິ່ງມີສ່ວນປະກອບກຣາບຟິກຫລາຍທີ່ຫລາຍຊະນິດກວ່າທີ່ມີຢູ່ໃນແພັກເກດ AWT ນອກຈາກນີ້ສ່ວນປະກອບກຣາບ ຟິກຂອງແພັກເກດ Swing ຈະມີລັກສະນະທີ່ີກວ່າສ່ວນປະກອບກຣາບຟິກຂອງແພັກເກດ AWT ສ່ວນປະກອບກຣາບຟິກຂອງແພັກເກດ Swing ຈະມີລັກສະນະທີ່ດີກວ່າສ່ວນປະກອບກຣາບຟິກ ຂອງແພັກເກດ AWT ສ່ວນປະກອບຂອງກຣາບຟິກຂອງແພັກເກດ Swing ສາມາດກຳນົດຮູບແບບຂອງ look and feel ທີ່ທຳໃຫ້ໄດ້ໂປຣແກຣມ GUI ທີ່ມີຮູບກຣາບຟິກຄືກັນໃນທຸກແຟດຟອມ ເຊິ່ງຈະແຕກຕ່າງກັບແພັກເກດ AWT ທີ່ຈະມີຮູບແບບຂອງກຣາບຟິກ ເຊິ່ງຂຶ້ນຢູ່ກັບ look and feel ຂອງແຕ່ລະແຟດຟອມ ເຊິ່ງການກຳນົດ look and feel ໄດ້ເອງນີ້ເຮັດໃຫ້ໂປຣແກຣມ GUI ທີ່ໃຊ້ອອບເຈັກຂອງແພັກເກດ Swing ສະແດງຜົນໄດ້ຊ້າກວ່າໂປຣແກຣມ GUI ທີ່ໃຊ້ອອບເຈັກຂອງແພັກເກດ Swing ສະແດງຜົນໄດ້ຊ້າກວ່າໂປຣແກຣມ GUI ທີ່ໃຊ້ອອບເຈັກຂອງແພັກເກດ AWT

ແພັກເກດ Swing ປະກອບດ້ວຍຄາດຕ່າງໆ ທີ່ເປັນປະເພດສ່ວນປະກອບກຣາບຟິກ (Graphical Component) ເພື່ອນຳໄປໃຊ້ໃນການພັດທະນາໂປຣແກຣມ GUI ແພັກເກດ Swng ຈະຊ່ວຍໃນການສ້າງໂປຣແກຣມ GUI ປະເພດ look and feel ໂດຍຈະບໍ່ຂຶ້ນຢູ່ກັບແຟດຟອມທີ່ໃຊ້ງານ ພາສາຈາວາໄດ້ກຳນົດແພັກເກດ Swing ຢູ່ໃນແພັກເກດ javax.swig ແພັກເກດ Swig ຈະປະກອບໄປດ້ວຍຄາດແລະອິນເຕີແຟດຕ່າງໆ ເພື່ອໃຊ້ໃນການພັດທະນາໂປຣແກຣມ GUI ໂດຍຄາດແລະອິນເຕີເພດຕ່າງໆ ເຫລົ່ານີ້ຈະມີຄວາມສຳພັນດັ່ງສະແດງໃນຮູບທີ 5.3

ຮູບທີ 5.3 ຄາດແລະອິນເຕີເພດຕ່າງໆ ໃນແພັກເກດSwing

5.2 ຄາດປະເພດ Container

ອອບເຈັກຂອງຄາດ Container ຈະໃຊ້ໃນການໃສ່ອອບເຈັກຂອງສ່ວນປະກອບກຣາບຟິກຫລາຍໆ ອອບເຈັກໄວ້ເພື່ອສະແດງຜົນໂປຣແກຣມ ຈະຕ້ອງມີການສ້າງອອບເຈັກຂອງຄາດປະເພດ Container ຢ່າງນ້ອຍໜຶ່ງອອບເຈັກຂຶ້ນມາກ່ອນ ເພື່ອໃຊ້ໃນການໃສ່ອອບເຈັກຂອງຄາດທີ່ເປັນສ່ວນປະກອບກຣາບຟິກອື່ນໆ ຄາດປະເພດ Container ທີ່ຢູໃນແພັກເກດ AWT ມີດັ່ງນີ້

Frame
Panel
Dialog
Applet

ໂດຍຈະມີລຳດັບຊັ້ນຂອງການສືບທອດດັ່ງສະແດງໃນຮູບທີ 5.2

ຄາດປະເພດ Container ເປັນຄາດທີ່ສືບທອດມາຈາກຄາດທີ່ຊື່ Component ເຊິ່ງຈັດເປັນ

ສ່ວນປະກອບກຣາບຟິກຊະນິດໜຶ່ງ ດັ່ງນັ້ນເຮົາສາມາດທີ່ຈະໃສ່ອອບເຈັກປະເພດ Container ບາງຊະນິດລົງໃນອອບເຈັກຂອງຄາດປະເພດ Container ຕົວອື່ນໆ ໄດ້ເຊັ່ນ ໃສ່ອອບເຈັກຂອງຄາດ Panel ລົງໃນອອບເຈັກຂອງຄາດ Frame ຄາດທີ່ຊື່ Container ເປັນຄາດແບບ abstract ເຊິ່ງເຮົາບໍ່ສາມາດທີ່ຈະສ້າງອອບເຈັກຂອງຄາດດັ່ງກ່າວໄດ້ ແຕ່ຈະຕ້ອງສ້າງອອບເຈັກຂອງຄາດອື່ນໆ ທີ່ສືບທອດມາຈາກຄາດທີ່ຊື Container ແທນຄາດທີ່ຊື່ Container ຈະມີເມທອດ ທີ່ໃຊ້ໃນການໃສ່ສ່ວນປະກອບກຣາບຟິກອື່ນໆ ເມທອດນີ້ຈະມີຮູບແບບທີ່ສຳຄັນດັ່ງນີ້

Public void add (Component c)
Public void add (Component c, int position)

ໂດຍປົກກະຕິຄາດປະເພດ Container ຈະມີການຈັດວາງສ່ວນປະກອບກຣາບຟິກໂດຍ

ກຳນົດຕຳແໜ່ງແລະຂະໜາດຕາມຮູບແບບການຈັດວາງຜັງ ທີ່ກຳນົດໂດຍອອບເຈັກປະເພດ LayoutManager ໂດຍອັດຕະໂນມັດເຊິ່ງຈະກ່າວເຖິງໃນຫົວຂໍ້ຕໍ່ໄປ

5.2.1 ຄາດ Frame

ຄາດ Frame ເປັນຄາດທີ່ສືບທອດມາຈາກຄາດທີ່ຊື່ Window ເຊີ່ງຈັດວ່າເປັນຄາດປະເພດ Container ແບບໜຶ່ງ ໂດຍອອບເຈັກຂອງຄາດ Frame ຈະປະກອບດ້ວຍ title bar, resizable corner, icon ແລະ menu bar ດັ່ງສະແດງໃນຮູບທີ 5.4 ໂປຣແກຣມ GUI ສຳຫລັບໂປຣແກຣມຈາວາປະຍຸກຈະເລີ່ມຕົ້ນດ້ວຍການສ້າງອອບເຈັກຂອງຄາດ Frame ຢ່າງນ້ອຍໜຶ່ງອອບເຈັກ ເຊິ່ງຄາດ Frame ຈະມີຮູບແບບຂອງ constructor ທີ່ສຳຄັນດັ່ງນີ້

Public Frame ()
Public Frame (String title)

ໂດຍທີ່ title ຄືຂໍ້ຄວາມທີ່ຕ້ອງການຈະສະແດງກົງ title bar ຂອງ Frame

ຮູບທີ 5.4 ຮູບແບບຂອງ Frame

ໂດຍທົ່ວໄປຄາດ Frame ຈະມີຂະໜາດເລີ່ມຕົ້ນເປັນ (0,0) ດັ່ນນັ້ນຈຶ່ງຈຳເປັນຈະຕ້ອງກຳນົດຂະໜາດຂອງອອບເຈັກຂອງ Frame ໂດຍໃຊ້ເມທອດ setSize () ນອກຈາກນີ້ຄາດ Frame ຈະຖືກກຳນົດໃຫ້ບໍ່ສາມາດເບິ່ງເຫັນໄດ້ໃນຕອນເລີ່ມຕົ້ນ ດັ່ງນັ້ນຈຶ່ງຕ້ອງມີການເອີ້ນໃຊ້ເມທອດ setVisible (true) ເພື່ອກຳນົດໃຫ້ອອບເຈັກຂອງຄາດ Frame ສາມາດເບິ່ງເຫັນໄດ້

ອອບເຈັກຂອງຄາດ Frame ສາມາດທີ່ຈະປັບຂະໜາດໄດ້ໂດຍການລາກເມົາປັບຂະໜາດຂອງເຟມເຊິ່ງຄາດ ຈະມີເມທອດທີ່ກ່ຽວຂ້ອງກັບການປັບຂະໜາດຂອງເຟມດັ່ງນີ້

Public Boolean isResizable ()

ເປັນເມທອດເພື່ອກວດສອບວ່າອອບເຈັກຂອງຄາດ Frame ນີ້ສາມາດປັບຂະໜາດໄດ້ຫລືບໍ່

Public void setResizable (Boolean canResize)

ເປັນເມທອດເພື່ອກຳນົດໃຫ້ອອບເຈັກຂອງຄາດ Frame ນີ້ສາມາດປັບຂະໜາດໄດ້ຫລືບໍ່

ໂປຣແກຣມທີ 5.1 ສະແດງຕົວຢ່າງການສ້າງອອບເຈັກຂອງຄາດ Frame ທີ່ຊື່ fr ແລະກຳນົດໃຫ້ fr ມີຂະໜາດເລີ່ມຕົ້ນເປັນ 2001x150 ພິກເຊວ ໂດຍກຳນົດໄວ້ໃນຄຳສັ່ງ fr.setSize(200,150); ສ່ວນຄຳສັ່ງ fr.setVisible (true); ເປັນຄຳສັ່ງເພື່ອທີ່ຈະເຮັດໃຫ້ສາມດາເບິ່ງເຫັນອອບເຈັກ fr ໄດ້ໂປຣແກຣມໃຫ້ຜົນລັບດັ່ງສະແດງໃນຮູບທີ 5.5

ໂປຣແກຣມທີ 5.1 ຄາດ FrameSample

Text Box: import java.awt.*;
public class FrameSample {
private Frame fr;
public void init() {
fr = new Frame("Frame Sample");
fr.setSize(200,150);
fr.setVisible(true);
}
public static void main(String args[]) {
FrameSample obj = new FrameSample();
obj.init();
}
}

ຮູບທີ 5.5 ຜົນລັບຈາກການລັນໂປຣແກຣມທີ 5.1

5.2.2 ຄາດ Panel

ຄາດ Panel ຈະເປັນຄາດປະເພດ Container ເຊັ່ນດຽວກັບຄາດ Frame ແຕ່ Panel ຈະແຕກຕ່າງຈາກ Frame ບ່ອນທີ່ Panel ຈະບໍ່ມີ title bar ແລະບໍ່ມີ resizable corner ຄາດ Panel ຈະມີ subclass ທີ່ຊື່ Applet ເພື່ອໃຊ້ໃນການຂຽນໂປຣແກຣມຈາວາແອບເພດ ເຊິ່ງເຮັດໃຫ້ເຮົາສາມາດໃສ່ສ່ວນປະກອບກຣາບຟິກລົງໃນໂປຣແກຣມຈາວາແອບບເພດໄດ້ໂປຣແກຣມຈາວາປະຍຸກບໍ່ສາມາດທີ່ຈະສ້າງໂປຣແກຣມ GUI ໂດຍເລີ່ມຕົ້ນຈາກການສ້າງອອບເຈັກຂອງຄາດ Panel ໄດ້ໂດຍກົງ ທັງນີ້ເນື່ອງຈາກໂປຣແກຣມ GUI ຕ້ອງມີການສ້າງ Frame ຂຶ້ນມາກ່ອນ

ຄາດ Panel ສາມາດທີ່ຈະສ້າງລົງໄປໃນ Frame ໄດ້ຈຶ່ງເຮັດໃຫ້ເຮົາສາມາດທີ່ຈະສ້າງໂປຣແກຣມ GUI ທີ່ມີການວາງຜັງທີ່ຊັບຊ້ອນຂຶ້ນໄດ້ ໂດຍການໃສ່ອອບເຈັກຂອງຄາດທີ່ເປັນສ່ວນປະກອບກຣາບຟິກຕ່າງໆ ລົງໃນອອບເຈັກຂອງຄາດ Panel ກ່ອນແລ້ວຈຶ່ງນຳອອບເຈັກຂອງຄາດ Panel ໃສ່ລົງໃນອອບເຈັກຂອງຄາດປະເພດ Container ອີກຊັ້ນໜຶ່ງ ທັງນີ້ເຮົາສາມາດທີ່ຈະກຳນົດໃຫ້ ອອບເຈັກຂອງຄາດ Panel ແຕ່ລະຕົວສາມາດມີຕົວຈັດວາງຜັງທີ່ຕ່າງກັນໄດ້ ແລະເຮົາຍັງສາມາດທີ່ຈະໃສ່ ອອບເຈັກຂອງຄາດ Panel ລົງໄປໃນອອບເຈັກຂອງຄາດ Panel ຕົວອື່ນອີກໜຶ່ງກໍ່ໄດ້

5.2.3 ຄາດ Dialog

ຄາດ Dialog ເປັນຄາດທີ່ສືບທອດມາຈາກຄາດ Window ເພື່ອໃຊ້ເປັນອິນພຸດແລະເອົ້າພຸດກັບຜູ້ໃຊ້ ຄາດ Dialog ຈະທຳງານຢູ່ພາຍໃນອອບເຈັກຂອງຄາດ Frame ທັງນີ້ການສ້າງອອບເຈັກຂອງຄາດ Dialog ຈະຕ້ອງລະບຸອອບເຈັກຂອງຄາດ Frame ທີ່ຄູ່ກັນເຊິ່ງເອີ້ນວ່າເຟມແມ່ (parent frame) ອອບເຈັກຂອງຄາດ Dialog ອາດມີໂໝດການທຳງານແບບ modal ເຊິ່ງຜູ້ໃຊ້ຕ້ອງປິດອອບເຈັກຂອງຄາດ ກ່ອນຈຶ່ງຈະກັບມາທຳງານໃນເຟມແມ່ທີ່ຄູ່ກັນໄດ້ຄາດ Dialog ມີຮູບແບບຂອງ constructor ທີ່ສຳຄັນດັ່ງນີ້

public Dialog(Frame parent)
public Dialog(Frame parent,String title)
public Dialog(Frame parent, boolean isModal)
public Dialog(Frame parent, String title, boolean isModal)

ໂດຍທີ່

ຄືອອບເຈັກຂອງຄາດ ທີ່ເປັນເຟມແມ່
title ຄືຂໍ້ຄວາມທີ່ຕ້ອງການຈະສະແດງບ່ອນ title bar ຂອງ Dialog
isModal ຄືຂໍ້ມູນຊະນິດ boolean ເພື່ອລະບຸວ່າອອບເຈັກຂອງ Dialog ມີໂໝດເປັນ modal ຫລືບໍ່

ນອກຈາກນີ້ Java API ໄດ້ກຳນົດໃຫ້ມີຄາດທີ່ສືບທອດມາຈາກຄາດ Dialog ອື່ນໆ ອີກ

ເຊັ່ນ ຄາດ FileDialog ເຊິ່ງຈະໃຊ້ໃນການລະບຸຊື່ໄຟທີ່ຕ້ອງການໃຊ້ງານໃນໂປຣແກຣມ

5.2.4 ຄາດ JFrame

ແພັກເກດ Swing ມີຄາດປະເພດ Container ທີ່ແຕກຕ່າງຈາກຄາດ Container ຂອງແພັກເກດ AWT ຄື JFrame, JDialog, JPanel ແລະ JApplet ດັ່ງຮູບທີ 5.6 ໂດຍທົ່ວໄປໂປຣແກຣມ GUI ທີ່ເປັນໂປຣແກຣມຈາວາປະຍຸກຈະໃຊ້ Container ທີ່ເປັນອອບເຈັກຂອງຄາດ JFrame

ຄາດ JFrame ຈະສືບທອດມາຈາກຄາດ Frame ໂດຍມີ constructor ທີ່ສຳຄັນດັ່ງນີ້

public JFrame ()
public JFrame (String title)

ຮູບທີ 5.6 ຄາດຊະນິດ Container ຂອງແພັກເກດ Swing

ອອບເຈັກຂອງຄາດ JFrame ຈະແຕກຕ່າງກັບ Frame ບ່ອນທີ່ຈະມີໜ້າຕ່າງ (Pane) ຢູ່ 4 ໜ້າຕ່າງດັ່ງສະແດງໃນຮູບທີ 5.7 ຄື

root pane
layer pane
glass pane
content pane

ເຮົາບໍ່ສາມາດທີ່ຈະໃສ່ສ່ວນປະກອບກຣາບຟິກໃນ JFrame ໄດ້ໂດຍກົງ ແຕ່ຈະຕ້ອງໃສ່ລົງ

ໃນໜ້າຕ່າງທີ່ເປັນ content pane ແທນ ທັງນີ້ໜ້າຕ່າງດັ່ງກ່າວເປັນອອບເຈັກຂອງຄາດປະເພດ Container ແບບໜຶ່ງ ເຮົາສາມາດທີ່ຈະເອີ້ນອອບເຈັກຂອງຄາດປະເພດ Container ດັ່ງກ່າວໄດ້ໂດຍໃຊ້ເມທອດທີ່ຊື getContentPane () ແລະສາມາດທີ່ຈະໃສ່ສ່ວນປະກອບກຣາບຟິກລົງໃນອອບເຈັກດັ່ງກ່າວໄດ້ໂດຍໃຊ້ເມທອດ add() ດັ່ງຕົວຢ່າງເຊັ່ນ

JFrame fr = new JFrame();

JButton bn1 = new JButton("Submit");

Container content = fr.getContentPane();

content.add(bn1);

ຮູບທີ 5.7 ໜ້າຕ່າງທີ່ຢູ່ໃນຄາດ JFrame

ໂປຣແກຣມ Java SE 5 ໄດ້ກຳນົດໃຫ້ເຮົາສາມາດທີ່ຈະໃສ່ສ່ວນປະກອບກຣາບຟິກລົງໃນ JFrame ໄດ້ໂດຍກົງ ໂດຍການກຳນົດໃຫ້ຄຳສັ່ງ add() ແລະ setLayout () ໃນ JFrame ຈະເປັນການສົ່ງຄຳສັ່ງໄປຍັງ ໂດຍອັດຕະໂນມັດ ດັ່ງນັ້ນເຮົາສາມາດທີ່ຈະຂຽນຄຳສັ່ງຂ້າງເທິງໃໝ່ໄດ້ເປັນ

JFrame fr = new JFrame();

JButton bn1 = new JButton("Submit");

fr.add(bn1);

ນອກຈາກນີ້ຄາດ JFrame ຍັງມີເມທອດທີ່ຈະຖືກເອີ້ນໃນງານ ເມື່ອມີການປິດ JFrame ດັ່ງນີ້

public void setDefaultCloseOperation(int operation)

ໂດຍເຮົາສາມາດກຳນົດຄ່າຂອງ operation ໄດ້ທັງໝົດ 4 ຄ່າດັ່ງນີ້

DO_NOTHING_ON_CLOSE (ຖືກກຳນົດໃນອິນເຕີເຟດ WindowConstants):

ຈະບໍ່ເຮັດຫຍັງ ໂດຍໃຫ້ໄປເອີ້ນໃຊ້ເມທອດ WindowClosing ຂອງອອບເຈັກ WindowListener ທີ່ມີການລົງທະບຽນໄວ້ແລ້ວແທນ

HIDE_ON_CLOSE (ຖືກກຳນົດໃນອິນເຕີເຟດ WindowConstants):

ຈະທຳການຊ້ອນ JFrame ຫລັງຈາກເອີ້ນໃຊ້ອອບເຈັກ WindowListener ທີ່ມີການລົງທະບຽນໄວ້ແລ້ວ

DISPOSE_ON_CLOSE (ຖືກກຳນົດໃນອິນເຕີເຟດ WindowConstants):

ຈະທຳການຊ້ອນແລະທຳລາຍ JFrame ຫລັງຈາກເອີ້ນໃຊ້ອອບເຈັກຂອງ windowListener ທີ່ມີການລົງທະບຽນໄວ້ແລ້ວ

EXIT_ON_CLOSE (ຖືກກຳນົດໃນຄາດ JFrame):

ຈະມີການເອີ້ນໃຊ້ເມທອດ exit ຂອງຄາດ System

ໂດຍຄ່າຂອງ operation ຈະມີຄ່າເລີ່ມຕົ້ນເປັນ HIDE_ON_CLOSE

ໂປຣແກຣມທີ 5.2 ສະແດງຕົວຢ່າງການສ້າງອອບເຈັກຂອງຄາດ JFrame ທີ່ຊື່ fr ໂດຍໃຊ້ຄຳສັ່ງ fr.setDefaultCloseOperation(JFrame.EXIT_ON_CLOSE); ເພື່ອໃຫ້ມີການເອີ້ນໃຊ້ເມທອດ exit ຂອງຄາດ System ເມື່ອມີການປິດ Jframe ແລະກຳນົດໃຫ້ fr ມີຂະໜາດເລີ່ມຕົ້ນເປັນ 200x150 ພິກເຊວ ໂດຍກຳນົດໄວໃນຄຳສັ່ງ fr.setSize(200,150) ສ່ວນຄຳສັ່ງ fr.setVisible (true); ເປັນຄຳສັ່ງເພື່ອທີ່ຈະເຮັດໃຫ້ສາມາດເບິ່ງເຫັນອອບເຈັກ fr ໄດ້ໂປຣແກຣມນີ້ຈະໃຫ້ຜົນລັບດັ່ງສະແດງໃນຮູບແບບທີ 5.8

ຕຳລາຮຽນຕ່າງໆ

หน้าเว็บ

ການສ້າງສ່ວນຕໍ່ປະສານກຣາບຟິກກັບຜູ້ໃຊ້

ไม่มีความคิดเห็น:

แสดงความคิดเห็น