ການວາງແຜນ ແລະ ການຄວບຄຸມກິດຈະກຳ

3.3 ການວາງແຜນ ແລະ ການຄວບຄຸມກິດຈະກຳ( Activity Planning and Control )

ໃນການວິເຄາະ ແລະ ອອກແບບລະບົບໃດໆ ຈະປະກອບໄປດ້ວຍກິດຈະກຳຫລາຍຢ່າງ ນັກວິເຄາະລະບົບ ຈະຕ້ອງຈັດການລະບົບຢ່າງລະມັດລະວັງ ເພື່ອໃຫ້ໂຄງການສຳເລັດ ຜົນ ຕາມເປົ້າຫມາຍທີ່ຕ້ອງການ

ການວາງແຜນ (Planning) ເປັນການວາງແຜນທີ່ປະກອບໄປດ້ວຍກິດຈະກຳຕ່າງໆ ທີ່ໄດ້ມີການ ມອບຫມາຍ ແລະ ແຈກຈ່າຍງານໃຫ້ກັບທີມງານ ການຄາດຄະເນເວລາ ທີ່ຕ້ອງ  ການໃຊ້ໄປກັບງານໃດໆເພື່ອໃຫ້ງານນັ້ນສຳເລັດລຸງລ່ວງ ການກຳນົດເວລາໂຄງການ ເພື່ອໃຫ້ ງານຕ່າງໆ ຂອງແຕ່ລະກິດຈະກຳສາມາດ ສໍາ ເລັດຕາມເວລາທີ່ກຳນົດ ໃນຂະນະທີ່ການ ຄວບຄຸມຈະເປັນການຕວດສອບຜົນສະທ້ອນໃນໂຄງການທີ່ໄດ້ ວາງແຜນໄວ້ກັບການ ປະຕິ ບັດງານຈິງຂອງທີມງານ ເຊິ່ງນັກວິເຄາະລະບົບຫລືຜູ້ຈັດການໂຄງການຈຳເປັນ ຕ້ອງສ້າງ ການຄວບຄຸມໃຫ້ທີມງານທຳງານຕາມແຜນ ທີ່ກຳນົດໄວ້ ແລະ ລວມເຖິງການສ້າງແຮງ ຈູງໃຈທີມງານ ເພື່ອໃຫ້ທີມງານມີກໍາລັງໃຈຮ່ວມມືຮ່ວມໃຈທໍາ ງານ ເພື່ອໃຫ້ ງານນັ້ນ ສຳ ເລັດລຸລ່ວງໄປ ດ້ວຍດີ

ການກຳນົດເວລາໂຄງການProjectScheduling ສາມາດສ້າງຂຶ້ນໄດ້ໂດຍການໃຊ້ເຕັກນິກ ແກນຊາດ Gantt Charts ເຊິ່ງເປັນແຜນ ພູມແບບງ່າຍໆ ທີ່ໃຊ້ສຳຫລັບວາງແຜນ ແລະ ກຳນົດເວລາ ໃນການທຳງານຂອງໂຄງການ ແກນຊາດ ຫລືແຜນພູມແກນ ມັກນຳມາໃຊ້ເປັນເຕັກນິກການວາງແຜນ ໂຄງການ ເນື່ອງ ຈາກງ່າຍຕໍ່ຄວາມເຂົ້າໃຈແລະສ້າງງ່າຍລາຍລະອຽດສຳຄັນຂອງແກນຊາດຈະປະກອບມີ ແກນ ຫລື ແຖບທີ່ສະແດງເຖິງແຕ່ລະກິດຈະກຳ ໂດຍຄວາມກວ້າງ ຂອງແຕ່ລະແຖບນັ້ນ ຈະບົ່ງບອກ ເຖິງໄລຍະເວລາ ທີ່ໃຊ້ໄປ ຂອງແຕ່ລະງານ ດັ່ງຮູບລຸ່ມນີ້