ການບໍລິຫານໂຄງການ

3.4 ການບໍລິຫານໂຄງການ Project Management

      ໂຄງການ Project ຄືກິດຈະກໍາທີ່ກ່ຽວຂ້ອງກັນ ມີຂັ້ນຕອນທີ່ຫຍຸ່ງຍາກ ແຕ່ຈະມີເປົ້າ ຫມາຍ ຫລືຈຸດປະສົງທີ່ແນ່ນອນ ໂຄງການຈະມີການກຳນົດເວລາເລິ່ມຕົ້ນແລະເວລາສິ້ນສຸດ ພ້ອມທັງການດຳເນີນ ການໂຄງການຈະຕ້ອງຢູ່ພາຍໃຕ້ຂໍ້ຈຳກັດ ບ່ວ່າຈະເປັນດ້ານຂອງເວລາ ງົບປະມານແລະຊັບພະຍາກອນດັ່ງນັ້ນ ຄວາມສົບບູນຂອງໂຄງການຈະບັນລຸຕາມຈຸດປະສົງ ໄດ້ດ້ວຍການບໍລິຫານໂຄງການໂດຍການບໍລິ ຫານໂຄງການເປັນການຈັດການ ຊັບພະຍາ ກອນຕ່າງໆ ທີ່ມີຢູ່ຢ່າງເຫມາະສົມ ໃຫ້ສາມາດດຳເນີນການຕໍ່ໄປ ເພື່ອ ບັນລຸສູ່ເປົ້າຫມາຍ ທີ່ໄດ້ວາງໄວ້ ດັ່ງນັ້ນ ການພັດທະນາລະບົບສາລະສົນເທດຈຶງສາມາດຈັດເປັນໂຄງ ການໄດ້ ໂດຍຈະຕ້ອງມີການກຳນົດເວລາເລິ່ມຕົ້ນແລະເວລາສິ້ນສຸດ ຂອງໂຄງກາກ ມີການກໍານົດ ລາຍລະ ອຽດແລະຈຸດປະສົງຂອງງານ ຊັບພະຍາກອນແລະງົບປະມານຢ່າງຊັດເຈນ.

      ການພັດທະນາລະບົບສາລະສົນເທດໃດໆກໍ່ຕາມ ໂດຍສະເພາະໂຄງການພັດທະນາລະບົບສາລະສົນເທດຂະຫນາດໃຫຍ່ ຈຳເປັນຈະຕ້ອງໄດ້ຮັບ ການວາງແຜນທີ່ດີ ຕັ້ງແຕ່ເລິ່ມຕົ້ນ ຕ້ອງຄວບຄຸມທີມງານ ຫລາຍຄົນ ເພື່ອໃຫ້ການພັດ ທະນາລະບົບງານສຳເລັດຕາມທີ່ໄດ້ວາງແຜນໄວ້ ພ້ອມທັງຂໍ້ຈຳກັດດ້ານຊັບພະ ຍາກອນ ເວລາ ແລະ ງົບປະມານ ທີ່ຈຳຕ້ອງນຳໄປໃຊ້ໃຫ້ເກິດປະສິດທິພາບສູງ ດັ່ງນັ້ນ ການພັດ ທະນາລະບັບສາລະສົນເທດຈຶ່ງສາມາດຈັດເປັນໂຄງການໄດ້ໂດຍອາໃສເຕັກນິກການ ບໍລິຫານ  ໂຄງການ

ສາເຫດສຳຄັນທີ່ສົ່ງຜົນຕໍ່ຄວາມຫລົ້ມເຫລວໃນໂຄງການຊອບແວ

      ໂຄງການຊອບແວທີ່ມີແນວໂນ້ມວ່າຈະຫລົ້ມເຫລວນັ້ນ ມີຢູ່ຫລາຍປະການເຊິ່ງສາມາດໃຈ້ແຍກ ເປັນລາຍລະອຽດແຕ່ລະຫົວຂໍ້ດັ່ງນີ້

1. ຂາດການສຶກສາຄວາມເປັນໄປໄດ້  Feasibility Study ທີ່ດີພໍ
2. ຂໍ້ກຳນົດຫລືຄວາມຕ້ອງການຕ່າງໆ Requirment ທີ່ເກັບກຳມາບໍ່ມີຄວາມໍຊັດເຈນ ບໍ່ສົມບູນ
3. ຂາດການປະສານງານທີ່ດີລະຫວ່າງຜູ້ໃຊ້ກັບນັກວິເຄາະລະບົບ ເຊັ່ນ ການຂາດຄວາມ ຮ່ວມມື ການບໍ່ເຂົ້າໃຈໃນລາຍລະອຽດລະບົບງານເກົ່າ
4. ຂາດການຄວບຄຸມທີ່ດີ ເຊັ່ນ ບໍ່ມີການກຳນົດຫນ້າທີ່ການທຳງານ ຂັ້ນຕອນການ ທຳງານ ພ້ອມທັງ ອົງປະກອບຕ່າງໆທີ່ກ່ຽວຂ້ອງ
5. ຊອບແວໃນປະຈຸບັນນັບມື້ນັບມີຄວາມສັບຊ້ອນຍິ່ງຂຶ້ນ ແລະຄວາມຕ້ອງການຕ່າງໆກໍ່ອາດມີການ ປ່ຽນແປງໄດ້ໃນລະຫວ່າງການພັດທະນາ ດັ່ງນັ້ນ ຫາກບໍ່ມີມາດຕະການຮອງຮັບຄວາມປ່ຽນແປງ ການປ່ຽນແປງ ຄວາມຕ້ອງ ການພຽງນ້ອຍດຽວ ກໍ່ອາດສົ່ງຜົນກະທົບຕໍ່ລະບົບງານໂດຍລວມ
6. ຜູ້ໃຊ້ບໍ່ຍອມຮັບໃນລະບົບ ເນື່ອງຈາກລະບົບບໍ່ສາມາດປະຕິບັດງານໄດ້ຕົງຕາມຈຸດປະສົງຂອງ ການໃຊ້ງານທີ່ແທ້ຈິງ
7. ລະບົບທຳງານຜິດພາດເລື່ອຍໆ  ກໍ່ໃຫ້ເກິດຄວາມບໍ່ຫນ້າເຊື່ອຖື ໃນລະບົບໃຫມ່ອັນ ເນື່ອງ ມາ ຈາກຄວາມບົກພ່ອງໃນການທົດສອບລະບົບທີ່ມີຄວາມລະອຽດບໍ່ພຽງພໍ
8. ຄວາມບໍ່ຊຳນານງານ ຫລື ປະສົບການຂອງຕົວນັກວິເຄາະລະບົບມີນ້ອຍ

ລະດັບຜູ້ບໍລິຫານບໍ່ມີຄວາມັດເຈນໃນນະໂຍບາຍເຊິ່ງກໍ່ໃຫ້ເກິດການປ່ຽນແປງໃນຄວາມ ຕ້ອງ ການຕະລອດເວລາ ຫລື ຜູ້ບໍລິຫານລະດັບສູງບໍ່ສະຫນັບສະຫນຸນ