ພື້ນຖານໂປຣແກຣມພາສາຈາວາ
ເນື້ອຫາໃນບົດນີ້ເປັນການແນະນຳໄວຍະກອນຂອງພາສາຈາວາ
ເຊິ່ງປະກອບໄປດ້ວຍສັນຍາລັກຫລືຄຳຕ່າງໆ
ທີໃຊ້ໃນພາສາຈາວາຊະນິດຂໍ້ມູນແບບພື້ນຖານ ແລະຂໍ້ມູນແບບຄ່າຄົງທີ່
ການປະກາດແລະເອີ້ນໃຊ້ຄຳສັ່ງກຳນົດຄ່າຕົວແປ
ນິພົດແລະຕົວດຳເນີນການປະເພດຕ່າງໆ ວິທີການແປງຊະນິດຂໍ້ມູນ
ຊະນິດຂໍ້ມູນແບບອ້າງອີງ
ແລະແນະນຳຄຳສັ່ງທີ່ໃຊ້ໃນການຮັບຂໍ້ມູນເຂົ້າ
ແລະສະແດງຜົນ
ເຊິ່ງເນື້ອຫາໃນບົດນີ້ຈະເປັນການແນະນຳການຂຽນໂປຣແກຣມເບື້ອງຕົ້ນເພື່ອກຳ
ນົດຄ່າຂໍ້ມູນຕ່າງໆ
ແລະສະແດງຜົນລັບຂອງການສະແດງຜົນ
1.1
ການຂຽນໂປຣແກຣມພາສາຈາວາເຊີງອອບເຈັກ
ພາສາຈາວາເປັນພາສາຄອມພິວເຕີ
ທີ່ໃຊ້ຫລັກການພັດທະນາໂປຣແກຣມເຊີງອອບເຈັກທີ່ເອີ້ນຍໍ້ວາເປັນພາສາຄອມພິວເຕີແບບ
OOP
ການພັດທະນາໂປຣແກຣມເຊີງອອບເຈັກຈະເປັນຂະບວນການວິເຄາະປັນຫາໂດຍການຈຳລອງປັນຫາວ່າປະກອບໄປດ້ວຍອອບເຈັກໃດແດ່
ແລ້ວຈຶ່ງຂຽນໃຫ້ຢູ່ໃນຮູບແບບຂອງໂປຣແກຣມຄອມພິວເຕີ
ໂປຣແກຣມຄອມພິວເຕີເຊີງອອບເຈັກຈະມີຄຳນິ
ຍາມສອງຄຳຄື:
ອອບເຈັກ (Object) ແລະຄາດ (Class)
ຄາດປຽບເໜືອນພິມຂຽວຂອງອອບເຈັກ
ອອບເຈັກທີ່ຖືກສ້າງມາຈາກຄາດບາງເທື່ອຈະເອີ້ນ
ວ່າເປັນ
instance ຂອງຄາດເຊິ່ງອອບເຈັກໃດໆ ຈະຕ້ອງເປັນ instance ຂອງຄາດໃດຄາດໜຶ່ງ
ການຂຽນໂປຣແກຣມເຊີງອອບເຈັກຕ້ອງມີການກຳນົດນິຍາມຂອງຄາດກ່ອນທີ່ຈະສາມາດສ້າງອອບເຈັກ
(ຫລື instance) ຂອງຄາດໄດ້
ເຊິ່ງຄາດໜຶ່ງຄາດສາມາດທີ່ຈະສ້າງອອບເຈັກໄດ້ຫລາຍອອບເຈັກ
ພາຍໃນຄາດຈະປະກອບໄປດ້ວຍຄຸນລັກສະນະ (Attribute)
ເຊິ່ງກໍ່ຄືຂໍ້ມູນທີ່ເກັບຢູ່ໃນອອບເຈັກ
ໂດຍຈະແບ່ງອອກເປັນສອງປະເພດຄືຕົວແປ (Variable) ແລະຄ່າຄົງທີ່ (Constant)
ຄຸນລັກສະນະທີ່ເປັນຕົວແປຈະສາມາດປ່ຽນຄ່າໄດ້
ສ່ວນລັກສະນະທີ່ເປັນຄ່າຄົງທີ່ຈະບໍ່ສາມາດປ່ຽນຄ່າໄດ້ ແລະເມທອດ (Method)
ເຊິ່ງກໍ່ຄືວີທີການຫລືການກະທຳທີ່ນິຍາມຢູ່ໃນຄາດ
ອອບເຈັກທີ່ສ້າງຈາກຄາດນັ້ນ
ອາດມີຄຸນລັກສະນະຕ່າງກັນແຕ່ຈະມີການເອີ້ນໃຊ້ເມທອດທີ່ຄືກັນ ຕົວຢຢ່າງຂອງການນິຍາມຄາດທີ່ຊື່
Student ເຊິ່ງມີຄຸນລັກສະນະ nameແລະເມທອດທີ່ຊື່ sayHi ມີດັ່ງນີ້
public class Student {
public String name;
public void sayHi() {
System.out.println(“Hello”);
}
}
ຈາກຄຳສັ່ງການປະກາດຈະເຫັນວ່າຄຳສັ່ງໃນພາສາຈາວາຈະຖືກກຳນົດໃຫ້ຢູ່ບ໋ອກຂອງ
{} ເຊັ່ນຄຸນລັກສະນະ
ແລະເມທອດຂອງຄາດກໍ່ຈະຢູ່ໃນບ໋ອກ {}
ທຳນອງດຽວກັນຄຳສັ່ງຕ່າງໆທີ່ຢູ່ໃນເມທອດຈະຢູ່ພາຍໃນບ໋ອກ {}
ໂດຍທົ່ວໄປຄາດແຕ່ລະຄາດຈະມີຄຸນລັກສະນະ ແລະເມທອດໄດ້ບໍ່ຈຳກັດຈຳນວນ
ໂດຍທົ່ວໄປພາສາຈາວາຈະກຳນົດໃຫ້ຊື່ໄຟ
ແລະຊື່ຄາດຕ້ອງເປັນຊື່ດຽວກັນແລະເປັນແບບ Case-sensitive
ກ່າວຄືຈະຕ້ອງໃຊ້ອັກສອນຕົວນ້ອຍຕົວໃຫຍ່ຢ່າງຖືກຕ້ອງ ກໍລະນີນີ້ຄາດຊື່ Student
ຈະຂຽນໂປຣແກຣມໃນໄຟທີ່ຊື່ Student.java
ຄາດຈະຖືກເອີ້ນໃຊ້ງານໄດ້ເມື່ອມີການສ້າງອອບເຈັກຂອງຄາດ
ໂດຍເອີ້ນຄຳສັ່ງວ່າ new
ຈະຕ້ອງມີການກຳນົດຊື່ຂອງອອບເຈັກນັ້ນ
ຕົວຢ່າງເຊັ່ນຄຳສັ່ງທາງລຸ່ມນີ້ເປັນການສ້າງອອບເຈັກຂອງຄາດ Student
ທີ່ຊື່ s1
Student s1 = new Student();
ໂປຣແກຣມທີ່ລັນພາສາຈາວາອາດມີຫລາຍຄາດ
ເຊິ່ງຄາດບາງຄາດເປັນຄາດທີ່ຖືກເອີ້ນໃຊ້ຫລາຍຈາກຄາດອື່ນເຊັ່ນ: ຄາດທີ່ຊື່
String ຫລື System ແຕ່ສຳຫລັບໂປຣແກຣມປະເພດຈາວາປະຍຸກໂປຣແກຣມ JVM
ຈະເອີ້ນຄາດທີ່ມີເມທອດຊື່ main ເຊິ່ງມີຮູບແບບດັ່ງນີ້ມາລັນເປັນຮູບແບບທຳອິດ
public static void main(String
args[]) {
}
ໂປຣແກຣມທີ2.2 ສະແດງຕົວຢ່າງຂອງຄາດທີ່ຊື່ Main ທີ່ເມທອດທີ່ຊື່ Main
ເຊິ່ງມີຄຳສັ່ງໃນການສ້າງອອບເຈັກຊະນິດ Student ແລ້ວເອີ້ນໃຊ້ເມທອດ sayHi
ຜົນລັບຂອງໂປຣແກຣມນີ້ຈະເປັນການພິມຂໍ້ຄວາມ Hello ດັ່ງສະແດງໃນຮູບທີ2.1
ໂປຣແກຣມທີ2.1
ຕົວຢ່າງການຂຽນໂປຣແກຣມທີ່ເອີ້ນໃຊ້ຄາດ Student
ການຂຽນໂປຣແກຣມໃນບົດນີ້ ຈະເນັ້ນການຂຽນແບບເຊີງອອບເຈັກໂດຍໂປຣແກຣມສ່ວນໃຫຍ່ຈະເປັນການສ້າງຄາດຂຶ້ນມາໜຶ່ງຄາດເຊັ່ນ
Student.java ແລ້ວຈະມີອີກໜຶ່ງຄາດ Main.java
ເພື່ອມາສ້າງອອບເຈັກຂອງຄາດທຳອິດແລ້ວເອີ້ນໃຊ້ເມທອດທີ່ຢູ່ພາຍໃນ
ຮູູບທີ2.1
ຜົນລັບຈາກການລັນໂປຣແກຣມທີ2.2
ພາສາຈາວາຕັ້ງແຕ່ເວີຊັນ Java SE 5
ໄດ້ກຳນົດຮູບແບບເມທອດ main
ໃຫ້ສາມາດທີ່ຈະຂຽນໄດ້ອີກຮູບແບບໜຶ່ງດັ່ງນີ້
public static void
main(String... args) {
}
1.2
ໄວຍະກອນລະດັບຂອງຄຳ
ຄຳຫລືຂໍ້ຄວາມທີ່ສາມາດຂຽນໃນໂປຣແກຣມພາສາຈາວາ
ຈະຕ້ອງເປັນຄຳຫລືຂໍ້ຄວາມໃນຮູບແບບໃດຮູບແບບໜຶ່ງຂອງປະເພດຕ່າງໆ
ເຫລົ່ານີ້
- ຄອມເມັນ (Comment)
- Identifier
- ຄີເວີດ (Keyword)
- ສັນຍາລັກແຍກຄຳ
(Separator)
- ຊ່ອງວ່າງ (Whitespace)
- ຂໍ້ມູນຄ່າຄົງທີ່
(Literals)
1.2.1 ຄອມເມັນ
ຄອມເມັນຄືຂໍ້ຄວາມທີ່ແທກຢູ່ພາຍໃນໂປຣແກຣມ
ເຊິ່ງຄອມພາຍເລີຈະບໍ່ແປຂໍ້ຄວາມນີ້
ໃຫ້ເປັນສ່ວນໜຶ່ງຂອງໂປຣແກຣມກ່າວຄືຂໍ້ຄວາມນີ້ຈະບໍ່ມີຜົນຕໍ່ການທຳງານຂອງໂປຣແກຣມ
ຄອມເມັນຂຽນໄວ້ເພື່ອອະທິບາຍໂປຣແກຣມ
ເພື່ອໃຫ້ຜູ້ອ່ານເຂົ້າໃຈໂປຣແກຣມງ່າຍຍິ່ງຂຶ້ນ ແລະຊ່ວຍທຳໃຫ້ການແກ້ໄຂແລະປັບປຸງໂປຣແກຣມເປັນໄປໄດ້ງ່າຍຂຶ້ນ
ພາສາຈາວາກຳນົດຮູບແບບຂອງການຂຽນຄອມເມັນໄວ້ສາມຮູບແບບດັ່ງນີ້:
1. ຄອມເມັນສຳຫລັບຂໍ້ຄວາມບັນທັດດຽວຈະໃຊ້ເຄື່ອງໝາຍ //
ນຳໜ້າຂໍ້ຄວາມທີ່ຕ້ອງການຂຽນເຊິ່ງຈະຢູ່ສ່ວນໃດຂອງບັນທັດກໍ່ໄດ້
2. ຄອມເມັນສຳຫລັບຂໍ້ຄວາມຕັ້ງແຕ່ໜຶ່ງບັນທັດຂຶ້ນໄປ
ຈະເລີ່ມຕົ້ນດ້ວຍເຄື່ອງໝາຍ /* ແລະສິ້ນສຸດດ້ວຍເຄື່ອງໝາຍ */
3. ຄອມເມັນສຳຫລັບຂໍ້ຄວາມທີ່ຕ້ອງການສ້າງເປັນໄຟເອກະສານທີ່ເປັນໄຟປະເພດ
HTML ຈະເລີ່ມຕົ້ນດ້ວຍເຄື່ອງໝາຍ /** ແລະສິ້ນສຸດດ້ວຍເຄື່ອງໝາຍ */ ຄອມເມັນ
ຮູບແບບນີ້ສາມາດສ້າງເປັນໄຟເອກະສານໄດ້ໂດຍໂປຣແກຣມ javadoc.exe
ໂປຣແກຣມທີ2.2
ສະແດງການຂຽນຄອມເມັນໃນຮູບແບບຕ່າງໆ
1.2.2 Identifier
Identifier ຄືຊື່ທີ່ຕັ້ງຂຶ້ນໃນພາສາຈາວາ
ເຊິ່ງອາດເປັນຊື່ຂອງຄາດ ຊື່ຂອງຕົວແປຊື່
ຂອງເມທອດ
ຫລືຊື່ຂອງຄ່າຄົງທີ່ ເຊິ່ງຈະຕ້ອງເປັນໄປຕາມກົດການຕັ້ງຊື່ ດັ່ງນີ້
- Identifier
ຈະຕ້ອງຂຶ້ນຕົ້ນດ້ວຍອັກຂະຫລະ A-Z, a-z, ຫລື $ ເທົ່ານັ້ນ
- Identifier
ທີ່ປະກອບໄປດ້ວຍຕົວອັກຂະຫລະຫລາຍກວ່າໜຶ່ງຕົວ
ຕົວອັກຂະຫລະຫລັງຈາກຕົວທຳອິດນັ້ນຈະຕ້ອງເປັນຕົວອັກຂະຫລະທາງເທິງ
ຫລືເປັນຕົວເລກ0ເຖິງ9ເທົ່ານັ້ນ
- Identifier
ຈະຕ້ອງບໍ່ກົງກັບຄີເວີດ Identifier
ໃນພາສາຈາວາຖືວ່າຕົວອັກສອນພິມໃຫຍ່ຫລືຕົວອັກສອນພິມນ້ອຍຕ່າງກັນ
(Case Sensitive) ດັ່ງນັ້ນ Identifier ທີ່ຊື່ myVariable
ຈະແຕກຕ່າງຈາກ MyVariable
ຕົວຢ່າງຂອງ
Identifier
ທີຖືກຕ້ອງ
- MyVariable
- _MyVariable
- $x
- This_is_also_a_variable
ຕົວຢ່າງຂອງ
Identifier
ທີ່ບໍ່ຖືກຕ້ອງ
- My Variable
- 9pns
- a+c
- Hello’World
- Public
ຫລັກການຕັ້ງຊື່ທີ່ນິຍົມປະຕິບັດກັນໂດຍທົ່ວໄປ
ແນວທາງປະຕິບັດທີ່ໃຊ້ໃນການຕັ້ງຊື່ຈະມີຂໍ້ກຳນົດດັ່ງນີ້
- ການຕັ້ງຊື່ຄາດ
- ຈະຂຶ້ນຕົ້ນດ້ວຍຕົວອັກສອນພິມໃຫຍ່ແລ້ວຕາມດ້ວຍຕົວອັກສອນພິມນ້ອຍ
ຫລື ຕົວເລກ
ໂດຍຈະໃຊ້ຕົວອັກສອນພິມໃຫຍ່ສຳຫລັບອັກສອນນຳຂອງແຕ່ລະຄຳທີ່ຕາມມາໃນຊື່
- ຄວນເປັນຄຳນາມ
- ຕົວຢ່າງເຊັ່ນ: Main , HelloWorld, Student ຫລື GraduateStudent ເປັນຕົ້ນ
·
ການຕັ້ງຊື່ເປັນຕົວແປ
ຊື່ຄຸນລັກສະນະ ຫລືອອບເຈັກ
- ຈະຂຶ້ນຕົ້ນດ້ວຍຕົວອັກສອນພິມນ້ອຍ
ໂດຍຈະໃຊ້ອັກສອນພິມໃຫຍ່ສຳຫລັບອັກສອນນຳຂອງແຕ່ລະຄຳທີ່ຕາມມາໃນຊື່
- ຄວນເປັນຄຳນາມ
ຫລືເປັນຊື່ສັ້ນໆ
- ຕົວຢ່າງເຊັ່ນ: x, s1, id, name
ຫລື thesisTitle
·
ການຕັ້ງຊື່ເມທອດ
- ຈະໃຊ້ຫລັກການດຽວກັບການຕັ້ງຊື່ຕົວແປ
ແຕ່ຄວນເປັນຄຳກິລິຍາ
- ຕົວຢ່າງເຊັ່ນ: getName, sayHi,
setName ຫລື showDetails ເປັນຕົ້ນ
·
ການຕັ້ງຊື່ຄ່າຄົງທີ່
- ຈະໃຊ້ຕົວອັກສອນພິມໃຫຍ່ທັງໝົດ
ແລະຈະແຍກຄຳໂດຍການໃຊ້ເຄື່ອງໝາຍ _
(underscore)
- ຄວນເປັນຄຳນາມ
- ຕົວຢ່າງເຊັ່ນ: MINIMUM, MIN_GPA
ເປັນຕົ້ນ
ไม่มีความคิดเห็น:
แสดงความคิดเห็น