ປະຫວັດພາສາຈາວາ
ພາສາຈາວາເປັນພາສາຄອມພິວເຕີທີ່ພັດທະນາຂຶ້ນ
ໂດຍທີມວິໄຈຂອງບໍລິສັດຊັນໄມໂຄຊິດ
ເຕັມເຊິ່ງເລີ່ມຕົ້ນເມື່ອປີ
ຄ.ສ. 1991 ໂດຍທາງບໍລິສັດຊັນໄມໂຄຊິດເຕັມໄດ້ສະໜັບສະໜູນໃຫ້ມີການພັດທະນາໂຄງການທີ່ຊື່
Green Project ທີ່ມີຈຸດມຸ້ງໝາຍທີ່ຈະອອກແບບພາສາຄອມພີິວເຕີຂະໜາດນ້ອຍ
ເພື່ອໃຊ້ກັບອຸຸປະກອນອີເລັກໂທນິກຕ່າງໆເຊັ່ນ:
ສະວິດບ໋ອກຂອງເຄເບີ້ນໂທລະທັດ
ເຊິ່ງອຸປະກອນເຫລົ່ານີ້ຈະມີຂໍ້ຈຳກັດໃນດ້ານໜ່ວຍຄວາມຈຳແລະໜ່ວຍປະມວນຜົນກາງທີ່ມີຄວາມແຕກຕ່າງກັນ
ດັ່ງນັ້ນພາສາຄອມພິວເຕີທີ່ພັດທະນາຂຶ້ນຈະຕ້ອງບໍ່ຂຶ້ນຢູ່ກັບແຟດຟອມ (Platform
Independent) ຜົນງານຂອງທີມວິໄຈນີ້ເຮັດໃຫ້ໄດ້ພາສາຄອມພິວເຕີໃໝ່ຊື່ວ່າ
“Oak” ເຊິ່ງມີໂຄງ ສ້າງແລະຄຳສັ່ງຄ້າຍກັບພາສາ C++
ທັງນີ້ເນື່ອງຈາກທີມວິໄຈຂອງບໍລິສັດຊັນໄມໂຄຊິດເຕັມມີຄວາມຄຸ້ນເຄີຍກັບລະບົບປະຕິບັດການຍູນິກເຊິ່ງຈະມັກໃຊ້ພາສາ
C++ ໃນການພັດທະນາໂປຣແກຣມພາສາ “Oak” ຕໍ່ມາໄດ້ປ່ຽນມາເປັນ ”ຈາວາ”
ທັງນີ້ເນື່ອງຈາກທີມວິໄຈໄດ້ຮູ້ພາຍຫລັງວ່າ “Oak”
ເປັນຊື່ພາສາຄອມພິວເຕີທີ່ມີຢູ່ແລ້ວ
ພາສາຈາວາເປັນພາສາຄອມພິວເຕີເຊີງອອບເຈັກ (Object Oriented Programming
ຫລືເອີ້ນວ່າ OOP)
ໂດຍມີຈຸຸດເດັ່ນບ່ອນທີ່ສາມາດທຳງານໄດ້ກັບລະບົບຄອມພິວເຕີຫລາຍແຟດ
ຟອມ ທີມວິໄຈຂອງໂຄງການ Green
Project ໄດ້ສ້າງເຄື່ອງຕົ້ນແບບທີ່ເອີ້ນວ່າ
“*7” ເຊິ່ງເປັນລີໂມດຄອນໂທນ
ເພື່ອສາທິດເຕັກໂນໂລຊີພາສາຈາວາທີ່ຄົ້ນຄິດຂຶ້ນມານີ້ເມື່ອປີ ຄ.ສ.
1992 ໂດຍທາງບໍລິສັດຊັນໄມໂຄຊິດເຕັມໄດ້ພະຍາຍາມຫາຜູ້ຊື້ເຕັກໂນໂລຊີດັ່ງກ່າວ
ແຕ່ກໍ່ບໍ່ປະສົບຄວາມສຳເລັດຫລາຍປານໃດ
ເກດຄວາມຮູ້
James Gosling
ເປັນຜູ້ທີ່ຄິດຄົ້ນພາສາຈາວາຈົນໄດ້ຮັບ
ຄວາມຍົກຍ້ອງວ່າເປັນບິດາຂອງພາສາຈາວາ ໂດຍເຂົາເກີດ
ທີ່ປະເທດ Canada
ຈົບການສຶກສາປະລິນຍາເອກະທີ່
ມະຫາວິທະຍາໄລ Carnegie
Mellon ແລະເຂົ້າເຮັດວຽກ
ທີ່ບໍລິສັດ Sun
Microsystems ຕັ້ງແຕ່ປີ ຄ.ສ.1984
ແລະໃນປີ ຄ.ສ. 2007
ເຂົາໄດ້ຮັບການຍົກຍ້ອງຈາກປະ
ເທດ Canada
ໃຫ້ເປັນ Officer ຂອງ Order of
ໂລໂກ້ຂອງພາສາຈາວາເປັນຮູບຈອກກາເຟທີ່ມີຄວັນຮ້ອນປີວຂຶ້ນມາ ໂດຍ
ທາງບໍລິສັດ Sun Microsystems
ໄດ້ປ່ຽນຮູບໂລໂກ້ເດີມມາເປັນຮູບລ້າ
ສຸດດັ່ງທີ່ສະແດງໃຫ້ເຫັນ
Duke ເປັນ mascot
ຂອງພາສາຈາວາ ເຊິ່ງຈະມີການໃຊ້ສັນຍາລັກໃນ
ທ່າທີທີ່ແຕກຕ່າງກັນ
ແລະໃນການປະຊຸມ Java One Conference ທີ່
ຈັດເປັນຈະຈຳທຸກປີ
ກໍ່ຈະມີການມອບລາງວັນໃຫ້ແກ່ຊອບແວ ຫລື ນັກພັດ
ທະນາທີ່ໃຊ້ພາສາຈາວາ
ແລະມີນະວັດຕະກຳດີເດັ່ນທີ່ເອີ້ນວ່າ Duke's Choice Awards
ໃນຊ່ວງ
ດັ່ງກ່າວລະບົບອິນເຕີເນັດໄດ້ເລີ່ມມີການໃຊ້ງານຢ່າງແພ່ຫລາຍຂຶ້ນ
ໂດຍສະເພາະການໃຊ້ງານຂອງໂປຣແກຣມເວບບາວເຊີ (Web Browser) ເພື່ອທີ່ຈະເບິ່ງເອກະສານໃນຮູບແບບຂອງໄຟ
HTML
ເນື່ອງຈາກລະບົບອິນເຕີເນັດຈະປະກອບໄປດ້ວຍເຄື່ອງຄອມພິວເຕີທີ່ມີແຟດຟອມແຕກຕ່າງກັນ
ທາງບໍລິສັດຊັນໄມໂຄຊິດເຕັມຈຶ່ງໄດ້ເຫັນຄວາມຈຳເປັນທີ່ຈະຕ້ອງມີພາສາຄອມພິວເຕີທີ່ສາມາດສ້າງໂປຣແກຣມທີ່ທຳງານບົນແຟດຟອມໃດໆກໍ່ໄດ້
ຈຶ່ງໄດ້ນຳພາສາຈາວາພັດ
ທະນາອີກເທື່ອໜຶ່ງ
ໂດຍໄດ້ພັດທະນາໂປຣແກຣມເວບບາວເຊີທີ່ຊື່ວ່າ Hot Java ທີ່ສາມາດລັນໂປຣແກຣມຈາວາແອບພິເຄຊັນ (Java Applet)
ໄດ້ເພື່ອພິສູດການທຳງານຂອງເທັກໂນໂລຊີຈາວາ(Proof of Technology)ແລະໄດ້ນຳຜົນງານດັ່ງກ່າວມາສະແດງໃນງານSun
World’95
ໃນເດືອນພຶດສະພາ
ປີ ຄ.ສ. 1995
ຈາກນັ້ນພາສາຈາວາເລີ່ມເປັນທີ່ນິຍົມແພ່ຫລາຍຂຶ້ນໃນຊ່ວງທ້າຍປີ
ຄ.ສ. 1995 ເມື່ອບໍລິສັດ Netscape ໄດ້ພັດທະນາໂປຣແກຣມເວບບາວເຊີ ແລະໄດ້ລວມເອົາການທຳງານຂອງໂປຣແກຣມຈາວາແອບເພດ
(Java Applet) ເຂົ້າມາເປັນຄຸນລັກສະນະເດັ່ນຂອງໂປຣແກຣມ
ເຊິ່ງບໍລິສັດອື່ນໆ ເຊັ່ນ: IBM, Symantec, Inspire ຫລື Microsoft ຕ່າງກໍ່ປະກາດສະໜັບສະ
ໜູນການໃຊ້ງານຂອງໂປຣແກຣມພາສາຈາວາໃນຊ່ວງຕໍ່ມາ
ໃນຊ່ວງດຽວກັນທາງບໍລິສັດຊັນໄມໂຄຊິດເຕັມໄດ້ນຳຊຸດພັດທະນາໂປຣແກຣມພາສາຈາວາເວີຊັນທຳອິດ
(Java Development Kit 1.0 ຫລືເອີ້ນວ່າ JDK 1.0) ອອກມາແຈກຈ່າຍຕໍ່ມາໃນປີ
ຄ.ສ. 1998 ທາງບໍລິສັດຊັນໄມໂຄຊິດເຕັມໄດ້ເຜີຍແພ່ໂປຣແກຣມພາສາຈາວາ
JDK 1.2 (ແຕ່ຕໍ່ມາໄດ້ປ່ຽນຊື່ເປັນ Java 2)
ແລະໄດ້ແຍກແຟດຟອມໃນການພັດທະນາໂປຣແກຣມພາສາຈາວາເປັນຫລາຍແຟດຟອມຄື J2EE
ສຳຫລັບການພັດທະນາໂປຣແກຣມປະຍຸກບົນເຄື່ອງແມ່ຂ່າຍ (Server) J2ME
ສາຫລັບການພັດທະນາໂປຣແກຣມບົນເຄື່ອງໂທລະສັບມືຖື ແລະ J2SE ສຳຫລັບໂປຣແກຣມມາດຕະຖານ
ຈາວາທີ່ພັດທະນາບົນເຄື່ອງຄອມພິວເຕີພື້ນຖານ
ແລະປີ ຄ.ສ. 2006 ທາງຊັນໄມໂຄຊິດເຕັມໄດ້ປ່ຽນຊື່
J2
ທັງສາມເປັນ JavaEE,
JavaME ແລະ JavaSE ຕາມລຳດັບ
ໃນເດືອນກໍລະກົດ ປີ ຄ.ສ. 2010 ບໍລິສັດ
ອໍລາໂຄ (Oracle Corporation) ເຊິ່ງເປັນຊອບແວທີ່ພັດທະນາໂປຣແກຣມຖານຂໍ້ມູນ
ແລະໂປຣແກຣມປະຍຸກອື່ນໆ
ໄດ້ເຂົ້າມາຊື້ກິດຈະການຂອງບໍລິສັດຊັນໄມໂຄຊິດເຕັມ
ເຮັດໃຫ້ຜູ້ພັດທະນາເທັກໂນໂລຊີຈາວາລາຍສຳຄັນໄດ້ປ່ຽນເປັນບໍລິສັດອໍລາໂຄ
ເຊິ່ງໄດ້ໃຊ້ເທັກໂນໂລຊີໃນຊອບແວຕ່າງໆ ຈຳນວນຫລາຍ ທັງນີ້
ບໍລິສັດອໍລາໂຄ
ກໍ່ຈະຍັງຄົງໄວ້ໃນຫລັກການເທັກໂນໂລຊີຈາວາທີ່ຈະໃຊ້ມາດຕະຖານເປີດ
ໂປຣແກຣມເປີດລະຫັດ
(Open
Source) ແລະສາມາດທຳງານບົນແຟດຟອມໄດ້ຫລາກຫລາຍເຊັ່ນເດີມ
ไม่มีความคิดเห็น:
แสดงความคิดเห็น