ຕຳລາຮຽນຕ່າງໆ: ຕົວດຳເນີນການ

ຕົວດຳເນີນການ

ຕົວດຳເນີນການ

ນິພົດໃນພາສາຈາວາອາດຈະປະກອບດ້ວຍຂໍ້ມູນຄ່າຄົງທີ່ ຕົວແປ ຫລືຄ່າຄົງທີ່ຕ່າງໆ ໂດຍມີຕົວດຳເນີນການຕ່າງໆໄວ້ເພື່ອຄຳນວນຫາຜົນລັບທີ່ເປັນຊະນິດຂໍ້ມູນຕ່າງໆ ຕົວດຳເນີນການໃນພາສາຈາວາແບ່ງອອກເປັນ 4 ປະເພດຄື:

1. ຕົວດຳເນີນການທາງຄະນິດສາດ (Arithmetic Operator)

2. ຕົວດຳເນີນການແບບສຳພັນ (Relational Operator)

3. ຕົວດຳເນີນການທາງຕັກກະສາດ (Logical Operator)

4. ຕົວດຳເນີນການແບບບິດ (Bitwise Operator)

ທັງນີ້ຕົວດຳເນີນການທາງຄະນິດສາດແລະຕົວດຳເນີນການແບບບິດ ຈະໃຫ້ຜົນລັບເປັນຂໍ້ມູນຊະນິດຈຳນວນເຕັມຫລືຈຳນວນທົດສະນິຍົມ ສ່ວນຕົວດຳເນີນການແບບສຳພັນ ແລະຕົວດຳເນີນການທາງຕັກກະສາດຈະໃຫ້ຜົນລັບເປັນຂໍ້ມູນຊະນິດຕັກກະ

2.5.1 ຕົວດຳເນີນການທາງຄະນິດສາດ

ຕົວດຳເນີນການທາງຄະນິດສາດສຳຫລັບພາສາຈາວາປະກອບໄປດ້ວຍເຄື່ອງໝາຍ

+, -, *, / ແລະ % ດັ່ງສະແດງໃນຮູບທີ2.6

ຕາຕະລາງທີ2.6 ຕົວດຳເນີນການທາງຄະນິດສາດ

ເຄື່ອງໝາຍ	ຄວາມໝາຍ	ຕົວຢ່າງນິພົດ
+	ບວກ	a+b
-	ລົບ	a-b
*	ຄູນ	a*b
/	ຫານ	a/b
%	ເສດຈາກການຫານ	a%b

ຕົວດຳເນີນການ / ຈະໃຫ້ຜົນລັບເປັນເລກຈຳນວນທົດສະນິຍົມ ຖ້າຕົວຖືກດຳເນີນການ (operand) ຕົວໃດຕົວໜຶ່ງເປັນຂໍ້ມູນຊະນິດທົດສະນິຍົມ ສ່ວນກໍລະນີທີ່ຕົວກະທຳທັງສອງຕົວເປັນຂໍ້ມູນຊຊະນິດຈຳນວນເຕັມ ຕົວດຳເນີນການຈະໃຫ້ຜົນລັບເປັນຄ່າຈຳນວນເຕັມ ກ່າວຄື 1/2.0

ຈະໄດ້ຜົນລັບເປັນ 0.5 ສ່ວນ 1/2 ຈະໄດ້ຜົນລັບເປັນ 0

ຕົວດຳເນີນການ % ໃຊ້ກັບຕົວຖືກດຳເນີນການທີ່ເປັນຕົວເລກຈຳນວນເຕັມ ໂດຍຈະໃຫ້ຜົນລັບເປັນຕົວເລກຈຳນວນເຕັມທີ່ເປັນເສດຂອງການຫານ ເຊັ່ນ: 7%3 ຈະໄດ້ 1 ຕົວດຳເນີນການສ່ວນໃຫຍ່ຈຈະຕ້ອງມີຕົວຖືກດຳເນີນການສອງຕົວ ຍົກເວັ້ນຕົວດຳເນີນການ + ແລະ - ທີ່ອາດມີຕົວຖືກດຳເນີນການຕົວດຽວໄດ້ເຊັ່ນ: -3 ຫລື +4.0 ເປັນຕົ້ນ

ຕົວຢ່າງຕໍ່ໄປນີ້ເປັນການກຳນົດຄ່ ໂດຍມີຕົວດຳເນີນການຢູ່ໃນນິພົດຄຳສັ່ງ

int i = 34+2;

double d1 = 34.0–0.2;

long l = 300*30;

int j = 1/2;

double d2 = 1.0/2.0;

byte b1 = 20%3;

ຕົວດຳເນີການແບບຍໍ້

ພາສາຈາວາໄດ້ກຳນົດຕົວດຳເນີນການແບບຍໍ້ (shortcut operator) ເພື່ອໃຊ້ແທນຕົວດຳເນີນການທາງຄະນິດສາດ ທີ່ຕ້ອງການປ່ຽນແປງຄ່າຂອງຕົວແປທາງດ້ານຊ້າຍຂອງຄຳສັ່ງກຳ

ນົດຄ່າ ເຊັ່ນ: ຄຳສັ່ງ x = x+1; ເຊິ່ງເປັນຄຳສັ່ງທີ່ຕ້ອງການເພີ່ມຄ່າຂອງ x ຂຶ້ນອີກ 1 ສາມາດຂຽນໃໝ່ໂດຍໃຊ້ຕົວດຳເນີນການແບບຍໍ້ໄດ້ດັ່ງນີ້

x += 1;

ຂໍ້ດີຂອງການຂຽນຄຳສັ່ງໂດຍໃຊ້ຕົວດຳເນີນການແບບຍໍ້ຄືຈະຊ່ວຍເຮັດໃຫ້ໂປຣມແກຣມທຳງານໄວຂຶ້ນ ພາສາຈາວາມີຕົວດຳເນີນການແບບຍໍ້ 5 ຕົວຄື +=, -=, *=, /= ແລະ %= ດັ່ງສະແດງໃນຕາຕະລາງ2.7

ຕາຕະລາງທີ2.7 ຕົວດຳເນີນການແບບຍໍ້

ເຄື່ອງໝາຍ	ຕົວຢ່າງ	ຄວາມໝາຍ
+=	X +=3;	X = x + 3;
-=	X -=3;	X = x – 3;
*=	X *=3;	X = x * 3;
/=	X /=3;	X = x / 3;
%=	X %=3;	X = x % 3;

ຕົວດຳເນີນການເພີ່ມຄ່າແລະລຸດຄ່າ

ພາສາຈາວາຍັງມີຕົວດຳເນີນການແບບຍໍ້ອີກສອງຕົວຄືຕົວດຳເນີນການເພີ່ມຄ່າ(increment operator) ທີ່ໃຊ້ເຄື່ອງໝາຍ ++ ແລະຕົວດຳເນີນການລຸດຄ່າ (decrement operator) ທີ່ໃຊ້ເຄື່ອງໝາຍ -- ຕົວດຳເນີນການທັງສອງຕົວໃຊ້ໃນການເພີ່ມຄ່າທີລະ 1 ຫລືລຸດຄ່າທີລະ 1

ຕົວດຳເນີນການທັງສອງສາມາດໃສ່ໄວ້ທາງໜ້າຫລືທາງຫລັງຕົວແປກໍ່ໄດ້

x++ ຄື x = x+1

++x ຄື x = x+1

x-- ຄື x = x-1

--x ຄື x = x-1

ຕົວດຳເນີນການເພີ່ມຄ່າແລະຕົວດຳເນີນການລຸດຄ່າສາມາດໃຊ້ກັບຕົວແປ ທັງທີ່ມີຊະນິດຂໍ້ມູນເປັນຕົວເລກຈຳນວນເຕັມແລະຕົວເລກຈຳນວນທົດສະນິຍົມ ການວາງເຄື່ອງໝາຍໄວ້ດ້ານໜ້າ

ຕົວແປຈະມີຜົນໃຫ້ໂປຣແກຣມທຳງານການເພີ່ມຫລືລຸດຄ່າກ່ອນແລ້ວຈຶ່ງທຳຄຳສັ່ງຂອງນິພົດນັ້ນ ສ່ວນການວາງເຄື່ອງໝາຍໄວ້ດ້ານຫລັງຕົວແປ ຈະມີຜົນໃຫ້ໂປຣແກຣມທຳການເພີ່ມຫລືລຸດຄ່າ ຫລັງຈາກທຳຄຳສັ່ງຂອງນິພົດນັ້ນ

ໂປຣແກຣມທີ2.7 ສະແດງຕົວຢ່າງຂອງການໃຊ້ຕົວດຳເນີນການເພີ່ມຄ່າ ໂດຍການປຽບທຽບຜົນລັບທີ່ໄດ້ຈາກການວາງຕຳແໜ່ງຂອງເຄື່ອງໝາຍ ++ ໄວ້ດ້ານໜ້າແລະດ້ານຫລັງຕົວແປ ເຊິ່ງຜົນທີ່ໄດ້ຈະເປັນດັ່ງສະແດງໃນຮູູບທີ2.6

ໂປຣແກຣມທີ2.7 ຕົວຢ່າງການໃຊ້ຕົວດຳເນີນການເພີ່ມຄ່າ

Text Box: public class IncrementDemo {
public void showDemo() {
int x;
int y;
x = 5;
y = x++;
System.out.println("x = "+x+" y = "+y);
y = ++x;
System.out.println("x = "+x+" y = "+y);
}
}
------------------------------------------------------
public class Main {
public static void main(String args[]) {
IncrementDemo obj = new IncrementDemo();
obj.showDemo();
}
}

ຮູບທີ2.6 ຜົນລັບທີ່ໄດ້ຈາກການລັນໂປຮຣແກຣມທີ2.7

ຕຳລາຮຽນຕ່າງໆ

หน้าเว็บ

ຕົວດຳເນີນການ

ไม่มีความคิดเห็น:

แสดงความคิดเห็น