ຫລັກການເຊີງອອບເຈັກ
ເນື້ອຫາໃນບົດເປັນການແນະນຳຫລັກການພັດທະນາໂປຣແກຣມເຊີງອອບເຈັກ
ອະທິບາຍຄວາມໝາຍຂອງຄຳນິຍາມຕ່າງໆ
ໃຊ້ໃນການພັດທະນາໂປຣແກຣມເຊີງອອບເຈັກເຊັ່ນ ຄາດ ອອບເຈັກ ຄຸນລັກສະນະແລະເມທອດ
ແນະນຳການປະກາດດັ່ງກ່າວໂດຍໃຊ້ພາສາຈາວາ
ອະທິບາຍຄຸນລັກສະນະເດັ່ນຂອງໂປຣແກຣມເຊີງອອບເຈັກ
ແນະນຳຄາດໃຊ້ໃນການຈຳລອງຂໍ້ກຳນົດຂອງໂປຣແກຣມເຊີງອອບເຈັກ
ແລະໃນສ່ວນທ້າຍຂອງບົດຈະເປັນການແນະນຳຂັ້ນຕອນການພັດທະນາໂປຣແກຣມໂດຍໃຊ້ໃຊ້ຫລັກການເຊີງອອບເຈັກ
4.1 ອົງປະກອບຂອງໂປຣແກຣມເຊີງອອບເຈັກ
ພາສາຈາວາເປັນພາສາຄອມພິວເຕີ
ທີໃຊ້ຫລັກການການພັດນາໂປຣແກຣມເຊີງອອບເຈັກທີ່ເອີ້ນຍໍ້ວ່າເປັນພາສາຄອມພິວເຕີແບບ
OOPການພັດທະນາໂປຣແກຣມເຊີງອອບເຈັກຈະເປັນຂະບວນການການວິເຄາະປັນຫາໂດຍການຈຳລອງປັນຫາວ່າປະກອບໄປດ້ວຍອອບເຈັກໃດແດ່
ແລ້ວຈຶ່ງຂຽນໃຫ້ຢູ່ໃນຮູບແບບຂອງໂປຣແກຣມຄອມພິວເຕີ
ໂປຣແກຣມເຊີງອອບເຈັກຈະມີຄຳນີຍາມທີ່ສຳຄັນສອງຄຳຄື ອອບເຈັກ (Object)
ແລະຄາດ (Class)
4.1.1 ອອບເຈັກ
ອອບເຈັກຄືສິ່ງຕ່າງໆ
ທີ່ມີຢູ່ໃນຊີວິດປະຈຳວັນແບ່ງໄດ້ເປັນສອງປະເພດຄື
1. ສິ່ງທີ່ເປັນຮູບປະທຳ
Tangible ຄືສິ່ງທີ່ເປັນວັດແລະຈັບຕ້ອງໄດ້ເຊັ່ນ ນັກສຶກສາ ໃບລົງທະບຽນ
ບິກແລະລົດ ເປັນຕົ້ນ
2. ສິ່ງທີ່ເປັນນາມມະທຳ
(Intangible) ຄືສິ່ງທີ່ບໍ່ສາມາດຈັບຕ້ອງໄດ້ເຊັ່ນ ຄະແນນລາຍຊື່ວິຊາ
ບັນຊີເງິນຝາກແລະຕາລາງທ່ຽວບິນ ເປັນຕົ້ນ
ອອບເຈັກຕ່າງໆ
ຈະປະກອບໄປດ້ວຍຄຸນລັກສະນ (Attribute) ແລະ
ພຶດຕິກຳ
(Behavior)
ຄຸນລັກສະນະກໍ່ຄືຂໍ້ມູນຂອງອອບເຈັກ ສ່ວນພຶດຕີກຳຫລືເອີ້ນວ່າເມທອດ (Method)
ຄືສີ່ງທີ່ອອບເຈັກສາມດກະທຳໄດ້
ເຊິ່ງໃນໂປຣແກຣມເຊີງອອບເຈັກກໍ່ຄືຄຳສັ່ງໃນການທຳງານ
ໂປຣແກຣມເຊີງອອບເຈັກຈະປະກອບດ້ວຍອອບເຈັກຕ່າງໆ ຫລາຍອອບເຈັກ
ເຊິ່ງແຕ່ລະອອບເຈັກຈະມີຄຸນລັກສະນະຕ່າງໆ ທີ່ເປັນຂໍ້ມູນຂອງອອບເຈັກ
ແລະໂປຣແກຣມສາມາດຈັດການກັບຂໍ້ມູນເຫລົ່ານີ້ໄດ້ໂດຍການເອີ້ນໃຊ້ເມທອດຕ່າງໆ
ຕົວຢ່າງຂອງອອບເຈັກ
- ນັກສຶກສາອາດຈະປະກອບໄປດ້ວຍຄຸນລັກສະນະເຊັ່ນ
ລະຫັດ ຊື່ ແລະເກດສະເລ່ຍ ແລະ ອາດມີເມທອດເຊັ່ນ ການລົງທະບຽນເສັງ
ແລະເດີນ
- ລົດຍົນອາດຈະກອບໄປດ້ວຍຄຸນລັກສະນະເຊັ່ນ
ຍີ່ຫໍ້ ລຸ້ນ ແລະສີ ແລະອາດຈະມີເມທອດເຊັ່ນ ເຄື່ອນທີ່ ຫຍຸດແລະລ້ຽວ
- ໝາອາດຈະປະກອບໄປດ້ວຍຄຸນລັກສະນະເຊັ່ນ
ຊື່ ພັນ ແລະສີ ແລະອາດຈະມີເມທອດເຊັ່ນ ເຫົ່າ ຄານ ແລະກະດິກຫາງ
ຕົວຢ່າງຂອງໂປຣແກຣມເຊີງອອບເຈັກອາດຍົກຕົວຢ່າງຂອງໂປຣແກຣມລະບົບຈັກການບັນຊີ
ເງິນຝາກຂອງທະນາຄານ
ເຊິ່ງອາດປະກອບໄປດ້ວຍອອບເຈັກຕ່າງໆ ເຊັ່ນ ບັນຊີ (Accounnt) ລູກຄ້າ
(Customer) ເຄື່ອງເອທີເອັມ (ATM) ແລະລາຍການ (Transaction)
ອອບເຈັກຊະນິດບັນຊີອາດມີຂໍ້ມູນພາບໃນຕ່າງໆ ເຊັ່ນ ເລກທີບັນຊີ
ຊື່ເຈົ້າຂອງບັນຊີ ວັນທີ່ເປີດບັນຊີ ແລະຍອດເງິນຄົງເຫລືອ ເປັນຕົ້ນ
ອອບເຈັກຊະນິດບັນຊີອາດຈະມີເມທອດຕ່າງໆ ເຊັ່ນ ຝາກ ຖອນ ແລະການໂອນເງິນ
ເປັນຕົ້ນ
4.1.2
ຄາດ
ໂດຍທົ່ວໄປໂປຣແກຣມເຊີງອອບເຈັກແຕ່ລະໂປຣແກຣມຈະປະກອບໄປດ້ວຍອອບເຈັກ
ທີ່ເປັນຊະນິດດຽວກັນຫລາຍໆ
ອອບເຈັກແຕ່ອາດມີຂໍ້ມູນຫລືຄຸນລັກສະນະທີ່ຕ່າງກັນເຊັ່ນ
ໂປຣແກຣມລບົບຈັດການບັນຊີເງິນຝາກຂອງທະນາຄານອາດມີອອບເຈັກຊະນິດບັນຊີຫລາຍໆອອບເຈັກ
ໂດຍທີ່ແຕ່ລະອອບເຈັກອາດຈະມີຂໍ້ມູນທີ່ເປັນເລກທີບັນຊີຫລືຊື່ເຈົ້າຂອງບັນຊີທີ່ຕ່າງກັນໂປຣແກຣມ
ເຊີງອອບເຈັກຈະມີຄຳສັ່ງໃນການສ້າງອອບເຈັກເຈັກ
ໂດຍສ້າງມາຈາກຄາດເຊິ່ງເປັນຕົວກຳນົດນິຍາມຂອງອອບເຈັກວ່າຈະຕ້ອງປະກອບດ້ວຍຄຸນລັກສະນະແລະເມທອດໃດແດ່
ຄາດປຽບສະເໜືອນພິມຂຽວຂອງອອບເຈັກ ອອບເຈັກທີ່ຖືກຕ້ອງສ້າງມາຈາກຄາດບາງເທືອຈະເອີ້ນວ່າເປັນ
instance ຂອງຄາດເຊິ່ງອອບເຈັກໃດໆ ຈະຕ້ອງເປັນ instance ຂອງຄາດໃດຄາດໜຶ່ງ
ການຂຽນໂປຣແກຣມເຊີງອອບເຈັກຕ້ອງມີການກຳນົດນິຍາມຂອງຄາດກ່ອນທີ່ຈະສາມາດສ້າງອອບເຈັກ
(ຫລື instance)ຂອງຄາດໄດ້ເຊີ່ງຄາດໜຶ່ງຄາດສາມາດທີ່ຈະສ້າງອອບເຈັກໄດ້ຫລາຍອອບເຈັກ
ຮູບທີ 4.1 ສະແດງຕົວຢ່າງຂອງຄາດ Student
ເຊິ່ງສ້າງອອບເຈັກຂຶ້ນມາສາມອອບເຈັກທີ່ຊື່ s1, s2 ແລະ s3 ເປັນຕົ້ນ
ຮູບທີ 4.1
ຕົວຢ່າງຂອງອອບເຈັກແລະຄາດ
4.1.3 ຄຸນລັກສະນະ
ຄຸນລັກສະນະອອບເຈັກ
ຄືຂໍ້ມູນທີ່ເກັບຢູ່ໃນອອບເຈັກ ເຊິ່ງແບ່ງອອເປັນສອງປະເພດ ຄືຕົວແປ (Variable)
ແລະຄ່າຄົງທີ່ (Constant) ໂດຍທີ່ຄຸນລັກສະນະທີ່ເປັນຕົວແປຈະສາມາດປ່ຽນຄ່າໄດ້
ສ່ວນຄຸນລັກສະນະທີ່ເປັນຄ່າຄົງທີ່ຈະບໍ່ສາມາດປ່ຽນຄ່າໄດ້ ຮູບທີ 4.2
ສະແດງຕົວຢ່າງຂອງອອບເຈັກ s1, s2 ແລະ s3 ທີ່ເປັນອອບເຈັກຂອງຄາດ
ເຊິ່ງມີຄຸນລັກສະນະຂອງອອບເຈັກທີ່ເປັນລະຫັດ ຊື່
ແລະຄະແນນສະເລ່ຍສະສົມທີ່ແຕກຕ່າງກັນ ໂດຍກຳນົດໃນຄ່າຂອງຕົວແປ id,
name ແລະ gpa ຕາມລຳດັບ
ຮູບທີ 4.2 ຕົວຢ່າງຄຸນລັກສະນະຂອງອອບເຈັກ
ໂປຣແກຣມເຊີງອອບເຈັກໄດ້ກຳນົດນິຍາມຄຸນລັກສະນະອີກປະເພດໜຶ່ງ
ທີ່ເອີ້ນວ່າ ຄຸນລັກສະນະຂອງຄາດ (Class Data Value) ເຊິ່ງຈະເປັນລັກສະນະທີ່ທຸກອອບເຈັກໃຊ້ລວມກັນເຊັ່ນ
ຄາດ Student ອາດກຳນົດນົດໃຫ້ມີຄຸນລັກສະນະຂອງຄາດທີ່ເປັນຄ່າຄົງທີ່ທີ່ຊື່
MIN_GPA ເພື່ອເກັບຄະແນນສະເລ່ຍສະສົມຂັ້ນຕ່ຳຂອງນັກສຶກສາທຸກຄົນ
ທັງນີ້ນັກສຶກສາທຸກຄົນຈະຕ້ອງມີຄ່າຄະແນນສະເລ່ຍສະສົມສູງກວ່າຄະແນນສະເລ່ຍສະສົມຂັ້ນຕ່ຳ
ການເກັບຄຸນລັກສະນະທີ່ຄືກັນເຊັ່ນນີ້ຖ້າກຳນົດໃຫ້ເປັນຄຸນລັກສະນະຂອງອອບເຈັກ
ຈະເຮັດໃຫ້ສິ້ນເປືອງເນື້ອທີ່ໃນໜ່ວຍຄວາມຈຳ
ດັ່ງສະແດງໃຫ້ເຫັນໃນຮູບທີ4.3 ແຕ່ຖ້າກຳນົດໃຫ້ເປັນຄຸນລັກສະນະຂອງຄາດຈະເຮັດໃຫ້ສາມາດ
ປະຫຍັດພື້ນທີ່ໃນໜ່ວຍຄວາມຈຳໄດ້ດັ່ງສະແດງໃຫ້ເຫັນໃນຮູບທີ່ 4.4
ຮູບທີ 4.3 ຄຸນລັກສະນະ MIN_GPA
ເຊິ່ງເປັນຄຸນລັກສະນະຂອງອອບເຈັກ
ຮູບທີ 4.4 ຄຸນລັກສະນະ MIN_GPA
ເຊິ່ງເປັນຄຸນລັກສະນະຂອງຄາດ
ไม่มีความคิดเห็น:
แสดงความคิดเห็น