ການພັດທະນາໂປຣແກຣມຄອມພິວເຕີ
ບໍ່ໄດ້ໝາຍເຖິງພຽງແຕ່ການຂຽນໂປຣແກຣມຄຳສັ່ງພາສາຄອມພິວເຕີພາສາໃດພາສາໜຶ່ງ
ແຕ່ຈະລວມເຖິງຂັ້ນຕອນທັງໝົດໃນການພັດທະນາໂປຣແກຣມ
ເຊິ່ງຂັ້ນຕອນການພັດທະນາໂປຣແກຣມນີ້ເອີ້ນວ່າ
ວັດທະຈັກການພັດທະນສໂປຣແກຣມ (Software Development Life Cycle ເອີ້ນຍໍ່ວ່າ
SDLC) ເຊິ່ງຈະປະກອບໄປດ້ວຍຂັ້ນຕອນຕ່າງໆ 5 ຂັ້ນຕອນຄື
1. ຂັ້ນຕອນການວິເຄາະ (Analysis)
2. ຂັ້ນຕອນການອອແບບ (Design)
3. ຂັ້ນຕອນການຂຽນໂປຣແກຣມ
(Programming)
4. ຂັ້ນຕອນການທົດສອບ (Testing)
5. ຂັ້ນຕອນການທຳງານ (Operation)
ເຊິ່ງແຕ່ລະຂັ້ນຕອນມັກບໍ່ໄດ້ຜົນລັບທີສົມບູນທີ່ຈະສາມາດທຳຂັ້ນຕອນຕໍ່ໄປໄດ້
ໂດຍບໍ່ຕ້ອງກັບມາທຳຂັ້ນຕອນເກົ່າອີກແຕ່ລະຫວ່າງທຳງານໃນແຕ່ລະຂັ້ນຕອນອາດຕ້ອງຍ້ອນກັບໄປທຳງານໃນຂັ້ນຕອນອື່ນໆ
ກ່ອນໜ້ານັ້ນດັ່ງສະແດງຮູບທີ 4.13
ຮູບທີ 4.13
ຂັ້ນຕອນການພັດທະນາໂປຣແກຣມ
ຂັ້ນຕອນການວິເຄາະເປັນການສຶກສາຄວາມເປັນໄປໄດ້ (feasibility
study)
ຂອງປັນຫາທີ່ຕ້ອງການພັດທະນາໂປຣແກຣມທີມພັດທະນາໂປຣແກຣມຈະທຳການວິເຄາະປັນຫາແລະພິຈາລະນາວ່າສາມາດທີ່ຈະພັດທະນາໂປຣແກຣມຄອມພິວເຕີເພື່ອແກ້ໄຂປັນຫາໄດ້ຫລືບໍ່
ຜົນລັບທີ່ໄດ້ຈາກຂັ້ນຕອນນີ້ຄືຂໍ້ກຳນົດຕາຄວາມຕ້ອງການ (requirement
specification) ເຊິ່ງຈະອະທິ
ບາຍຄຸນລັກສະນະຂອງໂປຣແກຣມ ໂດຍຂໍ້ກຳນົດນີ້ຈະຂຽນຢູ່ໃນຮູບແບບຕ່າງໆ
ເພື່ອໃຫ້ຜູ້ໃຊ້ຜູ້ປະຕິບັດງານ ແລະນັກພັດທະນາໂປຣແກຣມສາມາດເຂົ້າໃຈໄດ້
ແລະສາມາດທົດສອບໂປຣແກຣມທີ່ພັດທະນາຂຶ້ນໄດ້ວ່າຖືກຕ້ອງແລະກົງຕາມຄວາມຕ້ອງການຂອງຜູ້ໃຊ້ຫລືບໍ່
ຂັ້ນຕອນການອອກແບບ
ຈະເປັນການທຳໃຫ້ຂໍ້ກຳນົດຕາມຄວາມຕ້ອງການປ່ຽນໄປຢູ່ໃນຮູບແບບຂອງລາຍລະອຽດຂອງໂປຣແກຣມທີ່ຈະຕ້ອງພັດທະນາ
ເຊິ່ງໃນການອອກແບບໂດຍໃຊ້ຫລັກການເຊີງອອບເຈັກກໍ່ອາດຈະໄດ້ໄດອະແກຣມຕ່າງໆ
ໃນຮູບຂອງ UML ເພື່ອທີ່ຈະອະທິບາຍຄາດແລະອອບເຈັກຕ່າງໆ
ທີ່ສອດຄ່ອງກັບຂໍ້ກຳນົດຕາມຄວາມຕ້ອງການ
ຂັ້ນຕອນການຂຽນໂປຣແກຣມ ຈະເປັນການຂຽນໂປຣແກຣມໂດຍໃຊ້ພາສາຄອມພິວເຕີພາສາໃດພາສາໜຶ່ງໃຫ້ເປັນໄປຕາມໂປຣແກຣມທີ່ໄດ້ອອກແບບໄວ້
ເຊິ່ງການເລືອກໃຊ້ພາສາຄອມພິວເຕີຄວນທີ່ຈະຕ້ອງສອດຄ່ອງກັບວິທີການທີ່ໄດ້ອອກແບບໄວ້ໃນກໍລະນີທີ່ຂັ້ນຕອນການອອກແບບເປັນການໃຊ້ຫລັກການເຊີງອອບເຈັກກໍ່ຄວນທີ່ຈະຕ້ອງໃຊ້ພາສາຄອມພິວເຕີເຊີງອອບເຈັກເຊັ່ນ
ພາສາຈາວາໃນການຂຽນໂປຣແກຣມ
ຂັ້ນຕອນນີ້ຈະເປັນຂັ້ນຕອນທີ່ບໍ່ຍາກປານໃດເນື່ອງຈາກເປັນການຂຽນໂປຣແກຣມຕາມຂໍ້ກຳນົດທີ່ໄດ້ຈາກການອອກແບບ
ດັ່ງນັ້ນການພັດທະນາໂປຣແກຣມທີ່ດີຈະຕ້ອງມີຂັ້ນຕອນການອອກແບບທີ່ດີເພື່ອໃຫ້ໄດ້ໂປຣແກຣມທີ່ຖືກຕ້ອງ
ຂັ້ນຕອນການທົດສອບ
ຈະເປັນຂັ້ນຕອນທີ່ຈະທົດສອບໂປຣແກຣມທີ່ໄດ້ພັດທະນາຂຶ້ນ
ໂດຍອາດເປັນການທົດສອບການທຳງານຂອງໂປຣແກຣມຈາກຂໍ້ມູນທີ່ນຳມາທົດສອບຕ່າງໆ
ແລະຕວດສອບເບິ່ງວ່າໂປຣແກຣມສາມາດທຳງານໄດ້ຖືກຕ້ອງຕາມຂໍ້ກຳນົດຕາມຄວາມຕ້ອງການຫລືບໍ່
ການທົດສອບ ໂປຣແກຣມອອບເຈັກອາດເປັນການທົດສອບທີລະຢູນິດ (Unit Testing)
ຫລືການທົດສອບໂດຍລວມ (Integration Testing)
ການທົດສອບທີລະຢູນິດເປັນການທົດສອບການທຳງານຂອງແຕ່ລະຄາດສ່ວນການທົດສອບໂດຍລວມເປັນການທົດສອບການທຳງານເມື່ອລວມຄາດຕ່າງໆ
ເຂົ້າກັນ
ຂັ້ນຕອນການທຳງານ
ເປັນຂັ້ນຕອນສຸດທ້າຍທີ່ໄດ້ສົ່ງມອບໂປຣແກຣມໃຫ້ກັບຜູ້ໃຊ້ງານແລ້ວ
ເຊິ່ງໂປຣແກຣມທີ່ສົ່ງມອບກໍ່ປຽບສະເໜືອນສິນຄ້າອື່ນໆ ເຊັ່ນ
ບ້ານຫລືລົດຍົນ ທີ່ອາດຂໍ້ບົກພ່ອງທີ່ຕ້ອງແກ້ໄຂແລະຕ້ອງມີການບຳລຸງຮັກສາ
ຜູ້ໃຊ້ໂປຣແກຣມອາດພົບຂໍ້ຜິດພາດຂອງໂປຣແກຣມໃນລະຫວ່າງການໃຊ້ງານ
ເຊິ່ງຂໍ້ຜິດພາດເຫລົ່ານີ້ອາດເກີດຂຶ້ນຈາກຂັ້ນຕອນການອອກແບບ
ຂັ້ນຕອນການຂຽນໂປຣແກຣມ ຫລືແມ້ກະທັງເກີດຂຶ້ນໃນຂັ້ນຕອນການວິເຄາະໂປຣແກຣມ
ທີ່ອາດວິເຄາະຄວາມຕ້ອງການຜິດພາດເຊິ່ງຈາກຂໍ້ຜິດພາດເຫລົ່ານັ້ນທຳໃຫ້ນັກພັດທະນາໂປຣແກຣມອາດຈະຕ້ອງນຳໂປຣແກຣມມາແກ້ໄຂ
ຂັ້ນຕອນນີ້ປຽບສະເໜືອນຂັ້ນຕອນການບຳລຸງຮັກສາໂປຣແກຣມ (software maintenance)
ເຊິ່ງຈະມີລະຍະເວລາຍາວນານຕາມລະຍະເວລາການໃຊ້ງານຂອງໂປຣແກຣມເຊິ່ງມັກຈະພົບວ່າຂັ້ນຕອນນີ້ຈະມີຄ່າໃຊ້ຈ່າຍໃນການພັດທະນາໂປຣແກຣມຫລາຍທີ່ສຸດເມື່ອທຽບກັບຂັ້ນຕອນອື່ນໆ
ຈາກທີ່ກ່າວມາທາງເທິງແລ້ວວ່າ
ວັດທະຈັກຂອງການພັດທະນນໂປຣແກຣມບໍ່ສາມາດທີ່ຈະທຳແຕ່ລະຂັ້ນຕອນໃຫ້ສົມບູນ
100% ໄດ້ ແຕ່ຈະຕ້ອງມີການຍ້ອນກັບມາທຳຂັ້ນຕອນອື່ນໆ ສະເໝີ
ໂດຍທົ່ວໄປນັກພັດທະນາໂປຣແກຣມທີ່ດີຈະຕ້ອງໃຫ້ຄວາມສຳຄັນກັບຂັ້ນຕອນການວິເຄາະ
ແລະຂັ້ນຕອນການອອກແບບໃຫ້ຫລາຍທີ່ສຸດ
ເພາະໂປຣແກຣມທີ່ມີການອອກແບບທີ່ດີຈະຊ່ວຍລົດຄວາມຍຸຸ້ງຍາກໃນຂັ້ນຕອນການທຳງານ
(ບຳລຸງຮັກສາ) ເຊິ່ງຈະມີຜົນທຳໃຫ້ຕົ້ນທຸນໃນການພັດທະນາໂປຣແກຣມຖືກລົງ
ສະຫລຸບເນື້ອຫາຂອງບົດ
- ໂປຣແກຣມເຊີງອອບເຈັກຈະມີຄຳນິຍາມທີ່ສຳຄັນສອງຄຳຄື
ອອບເຈັກແລະຄາດ
- ອອບເຈັກຄືສິ່ງຕ່າງໆ
ທີ່ມີຢູ່ໃນຊີວິດປະຈຳວັນຈະປະກອບໄປດ້ວຍຄຸນລັກສະນະແລະເມທອດ
- ຄາດປຽບສະເໜືອນພິມຂຽວຂອງອອບເຈັກ
ອອບເຈັກຈະຖືກສ້າງມາຈາກຄາດ
ອອບເຈັກຫລາຍອອບເຈັກສາມາຖືກສ້າງຄາດໜຶ່ງຄາດໄດ້
- ຄຸນລັກສະນະຂອງອອບເຈັກຄືຂໍ້ມູນທີ່ເກັບຢູ່ໃນອອບເຈັກ
ເຊີງຈະແບ່ງອອກເປັນຕົວແປແລະຄ່າຄົງທີ່
- ຄຸນລັກສະນະຂອງຄາດເປັນຄຸນລັກສະນະທີ່ໃຊ້ລວມກັນຂອງທຸກອອບເຈັກ
- ເມທອດຄືວີທີການເພື່ອໃຊ້ໃນການຈັດການກັບຄຸນລັກສະນະຂອງອອບເຈັກຫລືຄຸນລັກສະນະຂອງຄາດ
- ພາສາຈາວາມີນິຍາມໃນການຂຽນໂປຣແກຣມເຊີງອອບເຈັກເພື່ອປະກາດຄາດ
ຄຸນລັກສະນະ ເມທອດ ແລະອອບເຈັກ
- ໂປຣແກຣມເຊີງອອບເຈັກຈະມີຄຸນລັກສະນະເດັ່ນຢູ່ສາມປະການຄື
ການຫໍ່ຫຸ້ມ ການສືບທອດ ແລະການມີໄດ້ຫລາຍຮູບແບບ
- ການຫໍ່ຫຸ້ມຄືການທີ່ໃຫ້ຄຸນລັກສະນະຖືກຫໍ່ຫຸ້ມຢູ່ພາຍໃນເມທອດ
ໂດຍກຳນົດໃຫ້ຄຸນລັກສະນະມີ access modifier ເປັນ private
ແລະກຳນົດໃຫ້ເມທອດມີ ccess modifier ເປັນ public
- ຂໍ້ດີຂອງການຫໍ່ຫຸ້ມຄືການຊ້ອນໄວ້ຂໍ້ມູນແລະຄວາມເປັນໂມດູນ
- ການສືບທອດຄືການທີ່ຄາດໃໝ່ສາມາດນຳເອົາຄຸນລັກສະນະແລະເມທອດຂອງຄາດທີ່ອອກແບບໄວ້ແລ້ວມາໃຊ້ໄດ້
- ການມີໄດ້ຫລາຍຮູບແບບຄືການກຳນົດໃຫ້ມີການຕອບສະໜອງຕໍ່ເມທອດດຽວກັນວິທີການທີ່ຕ່າງກັນ
ແລະສາມາດກຳນົດອອບເຈັກໄດ້ຫລາຍຮູບແບບ
- ການສືບທອດໝາຍເຖິງທີ່ຄາດທີ່ເປັນ
subclass ສືບທອດຄຸນລັກສະນະແລະເມທອດມາຈາກຄາດທີ່ເປັນ superclass
ເຊິ່ງພາສາຈາວາຈະໃຊ້ຄີເວີດ extends
- ຄຳສັ່ງ package
ເປັນການລະບຸວ່າຄາດໃນແພັກເກດໃດ
- ຄຳສັ່ງ import
ເປັນການເອີ້ນໃຊ້ຄາດໃນແພັກເກດຕ່າງໆ
- Unified Modeling Language
(UML) ເປັນພາສາທີ່ໃຊ້ຮູບກຣາບຟິກເພື່ອຈຳລອງລະບຸຊອບແວ
ໃນທີ່ນີ້ໄດ້ແນະນຳສັນຍາລັກຂອງ UML ທີ່ສຳຄັນສອງຢ່າງຄື
ໄດອະແກຣມຂອງຄາດແລະໄດອະແກຣມຂອງອອບເຈັກ
- ວັດທະຈັກການພັດທະນາໂປຣແກຣມຈະປະກອບໄປດ້ວຍຂັ້ນຕອນຕ່າງໆ
5 ຂັ້ນຕອນຄື ຂັ້ນຕອນການວິເຄາະຂັ້ນຕອນການອອກແບບ
ຂັ້ນຕອນການຂຽນໂປຣແກຣມ ຂັ້ນຕອນການທົດສອບ
ແລະຂັ້ນຕອນການບຳລຸງຮັກາສາໂປຣແກຣມ
ไม่มีความคิดเห็น:
แสดงความคิดเห็น