ຕຳລາຮຽນຕ່າງໆ: ຄີເວີດ

ຄີເວີດ

ຄີເວີດຄືຊື່ທີ່ມີຄວາມໝາຍພິເສດໃນພາສາຈາວາ ຄອມພາຍເລີຂອງພາສາຈາວາຈະເຂົ້າໃຈຄວາມໝາຍ ແລະຄຳສັ່ງທີ່ຈະຕ້ອງດຳເນີນການສຳຫລັບຄີເວີດແຕ່ລະຕົວ ພາສາຈາວາຈະໄດ້ກຳນົດຄີເວີດຕ່າງໆ ໄວ້ດັ່ງສະແດງໃນຕາຕະລາງທີ2.1

ຕາຕະລາງທີ2.1 ຄີເວີດທີ່ໃຊ້ໃນພາສາຈາວາ

Abstract	Continue	For	New	Switch
Assert	Default	Goto	Package	Synchronied
Boolean	Do	If	Private	This
Break	Double	Implements	Protected	Throw
Byte	Else	Import	Public	Throws
Case	Enum	Instanceof	Return	Transient
Catch	Extends	Int	Short	Try
Char	Final	Interface	Static	Void
Class	Finally	Long	Strictfp	Volatile
Const	Float	Native	Super	While

ຄີເວີດເຫລົ່ານີ້ບໍ່ສາມາດຈະນຳມາຕັ້ງເປັນ identifier ໄດ້ເຊິ່ງຈາກຄີເວີດທາງເທິງຈະເຫັນວ່າຄີເວີດທຸກຕົວຈະເປັນຕົວອັກສອນພິມນ້ອຍແລະມີຄີເວີດ goto ແລະ const ເປັນຄີເວີດທີ່ບໍ່ໄດ້ກົງກັບຄຳສັ່ງໃດ ໃນພາສາຈາວາສ່ວນຄຳວ່າ true ແລະ false ບໍ່ໄດ້ເປັນຄີເວີດໃນພາສາຈາວາແຕ່ຈະເປັນຂໍ້ມູນຄ່າຄົງທີ່ຊະນິດຕັກກະເຊັ່ນດຽວກັບ null ເຊິ່ງເປັນຂໍ້ມູນຄ່າຄົງທີ່ຂອງຕົວແປທີ່ມີຊະນິດຂໍ້ມູນແບບອ້າງອີງທີ່ຈະກ່າວເຖິງຕໍ່ໄປ

1.1.1 ສັນຍາລັກແຍກຄຳ

ພາສາຈາວາມີສັນຍາລັກແຍກຄຳຕ່າງໆ ທີ່ສາມາດນຳໄປໃຊ້ຂຽນໂປຣແກຣມໄດ້ດັ່ງຕາຕະລາງທີ2.2

ຕາຕະລາງທີ2.2 ໜ້າທີ່ຂອງເຄື່ອງໝາຍຕ່າງໆ ທີ່ໃຊ້ໃນພາສາຈາວາ

ສັນຍາລັກແຍກຄຳ	ໜ້າທີ່
;	ເພື່ອລະບຸການສິ້ນສຸດຄຳສັ່ງຕ່າງໆ ພາຍໃນພາສາຈາວາ
( )	ສຳຫລັບຕໍ່ທ້າຍເມທອດຫລືຄຳສັ່ງອື່ນໆ ໃນພາສາຈາວາເຊັ່ນ: if,for ເປັນຕົ້ນ
,	ສຳຫລັບແຍກຕົວແປຫລືຄຳສັ່ງໃນພາສາຈາວາ
.	ເພື່ອໃຊ້ໃນການລະບຸຄຸນລັກສະນະຫລືເມທອດຂອງອອບເຈັກຫລືໃຊ້ໃນການລະບຸແພັກເກດຂອງພາສາຈາວາ
{}	ເພື່ອລະບຸບ໋ອກຂອງຄຳສັ່ງພາສາຈາວາຄຳສັ່ງຕ່າງໆ ຂອງພາສາຈາວາຈະຢູພາຍໃນບ໋ອກເຊັ່ນ: ຄຳສັ່ງທີ່ຢູ່ພາຍໃນຄາດ ພາຍໃນເມທອດ ຫລືຢູພາຍໃນຊຸດໂຄງສ້າງຄວບຄຸມຕ່າງໆ ເຊັ່ນ: if,while ຫລື for ເປັນຕົ້ນໂດຍປົກະຕິບ໋ອກເຫລົ່າສາມາດຊ້ອນກັນໄດ້

1.1.2 ຊ່ອງວ່າງ

ໂປຣແກຣມພາສາຈາວາສາມາດທີ່ຈະມີຊ່ອງວ່າງ ເພື່ອແຍກຄຳ ປະໂຫຍກ ຫລືຄຳສັ່ງ

ຕ່າງໆ ພາຍໃນໂປຣມແກຣມໄດ້ ໂດຍຊ່ອງວ່າງຈະມີຂະໜາດເທົ່າໃດກໍ່ໄດ້ ທັງນີ້ຄອມພາຍເລີຂອງພາສາຈາວາຈະບໍ່ນຳສ່ວນທີ່ເປັນຊ່ອງວ່າງມາກ່ຽວຂ້ອງກັບຂະໜາດຂອງໂປຣແກຣມໄບໂຄດຊ່ອງວ່າງຈະຊ່ວຍເຮັດໃຫ້ຮູບແບບຂອງຊອດໂຄດເບິ່ງງ່າຍຂຶ້ນ ເຊິ່ງຮູບແບບຊ່ອງວ່າງປະກອບດ້ວຍ

· ຊ່ອງວ່າງກົດຄີ (ກົດຄີ Space ເທິງຄີບອດ)

· ແທັບ(ກົດຄີ Tab ເທິງຄີບອດ)

· ການຂຶ້ນບັນທັດໃໝ່ (ກົດຄີ Enter ເທິງຄີບອດ)

1.1.3 ຂໍ້ມູນຄ່າຄົງທີ່

ຂໍ້ມູນຄ່າຄົງທີ່ຄືຄຳທີ່ໃຊ້ສະແດງຂໍ້ມູນ ທີ່ເປັນຕົວເລກ ຕົວອັກຂະຫລະ ຂໍ້ຄວາມ ຫລືຄ່າຕັກກະ ເຊິ່ງໃນພາສາຈາວາໄດ້ກຳນົດຂໍ້ມູນຄ່າຄົງທີ່ໄວ້ 5 ປະເພດດັ່ງນີ້

1. ຕັກກະ (Boolean)

2. ຕົວອັກຂະຫລະ (Character)

3. ຕົວເລກຈຳນວນເຕັມ (Integral)

4. ຕົວເລກຈຳນວນທົດສະນິຍົມ (Floating Point)

5. ຂໍ້ຄວາມ (String)

ຮູບແບບຂອງການຂຽນຂໍ້ມູນຄ່າຄົງທີ່ແລະປະເພດຂອງຊະນິດຂໍ້ມູນ ຈະກ່າວເຖິງໃນຫົວຂໍ້ຕໍ່ໄປ

1.2 ຊະນິດຂອງຂໍ້ມູນແບບພື້ນຖານ

ພາສາຈາວາເປັນພາສາທີ່ຕ້ອງລະບຸຊະນິດຂໍ້ມູນຢ່າງຊັດເຈນ (Strongly Typed Language) ກ່າວຄືຂໍ້ມູນທີ່ເປັນຕົວແປ ຫລືຄ່າຄົງທີ່ທຸກຕົວທີ່ປາກົດຢູ່ໃນໂປຣແກຣມ ຈະຕ້ອງມີການປະກາດ ແລະຈະຕ້ອງລະບຸຊະນິດຂໍ້ມູນດ້ວຍສະເໝີ ໂດຍຊະນິດຂໍ້ມູນໃນພາສາຈາວາແບ່ງອອກເປັນສອງປະເພດໃຫຍ່ໆ ຄື:

1. ຊະນິດຂໍ້ມູນແບບພື້ນຖານ (Primitive Data Type)

2. ຊະນິດຂໍ້ມູນແບບອ້າງອີງ (Reference Data Type)

ຊະນິດຂໍ້ມູນແບບພື້ນຖານຄືຊະນິດຂໍ້ມູນທີ່ກຳນົດໄວ້ໃນພາສາຈາວາ ເຊິ່ງພາສາຈາວາກຳນົດໄວ້ 8 ຊະນິດຄື boolean,char, byte, short, int, long, float ແລະ double ດັ່ງສະແດງໃນຕາຕະລາງທີ2.3 ເຊິ່ງທັງ 8 ຊະນິດສາມາດແບ່ງອອກໄດ້ເປັນ 4 ປະເພດຄື:

1. ຊະນິດຂໍ້ມູນຕັກກະ (Logical) ຄືຊະນິດ Boolean

2. ຊະນິດຂໍ້ມູນອັກຂະຫລະ (Textual) ຄືຊະນິດ char

3. ຊະນິດຂໍ້ມູນຕົວເລກຈຳນວນເຕັມ (Integral) ຄືຊະນິດ byte,short,int ແລະ long

4. ຊະນິດຂໍ້ມູນຕົວເລກທົດສະນິຍົມ (Floating Point) ຄືຊະນິດ float ແລະ double

ຕາຕະລາງທີ2.3 ຂະໜາດແລະຊ່ວງຄ່າຂອງຊະນິດຂໍ້ມູນແບບພື້ນຖານຂອງພາສາຈາວາ

ຊະນິດຂໍ້ມູນ	ຂະໜາດ (ບິດ)	ຊ່ວງຄ່າ	ໝາຍເຫດ
boolean	1	true ຫລື false
char	16	‘\u0000’ ເຖິງ ‘\uFFFF’	ຂໍ້ມູນອັກຂະຫລະລະບົບUnicode
byte	8	128 ເຖິງ +127
short	16	32,768 ເຖິງ+32,767
int	32	-2³¹ ເຖິງ +2³¹-1
long	64	-2⁶³ ເຖິງ +2⁶³-1
float	32	-3.40E+38 ເຖິງ +3.40E+38	IEEE 754 single precision floating point.
double	64	-1.80E+308 ເຖິງ +1.80E+308	IEEE 754 double precision floating point.

ຊະນິດຂໍ້ມູນແບບອ້າງອີງຄືຊະນິດຂໍ້ມູນອື່ນໆ ທີ່ບໍ່ແມ່ນຊະນິດຂໍ້ມູນແບບພື້ນຖານ ຊະນິດຂໍ້ມູນທັງສອງປະເພດຈະມີຄວາມແຕກຕ່າງກັນໃນເລື່ອງການເກັບຂໍ້ມູນໃນໜ່ວຍຄວາມຈຳ ແລະວິທີການເອີ້ນໃຊ້ເຊິ່ງຈະກ່າວຕໍ່ໄປ

ຕຳລາຮຽນຕ່າງໆ

หน้าเว็บ

ຄີເວີດ

ไม่มีความคิดเห็น:

แสดงความคิดเห็น