ຕົວດຳເນີນການແບບບິດເປັນຕົວດຳເນີນການທີໃຊ້ກັບຂໍ້ມູນຊະນິດຕົວເລກຈຳນວນເຕັມ
ເພື່ອຈັດການກັບຂໍ້ມູນເຊີງບິດຫລືເພື່ອເລື່ອນບິດ ໂດຍມີເຄື່ອງໝາຍຕ່າງໆ
ດັ່ງສະແດງໃນຕາລາງທີ2.14 ແລະຕາລາງທີ2.15
ຕາຕະລາງທີ2.14
ຕົວດຳເນີນການເພື່ອຈັດການກັບຂໍ້ມູນເຊີງບິດ
ເຄື່ອງໝາຍ
|
ຄວາມໝາຍ
|
~
|
Complement
|
&
|
AND
|
|
|
OR
|
^
|
XOR
|
ຕາຕະລາງທີ2.15
ຕົວດຳເນີນການເພື່ອເລື່ອນບິດ
ເຄື່ອງໝາຍ
|
ຄວາມໝາຍ
|
>>
|
Signed right shift
|
>>>
|
Unsigned right shift
|
<<
|
Left shift
|
ເຄື່ອງໝາຍ ~,&,| ແລະ ^
ໃຊ້ໃນການຈັດການຂໍ້ມູນເຊີງບິດ ເຊັ່ນ: 4^3 ຄື 0100 ທີ່ທຳການ XOR ກັບ 0011
ຈະມີ
ຄ່າເປັນ
0111 ສ່ວນເຄື່ອງໝາຍ >>,>>> ແລະ <<
ເປັນຕົວດຳເນີນການເພື່ອເລື່ອນບິດ ໂດຍຈະໃຊ້ກັບຊະນິດຂໍ້ມູນຈຳນວນເຕັມທີ່ເປັນ
int ຫລື long ຕາມລຳດັບ ດັ່ງນັ້ນຄຳສັ່ງ
int x = 8;
System.out.println(x
>> 32);
ໝາຍເຖິງການເລື່ອນບິດຂອງຕົວແປ x ໄປ 0
ບິດ ບໍ່ແມ່ນ 32 ບິດ
ເຄື່ອງໝາຍ >>
ເປັນການເລື່ອນບິດໂດຍພິຈາລະນາຈາກເຄື່ອງໝາຍ ເຊິ່ງຖ້າບິດທາງຊ້າຍເປັນ 1
ກໍ່ຈະໃສ່ 1 ແທນແຕ່ຖ້າເປັນຄ່າ 0 ແທນ ສ່ວນເຄື່ອງໝາຍ >>> ແລະ
<< ຈະເປັນການເລື່ອນບິດໂດຍບໍ່ພິຈາລະນາເຄື່ອງໝາຍກ່າວຄືຈະໃສ່ຄ່ 0
ສະເໜີ ການເລື່ອນບິດໄປທາງຂວາ (>>) ຄືການຫານຂອງຈຳນວນເຕັມດ້ວຍຄ່າ
2 ຍົກກຳລັງຈານວນບິດທີ່ຈະເລື່ອນ ສ່ວນການເລື່ອນບິດໄປທາງຊ້າຍ (<<)
ຈະເປັນການຄຸນເລກຈຳນວນເຕັມດ້ວຍຄ່າ 2 ຍົກກຳລັງຈຳນວນບິດທີ່ຈະເລື່ອນ
ຕົວຢ່າງເຊັ່ນ:
128 >> 1 ຄື 128/21 = 64
-128 >> 4 ຄື -128/24 =
-8
128 << 2 ຄື 128 * 22 =
512
2.5.5
ລຳດັບຄວາມສຳຄັນຂອງຕົວດຳເນີນການ
ກໍລະນີນິພົດໃດໆ
ມີຕົວດຳເນີນການຫລາຍກວ່າໜຶ່ງຕົວ
ພາສາຈາວາຈະຈັດລຳດັບຄວາມສຳຄັນຂອງຕົວດຳເນີນການເພື່ອຄຳນວນຫາຜົນລັບຕາມລຳດັບຄວາມສຳຄັນຂອງຕົວດຳເນີນການ
ໂດຍມີລຳດັບຄວາມສຳຄັນດັ່ງສະແດງໃນຕາຕະລາງທີ2.16
ຕາຕະລາງທີ2.16
ລຳດັບຄວາມສຳຄັນຂອງຕົວດຳເນີນການ
ລຳດັບ
|
ລຽງຈາກ
|
ຕົວດຳເນີນການ
|
1
|
ຂວາໄປຊ້າຍ (R to L)
|
++,--,+,-,~,!(data type)
|
2
|
ຊ້າຍໄປຂວາ (L to R)
|
*,/,%
|
3
|
ຊ້າຍໄປຂວາ (L to R)
|
+,-
|
4
|
ຊ້າຍໄປຂວາ (L to R)
|
<<,>>,>>>
|
5
|
ຊ້າຍໄປຂວາ (L to R)
|
<,>,<=,>=,instanceof
|
6
|
ຊ້າຍໄປຂວາ (L to R)
|
==,!=
|
7
|
ຊ້າຍໄປຂວາ (L to R)
|
&
|
8
|
ຊ້າຍໄປຂວາ (L to R)
|
^
|
9
|
ຊ້າຍໄປຂວາ (L to R)
|
|
|
10
|
ຊ້າຍໄປຂວາ (L to R)
|
&&
|
11
|
ຊ້າຍໄປຂວາ (L to R)
|
||
|
12
|
ຂວາໄປຊ້າຍ (R to L)
|
?:
|
13
|
ຂວາໄປຊ້າຍ (R to L)
|
=,+=,-=,,/=,%=,<<=
>>=,>>>=,&=,^=,|=
|
ຕົວຢ່າງເຊັ່ນ
ຄຳສັ່ງ
x = 2+3*4-(7+2);
ຈະຄຳນວນຫາຕາມລຳດັບດັ່ງນີ້
1. ຄຳນວນຫາຜົນລັບ 7+2
ເຮັດໃຫ້ໄດ້
x
= 2+3*4-9
2. ຄຳນວນຫາຜົນລັບຄ່າ 3*4
ເຮັດໃຫ້ໄດ້
x = 2+12-9
3. ຄຳນວນຫາຜົນລັບຄ່າ 2+12
ເຮັດໃຫ້ໄດ້
x = 14-9
4. ຄຳນວນຫາຜົນລັບຄ່າ 14-5
ເຮັດໃຫ້ໄດ້
x=5
2.6 ການແປງຊະນິດຂໍ້ມູນ
ນິພົດທາງຄະນິດສາດໃນພາສາຈາວາອາດມີຕົວຖືກດຳເນີນການທາງຄະນິດສາດ
ທີ່ມີຊະນິດຂໍ້ມູນເປັນປະເພດຕ່າງໆ ພາສາຈາວາໄດ້ກຳນົດໃຫ້ຜົນລັບຂອງນິພົດເປັນດັ່ງນີ້
- ໃນກໍລະນີທີ່ຖືກດຳເນີນການທັງສອງຕົວມີຊະນິດຂໍ້ມູນເປັນ
double ຄືກັນ ຈະເຮັດໃຫ້ໄດ້ຜົນລັບທີ່ມີຊະນິດຂໍ້ມູນເປັນ double
- ໃນກໍລະນີທີ່ຕົວດຳເນີນການທັງສອງຕົວມີຊະນິດຂໍ້ມູນເປັນ
float ຄືກັນ ຈະເຮັດໃຫ້ໄດ້ຜົນລັບທີ່ມີຊະນິດຂໍ້ມູນເປັນ float
- ໃນກໍລະນີທີ່ຕົວດຳເນີນການທັງສອງມີຊະນິດຂໍ້ມູນທີ່ແຕກຕ່າງກັນ
ພາສາຈາວາຈະມີຫລັກການແປງຊະນິດຂໍ້ມູນ (type conversion) ດັ່ງນີ້
- ຖ້າຕົວຖືກດຳເນີນການຕົວໜຶ່ງມີຊະນິດຂໍ້ມູນເປັນ
double ຕົວຖືກດຳເນີນການອີກຕົວໜຶ່ງຈະຖືກແປງໃຫ້ມີຊະນິຂໍ້ມູນເປັນ
double ໂດຍອັດຕະໂນມັດ
- ຖ້າຕົວຖືກດຳເນີນການທັງສອງບໍ່ໄດ້ມີຊະນິດຂໍ້ມູນເປັນ
double ແຕ່ມີຕົວຖືກດຳເນີນການຕົວໜຶ່ງທີ່ມີຊະນິດຂໍ້ມູນເປັນ
float ຕົວຖືກດຳເນີນການອີກຕົວໜຶ່ງຈະຖືກແປງໃຫ້ມີຊະນິດຂໍ້ມູນເປັນ
float ໂດຍອັດຕະໂນມັດ
- ຖ້າຕົວຖືກດຳເນີນການທັງສອງບໍ່ໄດ້ມີຊະນິດຂໍ້ມູນເປັນ
double ຫລື float
ແຕ່ມີຕົວຖືກດຳເນີນການຕົວໜຶ່ງທີ່ມີຊະນິດຂໍ້ມູນເປັນ long
ຕົວຖືກດຳເນີນການອີກຕົວໜຶ່ງຈະຖືກແປງໃຫ້ມີຊະນິດຂໍ້ມູນເປັນ
long ໂດຍອັດຕະໂນມັດ
- ກໍລະນີອື່ນໆ
ຕົວຖືກດຳເນີນການທັງສອງຈະແປງໃຫ້ມີຊະນິດຂໍ້ມູນເປັນ int
ຈາກຫລັກການທາງເທິງຈະເຫັນໄດ້ວ່າຜົນລັບທີ່ໄດ້ຈາກການຄຳນວນນິພົດຄະນິດສາດ
ຈະມີຊະນິດຂໍ້ມູນເປັນ int ເປັນຢ່າງນ້ອຍ ດັ່ງນັ້ນຄຳສັ່ງຕໍ່ໄປນີ້
byte b1, b2, b3;
b1 = 2;
b2 = 4;
b3 = b1+b2; // illegal
ຈຶ່ງເປັນຄຳສັ່ງທີ່ບໍ່ຖືກຕ້ອງເນື່ອງຈາກ b1+b2
ຈະໃຫ້ຜົນລັບທີ່ມີຊະນິດຂໍ້ມູນເປັນ int ເຊິ່ງບໍ່ສາມາດກຳນົດຄ່າໃຫ້ກັບຕົວແປທີ່ມີຊະນິດຂໍ້ມູນເປັນ
byte ໄດ້
2.6.1 ການແປງຂໍ້ມູນໃນຄຳສັ່ງກຳນົດຄ່າ
ພາສາຈາວາກຳນົດໃຫ້ຄຳສັ່ງກຳນົດຄ່າຈະຕ້ອງມີຊະນິດຂໍ້ມູນຂອງຕົວແປທາງດ້ານຊ້າຍແລະຊະນິດຂໍ້ມູນນິພົດທາງດ້ານຂວາສອດຄ່ອງກັນ
ເຊັ່ນ:
int i = 4;
double x = 3.0;
ໃນກໍລະນີຕົວແປແລະນິພົດມີຊະນິດຂໍ້ມູນທີ່ແຕກຕ່າງກັນ
ຄອມພາຍເລີຂອງພາສາຈາວາຈະທຳການແປງຊະນິດຂໍ້ມູນທັງສອງຊະນິດໃຫ້ສອດຄ່ອງກັນ
ໂດຍການແປງຊະນິດຂໍ້ມູນສອງຮູບແບບຄື:
1. ການແປງຂໍ້ມູນທີ່ກວ້າງຂຶ້ນ
(widening
conversion) ຄືການແປງຈາກຊະນິດຂໍ້ມູນທີ່ມີຂະໜາດນ້ອຍກວ່າໄປເປັນຊະນິດຂໍ້ມູນທີ່ມີຂະໜາດໃຫຍ່ກວ່າ
2. ການແປງຂໍ້ມູນທີ່ແຄບລົງ (narrowing conversion)
ຄືການແປງຈາກຊະນິດຂໍ້ມູນທີ່ມີຂະໜາດໃຫຍ່ກວ່າໄປເປັນຊະນິດຂໍ້ມູນທີ່ມີຂະໜາດນ້ອຍລົງ
ເຊິ່ງອາດມີຜົນໃຫ້ເສຍຄວາມລະອຽດຂອງຂໍ້ມູນບາງສ່ວນໄປ
ພາສາຈາວາກຳນົດຂະໜາດຂອງຊະນິດຂໍ້ມູນຕ່າງໆ
ທີ່ສາມາດແປງຂໍ້ມູນໃຫ້ກວ້າງຂຶ້ນໄດ້ ດັ່ງສະແດງໃນຮູບທີ2.8
ເຊິ່ງມີຫລັກການດັ່ງນີ້
·
ຊະນິດຂໍ້ມູນຕົວເລກຈຳນວນເຕັມສາມາດແປງໃຫ້ເປັນຊະນິດຂໍ້ມູນຕົວເລກທົດສະນິຍົມໄດ້
·
ຊະນິດຂໍ້ມູນ
float ສາມາດແປງໃຫ້ເປັນຊະນິດຂໍ້ມູນ double ໄດ້
·
ຊະນິດຂໍ້ມູນຕົວເລກຈຳນວນເຕັມມີຂະໜາດລຽງກັນນ້ອຍໄປຫລາຍດັ່ງນີ້
byte ® short ® int ® long
·
ຊະນິດຂໍ້ມູນ
char ສາມາດແປງໃຫ້ເປັນຊະນິດຂໍ້ມູນ int ໄດ້
·
ຊະນິດຂໍ້ມູນ
Boolean ຈະບໍ່ມີຄວາມສຳພັນກັບຊະນິດຂໍ້ມູນແບບພື້ນຖານອື່ນໆ
ຮູບທີ2.8 ການແປງຊະນິດຂໍ້ມູນ
ໃນຄຳສັ່ງກຳນົດຄ່າ
ຖ້າຜົນລັບຂອງນິພົດເປັນຊະນິດຂໍ້ມູນທີມີຂະໜາດນ້ອຍກວ່າຊະນິດຂອງຕົວແປ
ພາສາຈາວາຈະທຳການແປງຂໍ້ມູນໃຫ້ເປັນຊະນິດຂໍ້ມູນຂອງຕົວແປດັ່ງກ່າວໂດຍອັດຕະໂນມັດ
ເຊັ່ນ ຄຳສັ່ງ
int
i = 4;
long
l = i;
ນິພົດ I ຈະຖືກປັບຊະນິດຂໍ້ມູນຈາກ int
ໃຫ້ເປັນ long ໂດຍອັດຕະໂນມັດ
ຫລືຄຳສັ່ງ
double
x = 3;
ນິພົດທີ່ມີຄ່າເປັນ
3 ຈະຖືກປັບຊະນິດຂໍ້ມູນຈາກ int ໃຫ້ເປັນ double ໂດຍອັດຕະໂນມັດ
ໃນກໍລະນີທີ່ຄຳສັ່ງກຳນົດຄ່າມີຊະນິດຂໍ້ມູນຂອງຕົວແປທີ່ມີຂະໜາດນ້ອຍກວ່າ
ຊະນິດຂໍ້ມູນຂອງນິພົດ
ພາສາຈາວາຈະບໍ່ສາມາດແປງຊະນິດຂໍ້ມູນຂອງນິພົດໃຫ້ເປັນຂະໜາດທີ່ນ້ອຍລົງເທົ່າກັບຊະນິດຂໍ້ມູນຂອງຕົວແປໂດຍອັດຕະໂນມັດ
ແຕ່ຄອມພາຍເລີຈະແຈ້ງຂໍ້ຜິດພາດໃນຂັ້ນຕອນການຄອມພາຍ (compile error) ຕົວຢ່າງເຊັ່ນ ຄຳສັ່ງ
int amount = 123L;
ຫລື
float f = 4.0;
ຈະບໍ່ສາມາດຄອມພາຍຜ່ານໄດ້
ເນື່ອງຈາກຊະນິດຂໍ້ມູນຂອງນິພົດຂະໜາດໃຫຍ່ກວ່າຊະນິດຂໍ້ມູນຂອງຕົວແປ
ໂປຣແກຣມທີ2.9 ສະແດງຕົວຢ່າງຂອງຂໍ້ຜີດພາດໃນການແປງຊະນິດຂໍ້ມູນ
ເຊິ່ງຈະທຳໃຫ້ເປັນໂປຣແກຣມນີ້ບໍ່ສາມາຄອມພາຍຜ່ານໄດ້
ໂປຣແກຣມທີ2.9
ໂປຣແກຣມທີ່ມີຂໍ້ຜິດພາດໃນການແປງຊະນິດຂໍ້ມູນ
2.6.2
Typecasting
ພາສາຈາວາສາມາດທຳການແປງຊະນິດຂໍ້ມູນ
ໃຫ້ເປັນຊະນິດຂໍ້ມູນທີ່ມີຂະໜາດນ້ອຍລົງໄດ້
ໂດຍໃຊ້ວິທີການທີ່ເອີ້ນວ່າ typecasting ເຊິ່ງມີຮູບແບບດັ່ງນີ້
(targetType) expression
|
ໂດຍທີ່
- targetType
ຄືຊະນິດຂໍ້ມູນທີ່ຕ້ອງການ
ການໃຊ້ typecasting ຈະຊ່ວຍເຮັດໃຫ້ໂປຣແກຣມທີມີຄຳສັ່ງເຊິ່ງຈຳເປັນຕ້ອງແປງຊະນິດໃຫ້ມີ
ຂະໜາດນ້ອຍລົງສາມາດຄອມພາຍເລີຜ່ານໄດ້
ແຕ່ຈະເຮັດໃຫ້ຂໍ້ມູນບາງສ່ວນສູນຫາຍໄປໃນບາງກໍລະນີ
ຕົວຢ່າງເຊັ່ນ ຄຳສັ່ງ
int amount = (int)3.0;
ຈະທຳການແປງນິພົດ 3.0
ທີ່ມີຊະນິດຂໍ້ມູນເປັນ double ໃຫ້ເປັນ 3 ທີ່ມີຂໍ້ມູນເປັນ int
ຫລືຕົວຢ່າງຄຳສັ່ງ
int x;
double y = 1.25;
x = (int)y;
ຈະທຳການແປງນິພົດ y ທີ່ມີຄ່າ1.25
ໃຫ້ມີຊະນິດຂໍ້ມູນເປັນ int ທີ່ມີຄ່າ 1
ແຕ່ຈະເຮັດໃຫ້ຕົວເລກທີ່ເປັນສ່ວນທົດສະນິຍົມຫາຍໄປ
ໂປຣແກຣມທີ2.10 ສະແດງຕົວຢ່າງການໃຊ້ typecasting ໃນການແປງຊະນິດຂໍ້ມູນ ໂດຍນິພົດ b1+b2
ຈະໃຫ້ຜົນລັບທີ່ມີຊະນິດຂໍ້ມູນເປັນ int
ຈຶ່ງຕ້ອງແປງຊະນິດຂໍ້ມູນໃຫ້ເປັນ byte
ເພື່ອທີ່ຈະສາມາດກຳນົດຄ່າໃຫ້ກັບຕົວແປ b3 ເຊິ່ງມີຊະນິດຂໍ້ມູນເປັນ
byte ໄດ້ ເຊັ່ນດຽວກັນກັບຄ່າ3.2 ເຊິ່ງມີຊະນິດຂໍ້ມູນເປັນ double
ຈະຖືກແປງຊະນິດຂໍ້ມູນໃຫ້ເປັນ float
ໂປຣແກຣມທີ2.10
ການໃຊ້ typecasting ໃນການແປງຊະນິດຂໍ້ມູນ
2.7
ຊະນິດຂໍ້ມູນແບບອ້າງອີງ
ຕົວແປຫລືຄ່າຄົງທີ່ທີ່ປະກອບເປັນຊະນິດຂໍ້ມູນອື່ນໆ
ເຊິ່ງບໍ່ແມ່ນຊະນິດຂໍ້ມູນແບບພື້ນຖານ
ຈະເປັນຊະນິດຂໍ້ມູນແບບອ້າງອີງເຊິ່ງກໍ່ຄືອອບເຈັກໃນພາສາຈາວາ
ໂດຍແບ່ງອອກເປັນສອງແບບຄື:
1. ຊະນິດຂໍ້ມູນທີ່ເປັນຄາດ
2. ຊະນິດຂໍ້ມູນທີ່ເປັນອາເລ
ຕົວຢ່າງຂອງຊະນິດຂໍ້ມູນທີ່ເປັນຄາດຄື
ຊະນິດຂໍ້ມູນ String ໂດຍ String ບໍ່ແມ່ນຊະນິດຂໍ້
ມູນແບບພື້ນຖານ
ແຕ່ເປັນຄາດທີ່ນິຍົມໄວ້ໃນ Java API ເຊັ່ນຄຳສັ່ງ
String id;
ເປັນຄຳສັ່ງປະກາດຕົວແປ id
ໃຫ້ເປັນອອບເຈັກຂອງຄາດ String
ສຳຫລັບຕົວຢ່າງຂອງຊະນິຂໍ້ມູນທີ່ເປັນອາເລຖືກກ່າວເຖິງໃນບົດທີ8
ຊະນິດຂໍ້ມູນແບບອ້າງອີງຈະມີວິທີການເກັບຂໍ້ມູນໃນໜ່ວຍຄວາມຈຳທີ່ແຕກຕ່າງຈາກການເກັບຂໍ້ມູນຂອງຊະນິດຂໍ້ມູນແບບພື້ນຖານ
ທັງນີ້ຂໍ້ມູນທີ່ເກັບໃນໜ່ວຍຄວາມຈຳຂອງຊະນິດຂໍ້ມູນແບບອ້າງອີງຈະເປັນຕຳແໜ່ງອ້າງອີງທີ່ເກັບຂໍ້ມູນໃນໜ່ວຍຄວາມຈຳ
ແຕ່ໃນກໍລະນີຂອງຊະນິດຂໍ້ມູນແບບພື້ນຖານ ຂໍ້ມູນທີ່ເກັບໃນໜ່ວຍຄວາມຈຳຈະເປັນຄ່າຂອງຂໍ້ມູນຈິງ
ເຊັ່ນ ຄຳສັ່ງ
int x = 7;
String s = new String(“Thana ”);
ເປັນການປະກາດຕົວແປທີມີຊະນິດຂໍ້ມູນແບບພື້ນຖານ int ທີ່ຊື່ x
ແລະໃຫ້ເກັບຄ່າເປັນ 7 ແລະເປັນການປະກາດຕົວແປຊະນິດຂໍ້ມູນແບບອ້າງອີງ
(ເຊິ່ງກໍ່ຄືອອບເຈັກ) s ຂອງຄາດ String
ແລະໃຫ້ເກັບຄ່າເປັນຂໍ້ຄວາມວ່າ
Thana
ເຊິ່ງຕົວແປທັງສອງຕົວອາດຈະເກັບຂໍ້ມູນໃນໜ່ວຍຄວາມຈຳດັ່ງສະແດງໃນຮູບທີ2.9
ເຊິ່ງຄ່າທີ່ເກັບໃນຕົວແປ x ຈະເປັນຄ່າຂໍ້ມູນທີ່ເປັນຄ່າ7
ສ່ວນຄ່າຂອງຕົວແປ s ຈະເປັນຕຳແໜ່ງອ້າງອີງໃນໜ່ວຍຄວາມຈຳທີ່ໃຊ້ເກັບຂໍ້ຄວາມວ່າ
Thana
ຮູບທີ2.9
ຕົວຢ່າງຂອງການເກັບຂໍ້ມູນໃນໜ່ວຍຄວາມຈຳ
ການປະກາດຕົວແປ (ຫລືອອບເຈັກ)
ຂອງຊະນິດຂໍ້ມູນແບບອ້າງອີງຈະເປັນພຽງການປະກາດຊື່ຕົວແປ (ຫລືອອບເຈັກ)
ແຕຈະບໍ່ມີການຈອງເນື້ອທີ່ໃນໜ່ວຍຄວາມຈຳເພື່ອເກັບຂໍ້ມູນ
ໃນກໍລະນີທີ່ຕົວແປດັ່ງກ່າວເປັນຄຸນລັກສະນະຂອງອອບເຈັກ
ຫລືຄຸນລັກສະນະຂອງຄາດ
ພາສາຈາວາກຳນົດຕຳແໜ່ງອ້າງອີງເລີ່ມຕົ້ນໃຫ້ມີຄ່າເປັນ null
ໂດຍອັດຕະໂນມັດ ເຊິ່ງເນື້ອທີ່ໃນໜ່ວຍຄວາມຈຳເພື່ອເກັບຂໍ້ມູນຕ່າງໆ
ຂອງຕົວແປຊະນິດຂໍ້ມູນແບບອ້າງອີງຈະຖືກສ້າງຂຶ້ນ
ເມື່ອມີການເອີ້ນໃຊ້ຄຳສັ່ງ new ເຊັ່ນ ຄຳສັ່ງ
Date d;
ເປັນຄຳສັ່ງໃນການປະກາດຕົວແປ
(ຫລືອອບເຈັກ) d ໃຫ້ເປັນຄາດຊະນິດ Date ທີ່ກຳນົດໄວ້ໃນ Java API
ແລະຈະໄດ້ຄ່າໃນໜ່ວຍຄວາມຈຳດັ່ງສະແດງໃນຮູບທີ2.10(ກ)
ແລະຄຳສັ່ງ
d = new Date (16, 8, 2002);
ຈະເປັນຄຳສັ່ງໃນການຈອງເນື້ອທີ່ໃນໜ່ວຍຄວາມຈຳເພື່ອເກັບລັກສະນະຂອງອອບເຈັກທີ່ຊື່
d ທີ່ມີຢູ່ 3 ຕົວ ຄື day, month ແລະ year ເຊິ່ງມີຊະນິດຂໍ້ມູນເປັນ int ດັ່ງສະແດງໃນຮູບທີ2.10
(ຂ)
ກ
ຂ
ຮູບທີ2.10
ຕົວຢ່າງຂອງການເກັບຂໍ້ມູນໃນໜ່ວຍຄວາມຈຳ
ไม่มีความคิดเห็น:
แสดงความคิดเห็น