ໃນພາສາຈາວາຊະນິດຂໍ້ມູນ
Boolean ຄືຊະນິດຂໍ້ມູນຕັກກະ
ໂດຍຂໍ້ມູນຊະນິດຕັກກະເປັນຂໍ້ມູນທີ່ປະກອບດ້ວຍຄ່າສອງຄ່າຄືຈິງຫລືເທັດ
ເຊິ່ງກົງກັບ true ແລະ false ຄ່າຄົງທີ່ຫລືຕົວແປທີ່ມີຊະນິດຂໍ້ມູນ
Boolean ຈະມີຄ່າເປັນຄ່າໃດໜຶ່ງໃນສອງຄ່ານີ້ເທົ່ານັ້ນ ຄຳວ່າ true ແລະ
false ເຖິງຈະບໍ່ແມ່ນຄີເວີດໃນພາສາຈາວາ
ແຕ່ເນື່ອງຈາກເປັນຄຳທີ່ສະຫງວນໄວ (Reserved Word)
ຈຶ່ງບໍ່ອະນຸຍາດໃຫ້ຕັ້ງຊື່ identifier ກົງກັບຄຳທັງສອງ
ພາສາຈາວາເປັນພາສາທີ່ຕ້ອງລະບຸຂໍ້ມູນຢ່າງຊັດເຈນ
ດັ່ງນັ້ນຈຶ່ງສາມາດໃຊ້ຊະນິດຂໍ້ມູນ Boolean
ໃນກໍລະນີທີ່ຕ້ອງການຄ່າຂໍ້ມູນຊະນິຕັກກະເທົ່ານັ້ນ
ໂດຍບໍ່ອະນຸຍາດໃຫ້ໃຊ້ຂໍ້ມູນຊະນິດອື່ນໆ
ເຊິ່ງກໍລະນີນີ້ຈະແຕກຕ່າງຈາກພາສາຊີຫລື C++ ທີ່ອະນຸຍາດໃຫ້ແປງຂໍ້ມູນຊະນິດຕົວເລກຈຳນວນເຕັມໃຫ້ເປັນຂໍ້ມູນຄ່າຄົງທີ່ຊະນິດຕັກກະໄດ້
ຕົວຢ່າງເຊັ່ນ ຄຳສັ່ງ
boolean flag = true;
ເປັນການປະກາດຕົວແປ flag
ໃຫ້ຊະນິດຂໍ້ມູນ Boolean ໂດຍກຳນົດໃຫ້ມີຄ່າ true
1.2.3ຊະນິດຂໍ້ມູນຕົວອັກຂະຫລະ
ໃນພາສາຈາວາຊະນິດຂໍ້ມູນ char
ຄືຊະນິດຂໍ້ມູນຕົວອັກຂະຫລະ
ໂດຍຂໍ້ມູນຊະນິດຕົວອັກຂະຫລະໃຊ້ເພື່ອສະແດງຕົວອັກຂະຫລະໜຶ່ງຕົວ
ເຊິ່ງໃນພາສາຈາວາຈະຖືກເກັບຢູ່ໃນຮູບແບບຂອງມາດຕະຖານ Unicode ເຊິ່ງຈະມີຂະໜາດ 16 ບິດ
ຂໍ້ມູນຄ່າຄົງທີ່ເຊິ່ງເປັນຕົວອັກຂະຫລະແບບ Unicode ຈະຢູ່ໃນເຄື່ອງໝາຍ ‘ ‘ ໂດຍຈະຂຶ້ນຕົ້ນດ້ວຍສັນຍາລັກ
\u
ແລະຕາມດ້ວຍເລກຖານສິບຫົກ (Hexadecimal
number) ໂດຍມີຄ່າຕັ້ງແຕ່ ‘\u0000’ ເຖິງ ‘\uFFFF’
ເພື່ອເກັບຕົວອັກຂະຫລະຂອງພາສາຕ່າງໆ ໄດ້ທັງໝົດ 65,536 ຕົວຢ່າງເຊັ່ນ
ຕົວອັກສອນແບບ Unicode ສຳຫລັບພາສາໄທຈະມີຄ່າເລີ່ມຕົ້ນແຕ່ ‘\u0E00’ ເຖິງ
‘\u0E7F’ ເປັນຕົ້ນ
ຕົວຢ່າງເຊັ່ນ ຄຳສັ່ງ
char letter = ‘\u0041’;
ຈະເປັນການປະກາດຕົວແປ letter
ໃຫ້ມີຊະນິດຂໍ້ມູນ char ໂດຍມີຄ່າ u0041 ເຊິ່ງມີຄ່າເທົ່າກັບອັກສອນ A
ສຳຫລັບລະຫັດ ASCII
ທີ່ໃຊ້ໃນລະບົບຄອມພິວເຕີທົ່ວໄປ ຕົວອັກຂະຫລະ Unicode
ຈະກຳນົດຄ່າຊ່ວງ ‘\u0000’
ເຖິງ ‘\u00FF’ ໃຫ້ສອດຄ່ອງກັບລະຫັດ ASCII 128
ຕົວທຳອິດນອກຈາກນີ້ເຮົາສາມາດທີ່ຈະກຳນົດຂໍ້ມູນຄ່າຄົງທີ່ຊະນິດຕົວອັກຂະຫລະ
ໂດຍກຳນົດຕົວອັກຂະຫລະພາຍໃນເຄື່ອງໝາຍ ‘ ’ ເຊັ່ນ: ‘x’, ‘1’ ແລະ ‘$’
ຕົວຢ່າງເຊັ່ນ ຄຳສັ່ງ
char letter = ‘A’;
ຈະເປັນການປະກອບຕົວແປ letter
ໃຫ້ມີຊະນິດຂໍ້ມູນ char ໂດຍມີຄ່າເປັນຕົວອັກສອນ A
ເຊັ່ນດຽວກັບຄຳສັ່ງກ່ອນໜ້ານີ້
ພາສາຈາວາສາມາດທີ່ຈະຂຽນຂໍ້ມູນຄ່າຄົງທີ່ທີ່ເປັນອັກຂະຫລະພິເສດຕ່າງໆໄດ້
ໂດຍໃຊ້ສັນ
ຍາລັກ \
ນຳໜ້າຕົວອັກສອນພາສາອັງກິດຕ່າງໆ ເຊັ່ນ: ‘\n’
ຄືອັກຂະຫລະສຳຫລັບການຂຶ້ນບັນ
ທັດໃໝ່ ເປັນຕົ້ນ
ອັກຂະຫລະພິເສດທີ່ນິຍົມໃຊ້ທົ່ວໄປຈະເປັນໄປຕາມຕາຕະລາງທີ2.4
ຕາຕະລາງທີ2.4
ຕົວອັກຂະຫລະພິເສດທີ່ນິຍົມໃຊ້ທົ່ວໄປ
ອັກຂະຫລະ
|
Unicode
|
ຄວາມໝາຍ
|
‘\b’
|
‘\u000B’
|
Backspace
|
‘\t’
|
‘\u0009’
|
Tab
|
‘\n’
|
‘\u000A’
|
New
line
|
‘\r’
|
‘\u000D’
|
Return
|
‘\\’
|
‘\u005C’
|
Backslash
|
‘\’’
|
‘\u0027’
|
Single
quote
|
‘\’’’
|
‘\u0022’
|
Double
quote
|
2..3.3
ຊະນິດຂໍ້ມູນຕົວເລກຈຳນວນເຕັມ
ໃນພາສາຈາວາຊະນິດຂໍ້ມູນ byte,
short, int ແລະ long ຄືຊະນິດຂໍ້ມູນຕົວເລກຈຳນວນເຕັມ
ໂດຍຂໍ້ມູນຊະນິດນີ້ຄືຂໍ້ມູນທີ່ເປັນຕົວເລກຈຳນວນເຕັມໃດໆ
ໃນທາງຄະນິດສາດໂດຍທີ່ແຕ່ລະຊະນິດຈະມີຂະໜາດໃນການເກັບຂໍ້ມູນບໍ່ເທົ່າກັນ
ເຮັດໃຫ້ມີຊ່ວງຂອງຂໍ້ມູນຕ່າງກັນ ດັ່ງທີ່ກ່າວມາແລ້ວໃນຕາຕະລາງທີ2.3
ເຊິ່ງໂດຍທົ່ວໄປພາສາຈາວາຈະກຳນົດໃຫ້ເລກຈຳນວນເຕັມມີຊະ
ນິດຂໍ້ມູນເປັນ int ການຂຽນຂໍ້ມູນຄ່າຄົງທີ່ທີ່ເປັນຂໍ້ມູນຊະນິດຕົວເລກຈຳນວນເຕັມໃດໆຈະບໍ່ມີການໃຊ້ເຄື່ອງໝາຍ
, (comma) ເຊັ່ນ: 10,000 ຈະຕ້ອງຂຽນເປັນ 10000
ໂດຍພາສາຈາວາຈະສາມາດຂຽນຄ່າຄົງທີ່ຂໍ້ມູນໄດ້ສາມແບບດັ່ງນີ້
1.
ເລກຖານສິບຄືການຂຽນເລກຈຳນວນເຕັທົ່ວໄປເຊັ່ນ:
-121 ແລະ 75362 ເປັນຕົ້ນ
2.
ເລກຖານແປດຄືການຂຽນເລກຈຳນວນທີ່ຂຶ້ນຕົ້ນດ້ວຍເລກ
0 ແລ້ວຕາມດ້ວຍເລກຕັ້ງແຕ່ 0 ເຖິງ 7 ເຊັ່ນ: 016 (ມີຄ່າເທົ່າກັບ 14
ໃນເລກຖານສິບ)
3.
ເລກຖານສິບຫົກຄືການຂຽນເລກຈຳນວນເຕັມທີ່ຂຶ້ນຕົ້ນດ້ວຍ
0x ຫລື 0X ແລ້ວຕາມດ້ວຍເລກຕັ້ງແຕ່ 0 ເຖິງ 9 ຫລືຕົວອັກສອນ A ເຖິງ F
ເຊັ່ນ: 0xA2 (ມີຄ່າເທົ່າກັບ162ໃນເລກຖານສິບ)
ການປະກາດຕົວແປໃດໆ
ໃຫ້ມີຊະນິດຂໍ້ມູນເປັນຕົວເລກຈຳນວນເຕັມຊະນິດໃດຊະນິດໜຶ່ງ
ຈະມີຜົນໃຫ້ພາສາຈາວາກຳນົດຂະໜາດເປັນເນື້ອທີ່ສຳຫລັບໜ່ວຍຄວາມຈຳ
ແລະຊ່ວງໃນການເກັບຂໍ້ມູນໃຫ້ຊອດຄ່ອງກັບຊະນິດຂໍ້ມູນນັ້ນໂດຍອັດຕະໂນມັດ
ເຊັ່ນ: ຄຳສັ່ງ
int x = 4;
byte b = 4;
ເປັນການປະກາດຕົວແປ x
ໃຫ້ຊະນິດຂໍ້ມູນເປັນ int ມີຂະໜາດຂອງເນື້ອທີ່ໃນໜ່ວຍຄວາມຈຳ 32 ບິດ
ແລະຕົວແປ b ໃຫ້ມີຊະນິດຂໍ້ມູນເປັນ byte ມີຂະໜາດຂອງເນື້ອທີ່ໃນໜ່ວຍຄວາມຈຳ 8 ບິດ
ເຖິງວ່າຕົວແປທັງສອງຈະເກັບຄ່າເລີ່ມຕົ້ນເປັນ 4 ຄືກັນແຕ່ຕົວແປ x
ສາມາດເກັບຂໍ້ມູນຕົວເລກຈຳນວນເຕັມໃນຊ່ວງທີ່ກວ້າງກວ່າ (-231 ເຖິງ
231-1)
ຂໍ້ມູນຄ່າຄົງທີ່ຂອງຕົວເລກຈຳນວນເຕັມໂດຍທົ່ວໄປຈະຖືກກຳນົດໃຫ້ມີຊະນິດຂໍ້ມູນເປັນ
intແຕ່ພາສາຈາວາສາມາດກຳນົດຂໍ້ມູນຄ່າຄົງທີ່ຂອງຕົວເລກຈຳນວນເຕັມໃຫ້ມີຊະນິດຂໍ້ມູນເປັນ
long
ໄດ້ໂດຍໃສ່ຕົວອັກສອນ l ຫລື L ຕໍ່ທ້າຍເຊັ່ນ:
- 2l ໝາຍເຖິງເລກຖານສິບທີ່ມີຄ່າເທົ່າກັບ 2
ແລະມີຊະນິດຂໍ້ມູນເປັນ long
- 077L ໝາຍເຖິງເລກຖານແປດທີ່ມີຄ່າເທົ່າກັບ
63 ແລະມີຊະນິດເປັນ long
- 0xBAACL ໝາຍເຖິງເລກຖານສິບຫົກທີ່ມີຊະນິດຂໍ້ມູນເປັນ
long
ไม่มีความคิดเห็น:
แสดงความคิดเห็น