ເນື້ອໃນບົດນີ້ເປັນການແນະນຳຄຳສັ່ງກ່ຽວຂ້ອງກັບໂຄງສ້າງຄວບຄຸມໃນພາສາຈາວາ
ເຊິ່ງເປັນການຄວບຄຸມລຳດັບການທຳງານຂອງຄຳສັ່ງຕ່າງໆ
ໃນໂປຣແກຣມພາສາຈາວາ ໂດຍຈະກ່າວເຖິງຄຳສັ່ງໂຄງສ້າງຄວບຄຸມສອງປະເພດຄື
ຄຳສັ່ງໂຄງສ້າງແບບເລືອກທຳເຊິ່ງໄດ້ແກ່ຄຳສັ່ງ if, if..else ແລະ switch
ແລະຄຳສັ່ງໂຄງສ້າງແບບທຳຊ້ຳເຊິ່ງໄດ້ແກ່ຄຳສັ່ງ while,do..while ແລະ for
ແລະໃນຕອນທ້າຍຂອງບົດນີ້ຈະກ່າວເຖິງຄຳສັ່ງໂຄງສ້າງຄວບຄຸມແບບຊ້ອນ
3.1 ຄຳສັ່ງໂຄງສ້າງຄວບຄຸມ
ຄຳສັ່ງໂຄງສ້າງຄວບຄຸມ (Control
Structure) ເປັນຄຳສັ່ງໃຊ້ໃນການກຳນົດລຳດັບການທຳງານຂອງຄຳສັ່ງຕ່າງໆ
ພາສາຈາວາມມີໂຄງສ້າງຄວບຄຸມສາມແບບຄື:
1.
ໂຄງສ້າງແບບຕາມລຳດັບ
(Sequential Structure)
2.
ໂຄງສ້າງແບບເລືອກທຳ
(Selection Structure)
3.
ໂຄງສ້າງແບບທຳຊ້ຳ
(Repetition Structure)
ໂດຍທົ່ວໄປຄຳສັ່ງໃນພາສາຈາວາຈະມີໂຄງສ້າງຄວບຄຸມແບບຕາມລຳດັບ
ໂດຍຈະທຳງານຕາມລຳດັບຂອງຄຳສັ່ງທີ່ມີຢູ່ໃນໂປຣແກຣມ
ເຊິ່ງຈະເລີ່ມທຳງານຈາກເມທອດ main () ໂດຍຈຳທຳງານຈາກຄຳສັ່ງທຳອິດຂອງເມທອດ
main () ແລະທຳງານລຽງຕາມລຳດັບຄຳສັ່ງຕໍ່ໄປເລື້ອຍໆ
ກໍລະນີມີການໃຊ້ເມທອດຂອງອອບເຈັກ
ໂປຣແກຣມຈະເຂົ້າໄປທຳຄຳສັ່ງພາຍໃນເມທອດນັ້ນ
ແລະເມື່ອສິ້ນສຸດຄຳສັ່ງສຸດທ້າຍຂອງເມທອດກໍ່ຈະກັບມາທຳຄຳສັ່ງທີ່ເອີ້ນໃຊ້ເມທອດ
ດັ່ງສະແດງໃນຮູບທີ3.1
ຮູບທີ3.1
ຂັ້ນຕອນການທຳງານຕາມລຳດັບຂອງຄຳສັ່ງທີ່ມີຢູ່ໃນໂປຣແກຣມ
3.2 ໂຄງສ້າງແບບເລືອກທຳ
ໂຄງສ້າງແບບເລືອກທຳເປັນການໃຫ້ເລືອກທຳຊຸດຄຳສັ່ງໃນກໍລະນີທີ່ນິພົດຕັກກະສາດມີຄ່າເປັນຈິງຕາມເງື່ອນໄຂ
ເຊິ່ງຊຸດຄຳສັ່ງໂຄງສ້າງແບບເລືອກທຳຈະປະກອບໄປດ້ວຍຄຳສັ່ງດັ່ງຕໍ່ໄປນີ້
- ຄຳສັ່ງ if
- ຄຳສັ່ງ If..else
- ຄຳສັ່ງ if ແບບຊ້ອນ
(nested if)
- ຄຳສັ່ງ switch
3.2.1 ຄຳສັ່ງ if
ຄຳສັ່ງ if ຈະມີຮູບແບບດັ່ງນີ້
|
ໂດຍທີ່
- Logical expression
ຄືນິພົດຕັກກະສາດທີ່ໃຫ້ຜົນເປັນຂໍ້ມູນຄ່າຄົງທີ່ຊະນິດ Boolean
- statements
ຄືຊຸດຄຳສັ່ງໃດໆ
ຊຸດຄຳສັ່ງທີ່ຢູ່ໃນບ໋ອກ { }
ຈະທຳງານໃນກໍລະນີທີ່ນິພົດຕັກກະສາດໃຫ້ຄ່າເປັນຈິງ ເຊິ່ງຄຳສັ່ງ if ສາມາສະແດງລຳດັບການທຳງານເປັນໂຟຊາດ
(flowchar)ໄດ້ດັ່ງສະແດງໃນຮູບທີ3.2
ຮູບທີ3.2 ໂຟຊາດຂອງຄຳສັ່ງ if
ຕົວຢ່າງຂອງການຄຳສັ່ງ
if ມີດັ່ງນີ້
if (radius >= 0) {
area = radius*radius*Math.PI;
System.out.println(area);
}
ຈາກຕົວຢ່າງນີ້ຊຸດຄຳສັ່ງທີ່ຢູ່ໃນບ໋ອກ
(ຄຳສັ່ງກຳນົດຄ່າຕົວແປ area ແລະຄຳສັ່ງສະແດງຜົນ)
ຈະທຳງານໃນກໍລະນີທີ່ນິພົດ
radius >=0 ເປັນຈິງ ກ່າວຄືຕົວແປ radius ມີຄ່າຫລາຍກວ່າຫລືເທົ່າກັບ 0
ກໍລະນີຊຸດຄຳສັ່ງໃນບ໋ອກ { }
ມີພຽງຄຳສັ່ງດຽວເຮົາສາມາດທີຈະຕັດເຄື່ອງໝາຍ { } ອອກໄປໄດ້ເຊັ່ນ ຄຳສັ່ງ
if((x > 0) && (x < 10)) {
System.out.println(x);
}
ສາມາດຂຽນໃໝ່ໄດ້ເປັນ
if((x > 0) && (x < 10))
System.out.println(x);
ແຕ່ຢ່າງໄດ້ກໍ່ຕາມການຂຽນໂປຣແກຣມທີ່ດີຄວນໃຊ້ບ໋ອກ
{ } ເພື່ອໃຫ້ເກີດຄວາມເຂົ້າໃຈງ່າຍແລະງ່າຍຕໍ່ການເພີ່ມຄຳສັ່ງ (ກ່າວຄືຖ້າມີຫລາຍກວ່າໜຶ່ງຄຳສັ່ງຕ້ອງໃຊ້ບ໋ອກ
{ } ສະເໜີ)
ໂປຣແກຣມທີ3.1
ຕົວຢ່າງການໃຊ້ຄຳສັ່ງ if
ໂປຣແກຣມທີ3.1
ເປັນຕົວຢ່າງຂອງໂປຣແກຣມທີ່ໃຊ້ຄຳສັ່ງ if
ໂດຍໂປຣແກຣມຈະຮັບຕົວເລກເຂົ້າມາທາງໄດອະລ໋ອກ ເຊິ່ງຈະເປັນຂໍ້ມູນຊະນິດ
String ທີ່ຈະເກັບຢູ່ໃນຕົວແປທີ່ຊື່ inputStr
ໂດຍການເອີ້ນໃຊ້ເມທອດທີ່ຊື່ showInputDialog ຂອງຄາດ JOptionPane
ແລ້ວຈຶ່ງສົ່ງຄ່າເປັນ argument ຂອງເມທອດ Integer.parseInt ()
ເພື່ອທຳການແປງຊະນິດຂໍ້ມູນ String ໃຫ້ເປັນຊະນິດຂໍ້ມູນ int
ແລ້ວກຳນົດໄວ້ໃນຕົວແປ score ເຊິ່ງຄຳສັ່ງ if ຈະຕວດສອບວ່າຖ້າຕົວແປ
score ມີຄ່າຫລາຍກວ່າຫລືເທົ່າກັບ 50 ຈະພິມຂໍ້ຄວາມ You pass
ອອກທາງໄດອະລ໋ອກທີ່ເອີ້ນໃຊ້ເມທອດ showMessageDialog ຂອງຄາດ JOptionPane
ຕົວຢ່າງຂອງຜົນລັບທີ່ໄດ້ຈາກການລັນໂປຣແກຣມທີ 3.1 ສະແດງຮູບທີ 3.2
ຮູບທີ 3.3
ຜົນລັບທີ່ໄດ້ຈາກການລັນໂປຣແກຣມທີ 3.1
ຄາດ
JOptionPane
ຄາດ JOptionPane ເປັນຄາດທີ່ກຳນົດມາໃນພາສາຈາວາເພື່ອໃຊ້ໃນການສ້າງ
DialogBox ແບບມາດຕະຖານ ຄາດນີ້ເປັນຄາດຂະໜາດໃຫຍ່ທີ່ມີເມທອດຫລາຍໆ
ເມທອດແຕ່ທີ່ສຳຄັນຄື:
- showConfirmDialog
ເປັນໄດອະລ໋ອກເພື່ອຢືນຍັນຄຳຖາມເຊັ່ນ yes/no/cancel
- showInputDialog
ເປັນໄດອະລ໋ອກສຳຫລັບຮັບຄ່າຂໍ້ມູນຊະນິດ String
- showMessageDialog
ເປັນໄດອະລ໋ອກເພື່ອສະແດງຂໍ້ຄວາມອອກມາ
ไม่มีความคิดเห็น:
แสดงความคิดเห็น