ຕຳລາຮຽນຕ່າງໆ

ຄວາມຕ້ອງການຂອງຜູ້ໃຊ້

4.3 ຄວາມຕ້ອງການຂອງຜູ້ໃຊ້ User Requirements

ຄວາມຕ້ອງການຂອງຜູ້ໃຊ້ຈະບົ່ງບອກເຖິງ ຄວາມຕ້ອງການທີ່ເປັນຟັງຊັ່ນການທຳງານ ແລະ ຄວາມຕ້ອງການທີ່ບໍ່ເປັນຟັງຊັ່ນການທຳງານ ໂດຍສ່ວນໃຫຍ່ຜູ້ໃຊ້ລະບົບມັກຈະເປັນຄົນທີ່ບໍ່ມີຄວາມຮູ້ ທ່າງດ້ານເຕັກນິກ ແຕ່ຜູ້ໃຊ້ລະບົບສາມາດລະບຸລາຍລະອຽດກ່ຽວກັບຄວາມຕ້ອງການທີ່ກ່ຽວຂ້ອງກັບງານ ທີ່ດຳເນີນການຢູ່ ໂດຍຄວາມຕ້ອງການຂອງຜູ້ໃຊ້ຈະເປັນຂໍ້ຄວາມອະທິບາຍ ທີ່ຈະບັນຍາຍໃສແບບຟອມ ທີ່ກຳນົດ

ແນວໃດກໍ່ຕາມຄວາມຕ້ອງການຂອງຜູ້ໃຊ້ທີ່ຂຽນໃນຮູບແບບຂອງພາສາທຳມະຊາດ ຫລື ພາສາ ທົ່ວໄປທີ່ຖ່າຍທອດອອກມາເປັນຕົວຫນັງສືນັ້ນ ກໍ່ອາດສົ່ງຜົນກະທົບໃນດ້ານຕໍ່ໄປນີ້

ຍາກຕໍ່ການສ້າງຄວາມເຂົ້າໃຈ Lack of clarity

ເປັນທີ່ເຂົ້າໃຈວ່າ ຄຳເວົ້າທີ່ແຕ່ລະຄົນຖ່າຍທອດອອກມາເປັນຕົວຫນັງສືນັ້ນ ຍ່ອມແຕກຕ່າງກັນ ດັ່ງນັ້ນ ບາງຄັ້ງຈຶ່ງຍາກທີ່ຈະໃຊ້ພາສາຄຳເວົ້າທີ່ຈະຖ່າຍທອດລົງໄປເປັນຕົວຫນັງສືທີເຮັດໃຫ້ຜູ້ອື່ນອ່ານແລະເຂົ້າໃຈ ຕົງກັນ ເຊິ່ງສົ່ງຜົນໃຫ້ຜູ້ອ່ານ ອ່ານແລ້ວບໍ່ເຂົ້າໃຈ ຖ້ອຍຄຳຕ່າງໆອ່ານແລ້ວເຂົ້າໃຈຍາກ

ມີຄວາມສັບສົນ Requirements confusion

ເປັນໄປໄດ້ທີ່ຜູ້ໃຊ້ອາດສັບສົນລະຫວ່າງຄວາມຕ້ອງການທີ່ເປັນຟັງຊັ່ນການທຳງານ ແລະຄວາມຕ້ອງການທີ່ ບໍ່ເປັນຟັງຊັ່ນການທຳງານ ເຊິ່ງອາດເຮັດໃຫ້ຈຸດປະສົງຂອງລະບົບແລະການອອກແບບຂາດຄວາມຊັນເຈນ

ຄວາມຕ້ອງການປະສົມລວມກັນ Requirements amalgamation

ຄວາມຕ້ອງການຕ່າງທີ່ຫລາກຫລາຍ ອາດປະສົມຢູ່ຮ່ວມກັນດັ່ງນັ້ນ ຄວາມຈັດຄວາມຕ້ອງການທີ່ເປັນສິ່ງ ດຽວກັນ ຫລືຂ້ອງກ່ຽວກັນໃຫ້ເຫລືອພຽງ 1 ຄວາມຕ້ອງການ

ຊະນິດຂອງຄວາມຕ້ອງການ

4.2 ຊະນິດຂອງຄວາມຕ້ອງການ Type of Requirements

ປົກະຕິແລ້ວຄວາມຕ້ອງການສາມາດແບ່ງອອກເປັນ 2 ຊະນິດຄື ຄວາມຕ້ອງການທີ່ເປັນຟັງຊັ່ນ ການທຳງານ ແລະຄວາມຕ້ອງການທີ່ບໍ່ເປັນຟັງຊັ່ນການທຳງານ ໂດຍທັງສອງຈະມີຄວາມແຕ່ຕ່າງກັນດັ່ງນີ້

ຄວາມຕ້ອງການທີ່ເປັນຟັງຊັ່ນການທຳງານ Function Requirements

ເປັນຂັ້ນຕອນການທຳງານທີ່ປະກອບມີ ກິດຈະກຳຕ່າງໆທີ່ກ່ຽວຂ້ອງກັບຜູ້ປະຕິບັດງານ ໂດຍແຕ່ລະກິດຈະ ກຳກໍ່ໃຫ້ເກິດຜົນການດຳເນີນງານອອກມາ ແລະ ໂດຍປົກະຕິ ຄວາມຕ້ອງການທີ່ເປັນຟັງຊັ່ນການທຳງານ ມັກຂຽນຢູ່ໃນຮູບແບບຂອງກິລິຍາ ດັ່ງຕົວຢ່າງເຊັ່ນ

ສົມມຸດວ່າມີການພັດທະນາລະບົບເງິນເດືອນ ກິດຈະກຳການປະຕິບັດງານຂອງລະບົບເງິນເດືອນ ຈະປະກອບມີ ຟັງຊັ່ນຫນ້າທີ່ຕ່າງໆ ດັ່ງຕໍ່ໄປນີ້ ເຊັ່ນ ຄຳນວນເງິນເດືອນແລະຄ່າຄອມມິຊັ່ນ ຄ່າພາສີ ພິມ ລາຍງານພາສີປະຈຳປີ ດັ່ງນັ້ນ ລະບົບງານໃຫມ່ຈະຕ້ອງຈັດການກັບຟັງຊັ່ນຫນ້າທີ່ເຫລົ່ານີ້ໄດ້ເຊັ່ນ

ລະບົບຈະຕ້ອງສາມາດຄຳນວນເງິນເດືອນແລະຄ່າຄອມມິຊັນ
ລະບົບຕ້ອງສາມາດຄຳນວນພາສີ
ລະບົບຈະຕ້ອງສາມາດຈັດພິມລາຍງານພາສີປະຈຳປີ

ຈຶ່ງສະຫລຸບໄດ້ວ່າ ຄວາມຕ້ອງການທີ່ເປັນຟັງຊັ່ນການທຳງານນັ້ນ ຕັ້ງຢູ່ເທິງພື້ນຖານຂອງຂັ້ນຕອນການທຳ ງານແລະກົດເກນຂອງອົງກອນທີ່ໃຊ້ສຳຫລັບການດຳເນີນທຸລະກິດເປັນສຳຄັນ ໂດຍການອະທິບາຍວ່າລະ ບົບຈະຕ້ອງເຮັດຫຍັງແດ່ ດັ່ງນັ້ນຄວາມຕ້ອງການທີ່ເປັນຟັງຊັ່ນການທຳງານຈຶ່ງກ່ຽວຂ້ອງກັບ

ມີຫຍັງແດ່ທີ່ຕ້ອງອິນພຸດເຂົ້າໄປໃນລະບົບ
ມີເອົ໋າພຸດໃດທີ່ລະບົບຈະຕ້ອງດຳເນີນການ
ມີຂໍ້ມູນໃດ ທີ່ລະບົບຈະຕ້ອງຈັດເກັບ ເພື່ອໃຫ້ລະບົບອື່ນໆ ທີ່ກ່ຽວຂ້ອງນຳຂໍ້ມູນໄປໃຊ້ງານໄດ້
ການຄຳນວນຫຍັງທີ່ລະບົບຕ້ອງດຳເນີນການ

ຄວາມຕ້ອງການທີ່ບໍ່ໄດ້ເປັນຟັງຊັ່ນການທຳງານ Non function Requirements

ເປັນຄວາມຕ້ອງການທີ່ກ່ຽວຂ້ອງກັບການກຳນົດຄຸນນະພາບໃນການທຳງານຂອງຊອບແວ ໂດຍເປັນ ການປະຕິບັດງານເພື່ອໃຫ້ບັນລຸຈຸດປະສົງໃນທຸກໆດ້ານ ທີ່ກ່ຽວຂ້ອງກັບສະພາບແວດລ້ອມ ຮາດແວ ແລະ ຊອບແວຂອງອົງກອນ ກໍ່ຄື ເປັນຄຸນລັກສະນະທີ່ລະບົບຊອບແວຄວນມີ ເຊັ່ນ ລະບົບ ໄຄແອນ ເຊີເວີ້ ທີ່ ຢູ່ໃນສະພາບແວດລ້ອມຂອງລະບົບປະຕິບັດການເຄືອຂ່າຍ ຈະຕ້ອງສາມາດຮອງຮັບຜູ້ໃຊ້ງານໄດ້ເຖິງ 100 ເຄື່ອງໃນເວລາດຽວກັນໂດຍເວລາຕອບສະຫນອງການສະແດງຜົນຂໍ້ມູນໃນຈໍພາບ ຂອງທຸກໆເຄື່ອງ ຈະຕ້ອງຕອບສະຫນອງໃນເວລາທີ່ບໍ່ເກີນ 10 ວຶນາທີ ດັ່ງນັ້ນ ຄວາມຕ້ອງການທີ່ບໍ່ໄດ້ເປັນຟັງຊັ່ນການທຳ ງານຄື ຄຸນລັກສະນະຫລືຄຸນະພາບຂອງຊອບແວທີ່ມີ ເຊັ່ນ

ຄວາມສາມາດໃນການໃຊ້ງານ
ປະສິດທິພາບຂອງລະບົບ
ຄວາມຫນ້າເຂື່ອຖືຂອງລະບົບ
ຄວາມງ່າຍຕໍ່ການໃຊ້ງານ
ຄວາມສະດວກໃນການເຄື່ອນຍ້າຍໄປໃນສະພາບແວດລ້ອມໃຫມ່

ການລວບລວມຄວາມຕ້ອງການ

4.1 ການລວບລວມຄວາມຕ້ອງການ Requirements

ຫນ້າທີ່ສຳຄັນຢ່າງຫນື່ງທີ່ນັກວິເຄາະລະບົບແລະທິມງານຈະຕ້ອງດຳເນີນການ ກໍ່ຄື ການເຂົ້າໄປ ຄົ້ນຫາຄວາມຕ້ອງການຂອງຜູ້ໃຊ້ ເຊິ່ງຂັ້ນຕອນການຄົ້ນຫາຄວາມຕ້ອງການແລະການຈົດບັນທຶກຄວາມ ຕ້ອງການນັ້ນບໍ່ແມ່ນສິ່ງທີ່ງ່າຍ ເນື່ອງຈາກທີມງານຈະຕ້ອງເຂົ້າພົບກັບບຸກຄົນຫລາຍລະດັບທີ່ຕົນບໍ່ເຄີຍຮູ້ ຈັກມາກ່ອນເພື່ອເຂົ້າໄປສອບຖາມວ່າ ມຕຄວາມຕ້ອງການຫຍັງແດ່ ທີ່ຈະໃຫ້ມີໃນລະບົບໃຫມ່ ຜູ້ໃຊ້ບາງ ຄົນອາດບໍ່ມີຄວາມຮູ້ພື້ນຖານທາງຄອມພິວເຕີ ຫລືອາດຈະບໍ່ຮູ້ເລີຍວ່າຄວາມຕ້ອງການຂອງຕົນແມ່ນຫຍັງ ປະກອບກັບນັກວິເຄາະລະບົບຈຳເປັນຕ້ອງ ໄດ້ຮັບການສື່ສານກັບບຸກຄົນຫລາກຫລາຍ ແລະການສື່ສານ ກັບຄົນແຮງຫລາຍເທົ່າໃດ ກໍ່ຍ່ອມເກິດຄວາມບໍ່ເຂົ້າໃຈຫລາຍເທົ່ານັ້ນ ພ້ອມທັງອາດຈະໄດ້ຮັບຂໍ້ມູນທີ່ ຜິດໆ ກໍ່ເປັນໄດ້ແລະສີ່ງສຳຄັນນັກວິເຄາະລະບົບຈຳຕ້ອງຈົດບັນທຶກຄວາມຕ້ອງການໃຫ້ຢູ່ໃນຮູບແບບມາດ ຕະຖານ ເພື່ອນຳໄປພັດທະນາເປັນຊອບແວໄດ້ຕໍ່ໄປ

ກິດຈະກຳການຄົ້ນຫາຄວາມຕ້ອງການ ແລະການຈົດບັນທຶກຄວາມຕ້ອງການນັ້ນ ມີຫລັກສຳຄັນ ຄື ຈະຕ້ອງຄົ້ນຫາຄວາມຈິງໃຫ້ໄດ້ວ່າຜູ້ໃຊ້ຕ້ອງການສິ່ງໃດເປັນສຳຄັນ ແນວໃດກໍ່ຕາມ ການລວບລວມ ຄວາມຕ້ອງການນັ້ນ ຈະບໍ່ແມ່ນຫນ້າທີ່ຂອງນັກວິເຄາະລະບົບແຕ່ຝ່າຍດຽວ ໃນຄວາມຈິງແລ້ວ ການລວບ ລວມຄວາມຕ້ອງການຈະຕ້ອງໄດ້ຮັບຄວາມຮ່ວມມື ຮ່ວມໃຈລະຫວ່າງ ຕົວນັກວິເຄາະລະບົບກັບຜູ້ໃຊ້ ດັ່ງ ນັ້ນບົດບາດຫນ້າທີ່ຂອງຜູ້ໃຊ້ໃນການໃຫ້ຂໍ້ມູນຄວາມຕ້ອງການຕ່າງໆ ໃຫ້ນັກວິເຄາະລະບົບຈິ່ງຖືວ່າເປັນ ສິ່ງສຳຄັນຕໍ່ການພັດທະນາລະບົບໃຫມ່

ກ່ອນທີ່ນັກວິເຄາະລະບົບຈະເຂົ້າໄປຫາຄວາມຕ້ອງການຈາກຜູ້ໃຊ້ຕາມຫນ່ວຍງານຕ່າງໆ ນັກວິ ເຄາະຈຳເປັນຕ້ອງສຶກສາຮູບແບບອົງກອນ ຂອງຫນ່ວຍງານກ່ອນ ພ້ອມທັງພິຈາລະນາໃນສ່ວນຜູ້ບໍລິຫານ ລະດັບສູງວ່າໃຫ້ຄວາມສຳຄັນຕໍ່ການພັດທະນາລະບົບໃຫມ່ວ່ານ້ອຍຫລາຍປານໃດ ນັກວິເຄາະລະບົບ ຈະ ຕ້ອງສາມາດຊີ້ແຈງເຫດຜົນໃຫ້ຜູ້ໃຊ້ຮູ້ ຄວາມຕ້ອງການເຫລົ່ານີ້ ຈະເປັນຂໍ້ມູນສຳຄັນ ຕໍ່ການນຳໄປກຳນົດ ຟັງຊັ່ນການທຳງານຂອງລະບົບໃຫມ່

ໃນການລວບລວມຄວາມຕ້ອງການ ຜູ້ໃຊ້ຖືເປັນບຸກຄົນຫນື່ງທີ່ສຳຄັນ ໃນການການໃຫ້ຂໍ້ມູນວິ ເຄາະລະບົບ ແລະດ້ວຍງານດ້ານການພັດທະນາລະບົບນັ້ນ ນັກວິເຄາະລະບົບບໍ່ຈະທຳງານດ້ວຍການນັ່ງ ຢູ່ໃນຫ້ອງການ ແລະຂີດຂຽນຄວາມຕ້ອງການໂດຍລຳພັງ ແຕ່ນັກວິເຄາະລະບົບຈະຕ້ອງອອກນອກສະ ຖານທີ່ ເພື່ອພົບປະແລະສົນທະນາກັບຜູ້ໃຊ້ໃນລະດັບຕ່າງໆ ດັ່ງນັ້ນ ຄວາມຮ່ວມມືຮ່ວມໃຈໃນກຸ່ມຄົນທີ່ ກ່ຽວຂ້ອງຈຶ່ງເປັນສ່ວນສຳຄັນສຳຫລັບງານດ້ານວິເຄາະລະບົບ

ຜູ້ໃຊ້ເປັນບຸກຄົນທີ່ນັກວິເຄາະລະບົບຈະຕ້ອງໄປຫາຂໍ້ມູນເພື່ອຮັບຮູ້ເຖິງປັນຫາ ແລະນຳມາປະ ກອບການວິເຄາະລະບົບ ເຊັ່ນ ຂັ້ນຕອນການດຳເນີນງານທີປະຈຸບັນດຳເນີນການຢູ ປັນຫາທີ່ເກິດຂຶ້ນໃນແຕ່ ລະຂັ້ນຕອນຂອງການທຳງານ. ລາຍລະອຽດຕ່າງໆເປັນຕົ້ນ ເຊິ່ງງານດັ່ງກ່າວເປັນງານທີ່ຜູ້ໃຊ້ໄດ້ປະຕິບັດ ກັບລະບົບເປັນປະຈຳ ເຮັດໃຫ້ມີປະສົບການແລະສາມາດເຂົ້າໃຈເຖິງລາຍລະອຽດປັນຫາໄດ້ເປັນຢ່າງດີ ພ້ອມທັງຜູ້ໃຊ້ອາດສະເຫນີແນະແນວທາງໃນກາແກ້ໄຂປັນຫາໃຫ້ແກ່ນັກວິເຄາະລະບົບກໍ່ເປັນໄດ້ ດັ່ງນັ້ນ ການໄດ້ຮັບຄວາມຮ່ວມມືທີ່ດີຈາກຜູ້ໃຊ້ແຕ່ລະລະດັບ ຍ່ອມພາໃຫ້ເກິດການວິເຄາະຂໍ້ມູນເພື່ອແກ້ໄຂປັນ ຫາໄດ້ຖືວັດຖຸປະສົງ ດັ່ງນັ້ນ ບົດບາດແລະຫນ້າທີ່ຂອງຜູ້ໃຊ້ທີ່ດີປະກອບດ້ວຍຄຸນລັກສະນະດັ່ງນີ້

ຈະຕ້ອງສາມາດອະທິບາຍຂັ້ນຕອນການທຳງານຂອງລະບົບງານປະຈຸບັນທີ່ດຳເນີນການຢູ່ໄດ້
ຕ້ອງສາມາດຊີ້ແຈງປັນຫາຕ່າງໆ ທີ່ເກິດຂຶ້ນໃນລະບົບໄດ້
ຈະຕ້ອງສາມາດບອກຄວາມຕ້ອງການໃນລະບົບໃຫມ່ໄດ້
ຄວນກະກຽມເອກະສານ ຫລື ລາຍງານທີ່ກ່ຽວຂ້ອງໃຫ້ແກ່ນັກວິເຄາະລະບົບ
ຄວນໃຫ້ມີຄວາມຮ່ວມມືແກ່ນັກວິເຄາະລະບົບພ້ອມທັງມີຄວາມປາດຖະຫນາດີຕໍ່ການປັບປຸງລະ ບົບງານເກົ່າທີ່ດຳເນີນການຢູ່ ໃຫ້ມີທິດທາງທີດີຂຶ້ນກວ່າເກົ່າ ໂດຍບໍ່ຄວນມີອະຄະຕິ ຫລືການຕໍ່ ຕ້ານລະບົບໃຫມ່
ຄວນມີສ່ວນຮ່ວມຕໍ່ໂຄງການພັດທະນາລະບົບໃຫມ່ ພ້ອມທັງສາມາດແນະນຳຫລື ສະເຫນີແນວ ທາງແກ້ໄຂປັນຫາໃຫ້ແກ່ນັກວິເຄາະລະບົບ

ສາຍງານວິກິດ

3.6.2 ສາຍງານວິກິດ Critical Paths

ສາຍງານວິກິດເປັນສາຍງານທີ່ມີໄລຍະເວລາຍາວນານທີ່ສຸດ ເຊິ່ງພິຈາລະນາຈາກຮູບ 3.12 ຈະເຫັນ ໄດ້ວ່າ ສາຍງານວິກິດຄື ສາຍງານທີ 1 1-2-3-7 = 2+3+3 =8 ໂດຍໃຊ້ເວລາທັງ ຫມົດ 8 ວັນ ນັ້ນຫມາຍຄວາມວ່າການດຳເນີນງານທຸກຢ່າງໃນແຕ່ລະຂັ້ນຕອນຈະ ສຳເລັດໂດຍໃຊ້ເວລາ 8 ວັນແນວໃດກໍ່ຕາມໂຄງການຫນື່ງໆ ອາດຈະມີສາຍງານວິກິດຫລາຍກວ່າ ຫນື່ງສາຍງານກໍ່ໄດ້

3.6.3 ການເລັ່ງໂຄງການ

ສາຍງານວິກິດເປັນສາຍງານທີ່ມີໄລຍະເວລາຍາວນານທີ່ສຸດ ເຊິ່ງຖືເປັນສາຍງານທີ່ມີ ຄວາມສຳຄັນ ຫາກງານ ຫລື ກິດຈຳກຳພາຍໃນສາຍງານວິກິດ ສຳເລັດລ່າຊ້າກວ່າທີ່ກຳນົດ ໄວ້ໃນໂຄງການ ນັ້ນຫມາຍຄວາມວ່າ ໂຄງການໂດຍລວມ ກໍ່ຈະສຳເລັດລ່າຊ້າໄປນຳ ດັ່ງນັ້ນ ການຄວບຄຸມໂຄງການ ໃຫ້ສຳເລັດຕາມເວລາທີ່ໄດ້ກຳນົດໄວ້ ຈຳເປັນຕ້ອງມີການຄວບຄຸມ ກິດຈະກຳໃນສາຍງານວິກິດ ໃຫ້ເປັນໄປຕາມທີ່ໄດ້ວາງແຜນໄວ້ ແລະ ຖ້າຫາກມີຄວາມ ຕ້ອງ ການເລັ່ງໂຄງການໃຫ້ສຳເລັດໄວຂຶ້ນກໍ່ສາມາດເຮັດໄດ້ໂດຍການເລັ່ງກິດຈະກຳ ພາຍໃນສາຍ ງານວິກິດນັ້ນເອງ

ສາຍງານວິກິດ

3.6.2 ສາຍງານວິກິດ Critical Paths

3.6.3 ການເລັ່ງໂຄງການ

ສາຍງານວິກິດ

3.6.2 ສາຍງານວິກິດ Critical Paths

3.6.3 ການເລັ່ງໂຄງການ

ເພີດ ແລະ ຊີພີເອັມ PERT and CPM

3.6 ເພີດ ແລະ ຊີພີເອັມ PERT and CPM

ການບໍລິຫານໂຄງການດ້ວຍການວາງແຜນຄວບຄຸມໂດຍໃຊ້ເຕັກນິກ PERT (Program Evaluation and Review Technique ) ແລະ CPM (Critical Path Method) ເປັນການວິ ເຄາະຂ່າຍງານທີ່ມັກນຳມາໃຊ້ໃນການບໍລິຫານໂຄງການທີ່ມີຈຸດເລິ່ມຕົ້ນຂອງໂຄງການຈົນເຖິງການປິດໂຄງ ການທີ່ແນ່ນອນ ມີງານຍ່ອຍຕ່າງໆ ທີ່ມີການກະຈາຍໂດຍມີຄວາມສຳພັນເຊິ່ງກັນແລະກັນ

ຈຸດປະສົງແລະຫລັກການຂອງ PERT ແລະ CPM ມີພື້ນຖານທີ່ຄ້າຍຄືກັນ ໂດຍ PERT ຈະເນັ້ນດ້ານເວລາໃນການດຳເນີນໂຄງການ ໃນຂະນະທີ່ CPM ຈະເນັ້ນທາງດ້ານຄ່າໃຊ້ຈ່າຍໃນການດຳ ເນີນໂຄງການ ແນວໃດກໍ່ຕາມ ໃນປະຈຸບັນໄດ້ມີການນຳມາໃຊ້ງານຮ່ວມກັນ ໂດຍຄຳວ່າ PERT ຄຳດຽວ ອາດຈະຫມາຍເຖິງການນຳເອົາເຕັກນິກ CPM ບາງສ່ວນມາໃຊ້ຮ່ວມ

3.6.1 ວັດຖຸປະສົງຂອງ PERT

PERT ເປັນແຜນງານທີ່ສາມາດສະແດງພາບລວມຂອງໂຄງການດ້ວຍຂ່າຍງານ Network ໂດຍສະແດງກິດຈະກຳຕ່າງໆ ໃນໂຄງການ ລຳດັບການທຳງານ ແລະຄວາມສຳພັນລະຫວ່າງກິດຈະກຳ ຕ່າງໆ ທັງນີ້ມີວັດຖຸປະສົງເພື່ອ

1. ວາງແຜນໂຄງການ Project Planning

ມີການຄຳນວນໄລຍະເວລາການທຳງານ ແລະ ສະແດງເຖິງກິດຈະກຳແຕ່ລະກິດຈະກຳວ່າຄວນ ເລີ່ມຕົ້ນເມື່ອໃດແລະຍັງມີຄວາມສາມາດໃນການກຳນົດໄດ້ວ່າກິດຈະກຳໃດເປັນກິດຈະກຳສຳຄັນ ທຳງານ ລ່າຊ້າບໍ່ໄດ້ ຫລື ລ່າຊ້າບໍ່ໄດ້ເກີນໄລຍະເວລາເທົ່າໃດ

2. ຄວບຄຸມໂຄງການ Project Control

ສາມາດຄວບຄຸມການທຳງານຕາມແຜນທີ່ໄດ້ວາງໄວ້ ແລະຄວບຄຸມການທຳງານບໍ່ໃຫ້ລ່າຊ້າເກີນກຳນົດ

3. ບໍລິຫານຊັບພະຍາກອນ Resource

ສາມາດໃຊ້ຊັບພະຍາກອນຕ່າງໆ ເຊັ່ນ ເງິນລົງທຸນ ບຸກຄະລາກອນ ເຄື່ອງມື ອຸປະກອນອື່ນໆໄດ້ຢ່າງ ມີ ປະສິດທິພາບ ແລະໃຊ້ປະໂຫຍດໄດ້ຢ່າງເຕັມທີ່

4. ບໍລິຫານໂຄງການ Project Management

ໃນບາງຄັ້ງອາດມີຄວາມຈຳເປັນຕ້ອງ ເລ່ງການດຳເນີນການເພື່ອໃຫ້ໂຄງການສຳເລັດໄວກວ່າກຳຫນົດ ເຊິ່ງກໍ່ສາມາດເຮັດໄດ້ດ້ວຍການເລ່ງກິດຈະກຳບາງກິດຈະກຳ ເພື່ອເຮັດໃຫ້ໂຄງການຈົບໄວ້ຂຶ້ນ

หน้าเว็บ